prashna: ashtakavarg kya hai?
uttara: pratyek grah apna prabhav kisi nishchit sthan se dusre sthan par dalta hai. in prabhavon ko ashtakavarg men mahatva dekar falit karne ki ek saral vidhi taiyar ki gayi hai. ashtakavarg men rahu-ketu ko chorakar shesh sat grah (surya se shani) aur lagn sahit ath ko mahatva diya gaya hai. islie is paddhati ka nam ashtakavarg hai.
prashna: ashtakavarg men rekha aur bindu se kya abhipray hai?
uttara: ashtakavarg men grah apna jo shubh ya ashubh prabhav bhav men chorte hain use hi rekha aur bindu se jana jata hai. rekha shubh prabhav ko darshati hain aur bindu ashubh prabhav ko. lekin kahin kahin par bindu ko shubh aur rekha ko ashubh mana jata hai.
prashna: ashtakavarg falit karne men kaise sahayak hai, is par prakash dalen.
uttara: aksar dekhne men ata hai ki kundli men grah apne shubh sthanon par hain, shubh yogon men hanai to bhi jatak ko us anusar fal prapt nahin hota. yah kyon nahin hota, iska khulasa ashtakavarg karta hai. ashtakavarg men yadi grah ko shubh ank adhik prapt nahin hain bhale hi vah uchch ka ho, svarashi men ho, mulatrikon par ho, shubh yogon men ho, vah grah fal nahin dega. chah, sat, ath ank yadi grah ko bhav men prapt hain to vah vishesh shubh fal dega.
prashna: kitne ank (bindu ya rekha) shubh fal dene men saksham hanai?
uttara: yadi grah ko char ankon se kam ank bhav men prapt hain to grah apna shubh prabhav nahin de pata. panch se ath ank prapt grah kramshah shubh prabhav dene men saksham hote hanai.
prashna: sarvashtak varg aur bhinnashtak varg men kya antar hai?
uttara: sabhi nav grahon ke shubh prapt ankon ko jor kar jo varg banta hai use sarvashtak varg kahte hain aur bhinna-bhinn grah ko jo shubh ank prapt hain unhen bhinnashtak kahte hain.
prashna: ashtakavarg men kisi bhav men grahon ko jo kul ank prapt hote hain unka adhik mahatva hai ya kisi grah ko prapt ankon ka adhik mahatva hai?
uttara: mahatva donon ka hi hai. jab ham kisi bhav ke kul ankon ki bat karte hain to unse yah malum hota hai ki us bhav men sabhi grah milakar us bhav ka kaisa fal denge aur jab kisi bhav men kisi vishesh grah ke fal ko janna chahte hain to us grah ko prapt ankon se jante hain. yadi kisi bhav men kul 30 ya adhik ank prapt hain to yah samjhna chahie ki us bhav se sanbandhit vishesh fal jatak ko prapt honge aur usi bhav men yadi kisi grah ko 5 ya usse adhik ank prapt hain to yah janna chahie ki us grah ki dasha men us bhav se sanbandhit vishesh fal prapt honge. kul ank nishchit karte hain us bhav se sanbandhit upalabdhiyan aur grah ke apne ank nishchit karte hain ki kaun sa grah kitna fal dega, arthat apni dasha-antardasha aur gochar anusar fal kaisa dega.
pra: sabhi bhavon men ankon ko jorne se jo ank prapt hote hain, ve kahin 337 aur kahin 386 hote hain, aisa kyon?
uttara: kuch vidvan sat grahon aur lagn ke ankon ko jor kar kul ankon ki ganna karte hain aur kuch sirf sat grahon ko hi lete hain. is prakar lagn aur sat grahon ko lete hain to ankon ki sankhya 386 ati hai, agar lagn ko chor dete hain tab sankhya 337 ati hai.
prashna: kitne ankon vala ashtak varg banana chahie, arthat 337 ya 386?
u: jab ham ashtakavarg ki bat karte hain to sat grah aur lagn ki bat hoti hai, islie lagn ko yadi chor denge to ashtakavarg adhura sa lagta hai. islie lagn sahit ankon ko len to tarkasangat bat lagti hai. islie 386 hi lena chahie.
prashna: gochar ka ashtakavarg se kya sanbandh hai?
