vyavharik ang lakshan vigyan  

sir: jis vyakti ka sir bahut bara hota hai vah papi v nirdhan, chote sir vala sfurtivan aur buddhiman hota hai kyonki bare sir ko fefre purn blad saplai nahin de pate aur vah shighra hi faisle nahien le pata. jhuke sir vala vinamra, mridubhashi v vidvan hota hai. atyant niche sir vala vyakti alpayu, terhe sir vale daridra v bahut lambe sir vale dirghayu hote hain. trikonakar sir vale kalakar hote hain.

mastik: chote mastak vala sukhi, bare mastak vala guni, unnat mastak vala mahatvakankshi, chaire mastak vala yashasvi, mastak men gaddhe vala nirdhan, durbalakay v kamjor mansikta vala hota hai. mastak par ek se lekar panch tak jitni rekhaen hon vyakti uttarottar utna bhagyashali, dirghayu v sarvagun sanpann hota hai. lekin panch se adhik hone par vyakti bhagyahin v alpayu hota hai.

bhaunhen: moti aur sidhi bhaunhen vyakti ko ullaspurn banati hain. patli aur kam dhani bhanaihen kamchor v laprvah logon ki hoti hai. juri hui bhanaihen svarthi v choti bhaunhen parishrami banati hain.

netra: nili ankhon vale kutil, bhuri ankhon vale svarthi, safed ankhon vale dambhi, pili ankhon vale sharir v buddhi se kamjor, kali ankhon vale vidvan v guni hote hain. bari ankh vale paropkari, dhansi hui ankhon vale gahri soch v gopniyata vale, golakar ankhon vale duradarshi, trikonakar vale vyapari, kamanidar ankhon vale chalak v choti ankh vale antarmukhi hote hain. ankhon ko idhr-udhar ghumane vale khoji pravritti ke, chehre par ankhen tikakar bat karne vale sanymi, sir par drishti tikakar bat karne vale ahankari, ghurakar dekhne vale krodhi, ek ankh jhapkane vale kutil, ek ankh vale avishvasniya hote hain.

nak: sidhi nak vale adhyatmavadi, bari nak vale netritvashakti sanpann, choti nak vale asthir pravritti,lanbi nak vale karyakushal, tikhi nak vale dhutrt, hukdar nak sanpannata ki lalsa vale v tote jaisi nak vale uchch padadhikari, raja maharaja hote hain.

gal: gol, ubhre v gulabipan liye huye gal vale bhagyashali, upri ubhar gal vale netritvashil, chaire aur faile gal vale karyon men nipun, dhanse hue gal vale bhagyahin, chapte gal vale parishrami, fule hue gal vale dhani, baithe hue gal vale parivarik sukh se hin hote hain.

honth: mote honth jhagralu pravriÿia darshate hain. patle honth jiddi svabhav ke dyotak hote hain. kale honth tej svabhav v tikshn buddhi valon ke hote hain. patle honth mahatvakankshi banate hain. khub bare honth vyaparik kshetra men saflta dete hain. lambe, bare v patle honth vale vyakti vyavhar kushal v samne vale ke anusar svayan ko dhal lene vale hote hain. yadi honth upar ki or ghume hue hon to aise vyakti rahasyamyi v bainkig sektar men uncha pad prapt karte hain.

dant: danton men duri hone se buddhiman, terhe danton vale svarthi, dant ke upar dant vale kalhkari, adhik bare danton vale murkh, chote tikhe dant vale chatur hote hain. jinke danton ke sath masure bhi najar ate hain v malin athva pile danton vale vyakti vyarth bakvas karte hain, safed, chamkile v ek saman dant vale vakpatu hote hain.

chibuk thuddi (chibuk) par dinpal kalatmak pravriÿia darshata hai. chairi thuddi lanbi umra v achche svasthya ko darshati hai. patli thuddi kamjor kidni ki sanketak hai. bari, lanbi, nukili thuddi valon ka svasthya kamjor v ayu kam hoti hai. visham akar ki thuddi vale chor v daku hote hain.

jabra: chaira jabra satvik pravriÿia v vaigyanik drishtikon darshata hai. koniya jabre vale dusron ki nakal nikalne men mahir hote hain tatha svayan ko paristhitiyon ke anukul dhal lete hain. age nikle hue danton vale asabhya, aviksit v garib hote hain. gol jabra vidvatta v dhan ka sanket deta hai. nukila jabra chalak kism ke logon ka hota hai.

kan: chote kan vale dabbu, bare kan vale bhagyashali, mukhakriti ke samanupatik kan vale guni, bhaunhon se upar jate kan vale tarkik shakti se ot-prot, latke arthat nasika se niche kan vale aniyamittaon se ghire v kamjor bhagya vale, bhaunhon aur nasika ke samanupatik kan vale 35 varsh ke as-pas bhagya pane vale hote hain.

kesh: kale evan ghane kesh uÿam man-samman dene vale hote hain. jinke bal umra se pahle safed ho jate hain ve udar rogi hote hain. lal bal kapat v svarth darshate hain jabki sunhre bal paropkarita v sukh ke dyotak hain. ghunghrale bal vale samanyatah sukhi rahte hain. komal bal dhandayak jabki rukhe kare bal garibi darshate hain. jinke bal chipke hote hain ve jivan men dhokha khate hain.

kandhe: bare kandhe vale shurvir, unche kandhe vale sahsi, samanya kandhe vale ganbhir, manshin kandhe vale nimn shreni ke, jhuke kandhe vale kayar, gaddhedar kandhe vale nirdhan, mansal kandhe vale mehnti, chikne kandhe vale dhani, kandhon par bal vale sanpattihin, bail saman kandhe vale mehnti hote hain.

chal-dhal: adhik sthan gher kar chalne vale log svabhimani, sadhi chal vale drirh nishchayi, thak-thak avaj karne vale apne anratarman ki kisi n kisi kamjori par sada kabu pane ki cheshta men lage rahte hain. sir jhukakar chalne vale dhir-ganbhir v terhi merhi chal vale vishvasghati hote hain. chote-chote kadmon se chalna sthayitva ka suchak hai. dayin or kandhe jhukakar chalne vale mauka parast hote hain.

jute: jinke jute age se fate hote hain ve nirdhan, kinaron se fate jute vale vakt ki majburi ke shikar, paelish kie hue saf jute pahnne vale vyarth ke jhanjhton se dur, sadaiv saf v chamkdar nukile jute pahnne vale uchch mahatvakankshi, juton ke fite khule rakhne vale laprvah v sport shuj pahnne vale mehnti hote hain.

vastrabhushn: adhik chamkdar vastra pahnne vale apna karya karvane men nipun, vakpatu, bhogi v dhan uparjan karne men mahir hote hain. shvet vastra dharan karne vale andar kuch aur bahar se kuch aur najar ate hain. fike rang ke vastra vale shanti priya, jhanjhton se dur, antarmukhi, samanya jivan yapan karne vale santoshi hote hain. shalin rangon vale vastra vale uchch padasth, buddhiman, vidvan aur sarvagun sanpann hote hain. kale vastra dharan karne vale gupt vidyaon men ruchiyukt sabhi bhautik sukhon ko bhogne ki ichcha rakhne vale hote hain.