vastu sammat grih nirman ke lie uttam bhukhand ka hona avashyak hai. agar ap bina vastuvid se salah liye grih nirman kar chuke hain to ap lekh men diye gaye bhukhandon ki shreni ke anusar parhakar apne ghar ka vastu thik kar sakte hain. is lekh men bhukhandon ka vastu ke niyamon ke anusar vargikaran kiya gaya hai. vastu bhukhand ke gunon ke anusar ise char shreniyon ati uttam, uttam, ausat evan ashubh men vargikrit karta hai. vastu men bhukhand ki char shreniyan hain jiske anusar pratyek bhukhand ko pukara jata hai. ‘e’ shreni ka bhukhand: ati uttam ‘e’ shreni ke bhukhand ko ati uttam bhukhand kaha jata hai kyonki yah sabhi vastu niyamon ka palan karta hai tatha ismen vastu dosh naganya hote hain.
ati uttam bhukhand men har chij yathasthan evan sahi disha men hoti hai. ‘bi’ shreni ka bhukhand: uttam ‘bi’ shreni ke bhukhand ko uttam bhukhand kaha jata hai kyonki ismen kuch dosh pae jate hain halanki adhkianshtah yah vastu niyamon ka palan karta hai. kuch doshon ki avhelna ki ja sakti hai jabki kuch doshon ko thik kiya ja sakta hai. ‘si’ shreni ka bhukhand: ausat ‘si’ shreni ke bhukhand ko ausat bhukhand kaha jata hai kyonki is tarah ke bhukhand men kuch dosh sthiti evan ghar ke vibhinn vibhagon ka nirman galat disha men karne ke karan hota hai. ‘di’ shreni ka bhukhand: ashubh ‘di’ shreni ke bhukhand ko sabse ashubh bhukhand mana jata hai kyonki ismen vastu sammat kuch bhi nahin hota.
atah aise bhukhand men doshon ka nirdharan kar uska samadhan shighra karna chahie. ‘e’ shreni ke bhukhand ka vastu ‘e’ shreni ke bhukhand ko ati uttam bhukhand kaha jata hai kyonki ismen kuch doshon athva tyajya doshon ke atirikt sab kuch vastu sammat hota hai. ati uttam bhukhand men sab kuch uchit sthan evan uchit disha men sthit hote hain. yahan kuch bindu prastut kie ja rahe hain jo ati uttam bhukhand ki visheshtaon ko pradarshit karte hain: ‘e’ shreni ke bhukhand ka pravesh dvar purva ki or se hai jise vastu men adarsh dvar disha mana jata hai. jamin ke niche uttara-purva disha men pani ki tanki bani hai. puja ghar uttara-purva men sthit hai. ati uttam bhukhand ka living rum uttara-pashchim men sthit hai.
septik taink uttara-pashchim disha ke bahri bindu par sthit hai. ati uttam bhukhand men shauchalay pashchim disha men nirmit hai. rasoi ghar adarsh rup se dakshin-purva men sthit hai jismen khana banane ka kam dakshin-purva kone par purvabhimukh hokar kiya jata hai tatha isse laga hua bhojan kaksh hai. dakshin-pashchim ka kaksh grih svami ke lie prastavit hai. ‘e’ shreni ke bhukhand men gairej dakshin-purva men sthit hai. ovrhed taink dakshin-pashchim kone par lagaya gaya hai. ‘bi’ shreni ke bhukhand ka vastu ‘bi’ shreni ke bhukhand men nirman men kuch dosh rah jate hain kintu yah vastu ke adhkitar niyamon ka palan karta hai. iske kuch doshon ki avhelna ki jati hai tatha kuch men sudhar kiya jata hai. niche ‘bi’ shreni ke bhukhand ki visheshtaen di ja rahi hain jise uttam bhukhand kaha jata hai: ‘bi’ shreni ke bhukhand men pravesh dvar uttar disha men hai jo ki mukhya darvaje ke lie dusra adarsh vikalp hai tatha ghar ke lie shubh mana jata hai.
andar vatar taink uttara-purva men sthit hai. is prakar ke bhukhand men gairej ke lie vikalp ke rup men uttara-pashchim disha hai. balkni uttar disha men adarsh mana jata hai. living rum uttara-pashchim men sarvottam hota hai jahan baithne ki disha purvamukhi ho. uttara-purva kone ke atirikt puja ghar purva men hona shreshth hai. grih svami ka shayan kaksh dakshin-pashchim men sarvashreshth mana jata hai. shauchalay ka sthan uttam bhukhand men bhi uttara-pashchim men hona thik hai. ovar hed taink hamesha siparf dakshin-pashchim men hona chahie.
‘si’ shreni ke bhukhand ka vastu ‘si’ shreni ke bhukhand ko ausat mana jata hai kyonki is bhukhand men sthiti evan ghar ke vibhagon ke nirman se sanbandhti kuch disha dosh hote hain. yahan ‘si’ shreni ke ausat bhukhand ki visheshtaen niche di ja rahi hain: is prakar ke bhukhand men pravesh dvar pashchim ki or se hai jo upar ke shreniyon ki tulna men kharab hai. ausat bhukhand men andaragraund vatar taink uttara-pashchim disha men hai. is prakar ke bhukhand men rasoi ghar uttara-pashchim men rakha ja sakta hai jo ki ausat hai tatha chulha is prakar rakha jata hai ki khana banane vale ka munh uttar ki or rahe. puja ghar ausat bhukhand men uttar disha men hai. bhojan kaksh pashchimi hisse men sthit hai. ausat bhukhand men living rum uttara-purva disha men sthit hai. is bhukhand par shauchalay dakshin-pashchim disha men nirmit hai. bhandar grih bhukhand ke dakshin-pashchim kone par sthit hai.
‘si’ shreni ke bhukhand men grih svami ka shayan kaksh uttara-purva kone par sthit hai. ‘di’ shreni ke bhukhand ka vastu ‘di’ shreni ke bhukhand ko sarvadhki ashubh mana jata hai kyonki ismen nirman vastu niyamon ka palan karke nahin kiya jata hai. aise bhukhand par vastu dosh ka nirdharan karne ke uprant dosh dur karne ke upay shighra kiye jane avashyak hain. niche vastu dosh ke sath ashubh bhukhand ki visheshtaen prastut ki ja rahi hain: kisi bhukhand par rasoi ghar uttara-purva disha men hona ashubh mana jata hai.
aise bhukhand men samanyatah pravesh dvar dakshin-pashchim kone se hota hai joki kapfi bura evan ashubh mana jata hai. is bhukhand par bhojan kaksh uttara-pashchim disha men nirmit hai. puja ghar pashchim disha men sthit hai. shauchalay rasoi ghar se sata hua uttara-purva disha men hai jo ki atyant bura evan ashubh hai. living rum dakshin disha men uttarabhimukh hai. ‘di’ shreni ke bhukhand par sirhiyan uttara-purva kone par sthit hain. grih svami ka shayan kaksh dakshin-purva men sthit hai. kuch atyant ashubh bhukhandon men sirhiyan shauchalay khasakar pashchimi shauchalay ke thik upar se hokar gujrti hain jo ki ghar men adhkiansh samasyaon ki pramukh jar hoti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!