uttara: gochar ka fal ashtakavarg ke hi siddhant par adharit hai. janm rashi se grah kis bhav men gochar kar raha hai usi anusar fal deta hai. yadi grah gochar men shubh sthanon par gochar kar raha hai aur us sthan par grah ko uske shubh 6 ya adhik ank prapt hain to jatak ko us bhav se sanbandhit vishesh shubh fal prapt hoga.
prashna: ashtakavarg ke anusar pratyek grah ko janm rashi se kaun-kaun se shubh sthan prapt hanai?
uttara: pratyek grah ke janm rashi se nimn shubh sthan hanai. surya: 3,6,10,11 chandra: 1,3,6,7,10,11 mangl: 3,6,11 budh: 2,4,6,8,10,11 guru: 2,5,7,9,11 shukra: 1,2,3,4,5,8,9,11,12 shani: 3,6,11
prashna: gochar men grah jitne samay ek rashi men rahta hai, us puri avdhi men shubh fal dega ya kisi vishesh avdhi men?
uttara: gochar men grah pure samay ek sa fal nahin deta. jab grah rashi men gochar karte samay apni kaksha men rahta hai, us samay vishesh labh deta hai.
prashna: yah kaksha kya hai?
uttara: ashtakavarg men har rashi ko barabar ath bhagon men bant kar kaksha banai gai hai. pratyek kaksha ka svami ek grah hota hai. jab grah apni kaksha mane gochar karta hai tab shubh fal deta hai.
prashna: kaun si kaksha ka svami kaun hai, kaise janen?
uttara: ek rashi ke ath barabar bhag arthat ek bhag 30 45’ ka hota hai. kaksha ke svami ka sanbandh grah ki prithvi se duri se hai. jo sab se dur hai use pratham kaksha tatha usi anusar guru ko dusri kaksha di gai hai. ek se ath kakshaon ke svami kramshah shani, guru, mangal, surya, shukra, budh, chandra aur lagn hanai. pratyek rashi men bhraman karte samay grah jab apni kaksha se gochar karega, vishesh fal dega.
prashna: janm samay grah yadi apni kaksha men ho to kaisa labh deta hai?
uttara: yadi janm samay men grah apni kaksha men hai to grah ka fal visheshakar shubh ho jata hai.
prashna: dhaiya ya sarhesati ka prabhav bhi kya ashtakavarg se jana ja sakta hai?
uttara: sarhesati men jatak ke lie har samay ek sa prabhav nahin rahta. yadi shani kundli men shubhkari ho jae to sarhesati ya dhaiya ka bura prabhav samapt ho jata hai. shani shubhkari ho kar apni uchch rashi, svagrahi, mul trikon men ho aur use ashtakavarg men shubh ank prapt hane to jatak ko shubh fal bhi deta hai. iske viprit sabhi fal ashubh rahte hain.
prashna: aj ka gochar shubh hai ya ashubh, kaise janen?
uttara: jis jatak ki kundli dekh rahe hain uske ashtakavarg par dhyan den. jaise agar aj ka guru ka gochar dekhna hai. guru gochar men tula rashi men chal raha hai aur jis jatak ke lie guru ka gochar dekh rahe hain uske guru ke ank dvadash rashiyon men mesh se kramshah 5,2,5,6,3,5,5,5,5,4,4,7 hain aur jatak ki rashi kanya hai. guru rashi se dvitiya sthan par gochar kar raha hai. dvitiya sthan par tula rashi hai. jatak ke lie rashi se guru ka gochar shubh hai. jatak ki kundli ke ashtakavarg men tula rashi men 5 ank prapt hain aur aj ke guru ke gochar ko tula men 7 ank prapt hain. islie jatak ke lie aj ka guru ka gochar shubh hai. tivragti grah chandra bhi aj tula rashi men hai. jatak ke lie chandra ka dvitiya gochar samanya hai. chandra ko tula rashi men aj 5 ank prapt hain, islie chandra gochar bhi shubh hua
kul mila kar dekhen to kanya rashi vale is jatak ke lie guru aur chandra ka gochar shubh hai. anya grahon ka gochar kanya rashi ke sandarbh men shani 11ven shubh hai, mangal athven ashubh, budh panchven samanya, shukra chaithe shubh hai.
prashna: ashtakavarg men shri paddhati aur parashar paddhati kya hain?
uttara: donon paddhatiyan ashtakavarg men manniya hain. shri paddhati aur parashar paddhati men shukra aur chandra ke ankon men kuch antar hai. vyavharik taur par parashar paddhati hi vishesh mani gai hai. parashar paddhati se hi fal karna uchit rahega.
