piliya jaise ki nam matra se hi pile rang ka sanbandh malum hota hai, sharir ka pilapan is rog ka mukhya lakshan hai. pitt pittashay se nikalakar grahni men n pahunch kar sidhe hi rakt men mil jae, to pitt samast sharir men fail jata hai aur pitt men maujud bilirubin namak ranjak padarth sukshm rakt vahiniyon se nikalakar tvacha, ankh aur vibhinn angon men failakar unhen pila rang pradan karta hai, jisse samast sharir pila lagne lagta hai islie is rog ko ‘piliya’ kahte hain. yakrit koshikaon men pitt ka nirman hota hai jo pittashay men ekatrit hota hai. pitt ahar ke pachan men sahayak hota hai. jab ahar amashay se gujrta hua grahni men pravesh karta hai, to usi samay pitt bhi pittashay se nikal kar grahni men pahunch jata hai
aur ahar ke pachan men mahatvapurn bhumika nibhata hai kintu jab rakt men bilirubin ki matra barhti jati hai, gurde use chan kar rakt ko saf karne men asamarth hote jate hain, jisse mutra ka rang bhi pila hone lag jata hai.
piliya rog ke mukhya bhag
- pitt pranali ya yakrit koshikaon ka vikar grast hona, yakrit ki koshikaon men kshati ya usmen sujan a jane ke karan jab yakrit bilirubin ko pitt men mishrit nahin kar pata hai, to yah bilirubin padarth sidhe rakt men milta hai parinamasvarup sharir men piliya ke lakshan prakat hote chale jate hain.
yakrit koshikaon ki vikriti ke bhi do karan hanai: vishanu: piliya karak yah vishanu dushit khan-pan ke dvara ant sthan men pahunch jata hai aur fir vahan se rakt sancharan dvara yakrit tak pahunch jata hai jisse yakrit koshikaen vikrit ho jati hain aur pitt men bilirubin padarth ko mishrit nahin hone detin aur piliya ho jata hai. aushdhi aur vishakt padarthajanya piliya: jab kisi vishesh rog ke karan lagatar dirgh kal tak aushdhiyon ka sevan kiya jata hai to viprit prabhav se yakrit ki karya kshamata kam ho jati hai jisse vishakt aur hanikarak vyarth padarth sharir men hi ekatrit hote chale jate hain. inhin padarthon men bilirubin bhi ek hai,jiske karan piliya hota hai.
-pittashay evan grahni ke madhya pitt pranali men avrodh hone se piliya hota hai. ahar men vasa (kolestrael) ki matra adhik rahne athva bar-bar bhari bhojan karte rahne se sharir men vasa ka sahi pachan nahin ho pata. parinamasvarup rakt men uski matra barhne lagti hai tatha rakt dhamniyon ki antrik bhittiyon ke upar jamne lagti hai jisse unmen avrodh utpann hone lagta hai. is avrodh ke karan pitt grahni tak n pahunch kar sidhe rakt men milne lag jata hai aur piliya hota hai. rog ke lakshana: rogi ka samast sharir, chehra, ankhen, nakhun, honth adi pile ho jate hain tatha mutra bhi gahre pile rang ka ane lagta hai. rogi ki pachan prakriya puri tarah bigar jati hai evan pyas barh jati hai. rogi ke munh ka svad bigar jata hai, bhukh samapt ho jati hai. prayah kabj rahta hai.
kabhi-kabhi dast bhi ane lag jate hain. rogi kamjor, alasya, thakavat tatha bechaini mahsus karta hai. jyotishiya karn: piliya rog ka sanbandh yakrit se hai. jyotish men kundli ke dvadash bhavon men yakrit ka sanbandh pancham bhav se hota hai. pancham bhav ka karak grah guru hai. guru ka apna rang bhi pila hi hota hai aur piliya rog men bhi jab rakt men bilirubin jata hai to sharir ke angon ko pila kar deta hai. aisa pitt ke bigrne se bhi hota hai. guru grah bhi pitt tatva se sanbandh rakhta hai. piliya rog men bilirubin padarth rakt ki sahayta se sare sharir men failta hai.
rakt ke lal kan mangal ke karan hote hain aur taral chandra se islie mangal aur chandra bhi is rog ke failne men apna sthan rakhte hain. is prakar pancham bhav, panchmesh, guru, mangal aur chandra jab ashubh prabhavon men janmakundli evan gochar men hote hain to vyakti ko piliya rog ho jata hai. jab tak gochar aur dasha antardasha ashubh prabhav men rahte hain tab tak jatak ko rog rahta hai uske uprant vah thik ho jata hai.
