shukla paksh evan krishn paksh men panchon pakshiyan saptah ke alg-alag divas ko din tatha rat men bhinn prakar ke karya sanpadit karte hain. din ki avdhi ke panch yamon men panchon pakshiyan panch alag tarah ke kritya men prathmikta ke adhar par sanlipt rahte hain. koi pakshi yadi pratham yam ki avdhi men shasan karne ki gatividhi men sanlipt hota hai to vahi pakshi anya 4 yamon ki avdhi men dusra karya kar raha hota hai. isi prakar ki vyavastha ratri men bhi sanchalit hoti hai jo ki din ki gatividhiyon ke kram se bilkul bhinn hoti hai. is alekh men ham saptah ke alg-alag varon ko pakshiyon ke dvara din tatha rat men kie gaye karyon ka vivaran prastut kar rahe hain. yadi apne pakshi ke anusar uchit samay ka chayan karke us avdhi men avashyak evan mahatvapurn karya sanpadit kie jaen to vah abhisht faldayi sabit hota hai.
din men panch pakshi ke kritya brihaspativar
1. pratham yam ki avdhi subah 6 baje se 8ah24 tak kaua - khana murga - ghumna mayur - shasan karna giddh - sona ullu - marna brihaspativar ko subah 6 se 8ah24 tak panchon pankshiyan uparyukt gatividhiyane men sanlipt rahte hain. is avdhi men yadi janm pakshi mayur vala jatak koi mahatvapurn karya sanpadit karta hai to uske karya ke shat-pratishat safal hone ki purn sanbhavna hoti hai. jiska janmapakshi kaua hai uska karya kuch pareshani ke uprant vilanb se banega. janmapakshi murga vale jatak ko kathin parishram karna hoga, iske uprant bhi fal bahut kam hi milne ki sanbhavna hai. giddh evan ullu janmapakshi vale jatak to apna prayas nirarthak hi samjhen kyonki is avdhi men inke karya safal hone ki sanbhavna naganya hai kyonki inke janmapakshi is samay kramshah sone evan marne ki gatividhi sanpadit kar rahe hain. atah yadi karya men saflta chahie to inhen us samay ka intjar karna hoga jab inke janm pakshi achchi gatividhiyon arthat shasan karna athva khana khane ke karya men sanlipt honge. isi prakar se panch pakshi ke adhar par uchit samay ka chayan kisi bhi karya men saflta ka marg prashast karta hai.
2. dvitiya yam ki avdhi subah 8ah25 se 10ah48 tak ullu - khana kaua - ghumna murga - shasan karna mayur - sona giddh - marna arthat shukla paksh ke brihaspativar ke din yadi subah 8ah25 se 10ah48 tak janm pakshi murga vale jatak koi mahatvapurn karya sanpadit karenge to unhen nishchit rup se saflta milegi. janmapakshi ullu ko kuch prayason ke uprant thora vilanb se saflta milegi jabki kaua ko saflta ke lie kafi adhik mehanat karni hogi fir bhi saflta unse ruthi rah sakti hai. mayur evan giddh janmapakshi vale jatak ko purn nirasha prapt ho sakti hai.
3. tritiya yam ki avdhi subah 10ah49 se dopahar 1ah12 tak giddh - khana ullu - ghumna kaua - shasan karna murga - sona mayur - marna shukla paksh brihaspativar ke din janm pakshi kaua vale jatak ke dvara subah 10ah49 se dopahar 1ah12 tak sanpadit kiya gaya har karya safal hoga. giddh dvara sanpadit karya kuch pareshani evan vilanb ke sath saflta prapt karega jabki ullu ko saflta prapt karne ke lie athak parishram karna hoga. parishram ke uprant bhi saflta men sandeh hai. murga evan mayur ko is samyavdhi men avashyak evan mahatvapurn karya ko sthagit kar dena chahie kyonki inke karya men badha upasthit hone tatha karya ke asafal ho jane ki purn sanbhavna hai.
4. chaturth yam ki avdhi dopahar 1ah13 se 3ah36 tak mayur - khana giddh - ghumna ullu - shasan karna kaua - sona murga - marna shukla paksh brihaspativar ke din janm pakshi ullu vale jatak ke dvara dopahar 1ah13 se 3ah36 tak sanpadit har karya apne ichchit parinam ko prapt hoga. mayur dvara sanpadit karya kuch badhaon evan vilanb ke sath purnata ko prapt hoga jabki giddh dvara sanpadit karya men yathesht parinam milne men sandeh ki sthiti bani rah sakti hai. kaua evan murga ko pareshani se bachne ke lie apne mahatvapurn karya kuch samay ke lie sthagit karke uchit samay ka intjar karna chahie.
5. pancham yam ki avdhi dopahar 3ah37 se sham 6 baje tak murga - khana mayur - ghumna giddh - shasan karna ullu - sona kaua - marna shukla paksh brihaspativar ko dopahar 3ah37 se sham 6 baje tak ki samyavdhi men janm pakshi giddh shasan karne ki gatividhiyon men sanlagn rahta hai. atah is samyavdhi men janmapakshi giddh vale jatak ke dvara sanpadit har karya saflta ki gagnchunbi unchaiyan chuega. janm pakshi murga ko apne karya men saflta hetu atirikt prayason ki avashyakta hogi. janm pakshi mayur athak parishram ke uprant bhi apne karya men safal hoga ismen sandeh ki sthiti bani rahegi. is samyavdhi men ullu evan kaua dva ara sanpadit karya asafal hone ki hi adhik sanbhavna hai kyaneki donon kramshah sona evan marna gatividhi men sanlagn hanai. atah ullu evan kaua janm pakshi vale jatak yadi is samyavdhi men apne mahatvapurn karya ko sthagit kar uchit samay ka intjar karen to shreyashkar hoga.