yurved aur prakritik chikitsa ka mul adhar hai ‘malish’! malish ko angreji men masaj kahte hain. masaj shabd arbi bhasha ke mass shabd se bana hai jiska arth hota hai ‘manspeshiyon ko daba kar athva unse khel karne ki kala. vibhinn praniyon men malish abhinn rup se juri hui hai. bachche ke janm lete hi man use sahlati, thapthpati hai taki bachche ka shighra vikas ho aur vah sudaul, svasth v sudrirh ho. bachchon ko dhup men baithakar malish karne ki paranpra lagabhag sabhi dharmaen, deshon ke parivaron men dekhi ja sakti hai. pashu-pakshi bhi apne bachchon ko janm ke bad jibh, chonch ya pankhon se sahlate hain.
malish ka tel: malish ke lie nariyal, sarson, til, jaitun ke tel achche rahte hanai. jaron men sarson ya til ke tel ki malish karna achcha rahta hai. garmiyon men athva ati-amlata v charm rog ke rogiyon ke lie nariyal v jaitun tel ki malish uttam hai. jaitun, badam ka tel v makkhan bachchon, durbal vyaktiyon v tapedik ke rogiyon ke lie uttam hain. kaddu ka tel sir ko taravat deta hai v mastishk ko majbut karta hai. vidhi: durbal vyakti v rogi ko adha ghanta v svasth tatha mote vyakti ko 45 minat se ek ghanta malish di ja sakti hai. malish aranbh karte samay pahle pairon v hathon ki malish karen, uske bad chati, fir pet, yakrit v pith ki malish karen. iske bad nitanb aur ant men sir ki malish karni chahie. sadharntah pet par kabhi bhi jor se malish karna uchit nahin hai. patle dast, anv, alsar, uchch raktachap, antra puchch ki sujan, pet men ganth, harniya, striyon ke masik dharm v garbhavastha ke dauran malish karna varjit hai. malish se labh: malish ek prakar ka nishkriya vyayam hai, atah jo log vyayam nahin kar sakte unhen malish dvara vyayam ka labh diya ja sakta hai.
malish se rakt sanchar barhne se tvacha lachili, komal, sundar v jhurriyon rahit ho jati hai, burhapa v thakan dur hote hanai, sharir men tajgi v utsah bhar jate hain. sharir sundar, balvan, priyadarshi hota hai tatha burhape ke lakshan dur hote hanai.
- malish dvara nari sansthan par shamak prabhav parta hai. chunki sharir men vibhinn ang snayuon dvara hi niyantrit hote hain atah sharir halka hokar mastishk men taravat, nind a jati hai.
- malish se raktasanchar tivra ho jata hai jisse sharir se dushit padarth aur mal nishkasak angon ko bal milne par teji se bahar nikal jate hain.
- malish dvara pachan tantra, bari aur choti ant, yakrit, agnashay adi ko shakti milti hai.
- malish se manspeshiyon ke karya karne ki shakti barhti hai, unmen lachak ati hai tatha vikas hota hai, unka akar bana rahta hai, unka dhilapan, latkna v jhurriyan samapt ho jati hain.
- malish se lasika granthi nalikaon ki karyakshamata barh jati hai jisse sharir ke poshak tatva grahan karne ki kriya men vriddhi hoti hai. haddiyon ko bhi poshak tatva adhik milne se asthiyon ka vikas hota hai, bachchon ko sukha rog nahin hota.
- malish se donon fefre majbut hote hai. pith ki malish se gurdon ki karya kshamata barhti hai, rakt saf hota hai evan avanchniya yuriya amla bahar nikal jata hai.
- malish se tvacha dvara khurak sidhe sharir ko milti hai. atah jab rogi ahar grahan nahin karta tab malish dvara poshan pradan kiya ja sakta hai.
- ajakal jab rog asadhya v jatil hote ja rahe hain tab malish dvara rogon ko thik karne men atyant sahayta milti hai. sharir ke anek rog anidra, tansilaitis, ajirn, kabj, gathiya, bachchon ka poliyo, tapedik, siradard, moch, motapa, madhumeh, saitika, kamaradard, snayushul, gathiya adi men malish se labh hota hai.
- saudarya upcharon ka pradhan ang hai feshiyal jismen mukh v gale ki malish hi pramukh bhag hanai.
malish dvara chehre v gale ko atyant aram milta hai. chehre ki sundrta, chamak v ankhon ki roshni barhti hai. muhanse nahin hote. sir ki malish se bal majbut aur kale, smaran shakti ki vriddhi v gyanendriyon ke kendra pusht hote hain.
balon ki subh-sham panch minat malish karni chahie. isi prakar pure badan ki malish nahane se purva svayan hi das minat dinacharya ka hissa manakar upyukt tel se avashya karni chahie. yah hamesha har umra men yuva banae rakhegi.