vibhinn lagnon men piliya rog
mesh lagna: budh shashth bhav men, surya saptam bhav men rahu ya ketu se yukt ya drisht, mangal guru se yukt ya drisht kundli men kahin bhi ho to jatak ko piliya rog jivan men jarur hota hai.
vrish lagna: guru lagn, pancham ya shashth bhav men rahu-ketu se yukt ya drisht, lagnesh ast ho aur mangal se drisht ho to jatak ko piliya ya piliya jaisa khun ki kami ka rog hota hai.
mithun: lagnesh budh ast hokar pancham shashth bhav men ho guru lagn men mangal se yut ya drisht ho, chandra rahu ya ketu se drisht hokar kahin bhi ho to jatak ko piliya sanbandhi rog hota hai.
karka: lagnesh chandra budh se yukt, rahu-ketu se drisht hokar lagn, pancham ya shashth bhav men ho aur guru surya se ast hokar kisi bhi bhav men ho to jatak ko piliya jaisa rog hota hai.
sinh lagna: surya rahu ketu se drisht dasham bhav men aur guru rahu ketu se yukt hokar shashth bhav men ho aur mangal se drisht ho to jatak ko piliya hota hai.
kanya lagna: lagnesh ast hokar shashth bhav men ho, guru evan lagn donane piliya ke gharelu upchar
- muli ke patton ka ras chini men milakar pratahkal khali pet pien.
- menhdi ki pattiyan mitti ke bartan men pani dalakar chaibis ghante tak bhigokar rakhen aur pratahkal khali pet pi len. isse piliya rog dur hota hai.
- santre ka ras, kachche nariyal ka ras, fate dudh ka pani, dahi ki chach men namak aur kali mirch dalakar pina hitkari hai.
- liv-52 ki do-do goli din men tin bar lene se aram hota hai.
- pudine ka ras nikal kar chini milakar, subah das din tak pine se piliya men labh hota hai.
- kachche papite ke ras ki bundon ko batashe men dalakar do tin saptah khane se piliya rog se rahat milti hai.
- lakri ke kolhu se ya ghar ke jusar se nikla hua ganne ka ras pine se piliya dur hota hai.
- bari harar aur chini donon ko barabar matra men le kar pis len. pratidin subh-sham pani ke sath ek chammach lene se aram hota hai.
- ak ke patte aur chini barabar matra men pis, choti-choti goliyan banakar, din men do-do goli din men tin bar pani ke sath lene se aram hota hai.
mangal se drisht ho, chandra bhi rahu-ketu evan mangal guru ke kisi bhi tarah ke prabhav men ho to jatak ko khun ki kami ya piliya jaisa rog hota hai.
tula lagna: guru pancham ya shashth bhav men rahu ya ketu se yukt ya drisht ho, chandra mangal bhi rahu-ketu ke prabhav men kundli men kahin bhi ho, surya shani se yukt ya drisht ho to jatak ko piliya ho sakta hai.
vrishchik lagna: budh lagn men rahu ketu se yukt ya drisht, mangal surya se ast ho, guru vakri hokar shashth bhav men ho ya shashth bhav par uski drishti ho to jatak ko piliya hone ki sanbhavna hoti hai.
dhanu lagna: surya shashth bhav men mangal se yukt ya drisht ho, chandra lagn men rahu-ketu se yukt ya drisht ho to jatak ko piliya ho sakta hai.
makar lagna: lagnesh shani aur shashthesh guru rahu-ketu ke prabhav men pancham, shashth ya lagn men ho aur chandra, mangal surya se ast ya surya ke prabhav men ho to jatak ko piliya jaisa rog ho sakta hai.
kunbh lagna: lagnesh shani ast ho, mangal aur chandra rahu ya ketu se yukt, drisht hokar shashth bhav men ho aur guru ke bhi prabhav men ho to jatak ko piliya ho sakta hai.
min lagna: shashthesh surya rahu-ketu se yukt ya drisht lagn men ho, shukra shani ek dusre par drishti rakhte hue shashth bhav men, mangal pancham bhav men chandra se yukt ya drisht ho to jatak ko piliya ya khun ki kami rahti hai.