prashna: ashtakavarg chalit kundli se banana chahie ya lagn kundli se?
uttara: am taur par dekha gaya hai ki lagn kundli se hi ashtakavarg banaya jata hai. yadi chalit kundli ka dhyan rakhte hue ashtakavarg banaen to ham paenge ki hamen aur bhi satik fal prapt hote hain. chalit ke adhar par ashtakavarg ka fal kahna uchit hoga.
prashna: kya ghatna ke samay nirdharan ke lie bhi ashtakavarg karya karta hai?
uttara: ashtakavarg men shodhan kar shodhya pind se ghatna ke samay ka nirdharan kiya ja sakta hai. man len jatak ke vivah ke lie samay nikalna chahte hain. vivah ka karak grah shukra hai. shukra ke shodhya-pind len aur shukra se saptam bhav men shukra ko prapt ank len. shodhya pind ko shukra ke ankon se guna kar 27 se bhag dane. shesh jo rahe usse ashvini nakshatra se ganna kar jo nakshatra ae, jab guru us nakshatra par bhraman karega tab jatak ka vivah hoga. isi prakar gunanafal ko 12 ka bhag dene par jo shesh rahe use mesh rashi se ganna kar jo rashi ae, jab (gochar ka) guru us rashi men bhraman karega, tab vivah hoga. isi prakar shodhya pind se vibhinn ghatnaon ke samay ka nirdharan kar sakte hain.
prashna: kya fal kathan ashtak varg shodhan ke uprant karna chahie?
uttara: gochar fal ya bhavon ke fal ko janne ke lie ashtakavarg shodhan se purva dekhna chahie. ghatna ka samay nirdharan karne ke lie shodhan kar shodhya pind se ganna kar dekhna chahie.
prashna: kya dasha ke fal ki shubhta-ashubhta janne men bhi ashtak varg sahayak hai?
uttara: dasha ke fal ki shubhta bhi ashtakavarg se jani ja sakti hai. jin bhavon men dashanath ko adhik ank prapt hain, un bhavon se jatak ko shubh fal prapt honge aur yadi grah ka gochar bhraman bhi shubh ho to us samay jatak ko vishesh fal prapt honge. isi tarah dasha, antardasha nath adi yadi sabhi grahon ko shubh ank jis-jis bhav men adhik hain, sabhi ka fal shubh hoga.
prashna: kis bhav men adhik aur kis bhav men kam ank shubh hote hain?
uttara: shashth, ashtam aur dvadash bhav men ank kam hone chahie. anya bhavon men ank adhik hona shubh hai. saptam bhav men bhi bahut adhik ank shubh nahin mane jate. pratham, dvitiya, tritiya, chaturth, pancham, navam, dasham, ekadash bhavon men jitne adhik ank hane, utna shubh hota hai.
prashna: kya jatak ki ayu ka bhi nirnay ashtakavarg se kiya ja sakta hai?
uttara: ashtakavarg ka shodhan kar shodhya pind se jatak ki ayu ka nirnay kiya jata hai. sabhi grahon ke shodhya pindon (surya se shani) ko lagn se ashtam bhav men jo ank prapt hain, unse guna kar gunanafal ko 27 ka bhag dene se jo bhagafal ae, vah grah ki ayu hoti hai. usi tarah sabhi grahon ki ayu jor dene par 324 ka guna kar 365 ka bhag dene se jo ae, vah jatak ki ayu hoti hai.
prashna: kya ashtakavarg ko dekhakar yah kaha ja sakta hai ki jatak ka samajik jivan kaisa hoga?
uttara: shubh bhavon men adhik ank hain to kaha ja sakta hai ki jatak ka samajik jivan samanya se achcha hai. kabhi-kabhi aisa bhi hota hai ki jatak ke pas dhan to bahut hai par koi niji makan ityadi nahin hota ya kisi chij ka abhav hota hai.
iske lie yadi dhan bhav, ekadash bhav aur trikon bhavon men ank achche hanai aur chaturth men kam to aisa dekhne men aya hai ki dhan hote hue bhi jatak apna jivan kirae ke makan men vyatit karta hai ya apna makan hote hue bhi apne makan men nahin rah pata. keval ashtakavarg ko dekhakar itni bhavishyavani ki ja sakti hai.