shabar mantra sadhna praranbh karne se purva ‘shabr-meru-tantra’ ka ya ‘sarvarth sadhak mantra’ ya sumeru mantra ka jap atyant avashyak hai; kyonki yah mantra uchch koti ke guruon ke abhav v sadhak ki avashyak yogyata ki purnata ka pratik hai. yah mantra is prakar hai:- guru shath, guru shath, guru hai vir. guru sahab sumron bari bhant. singi toron ban kahan. man nau kartar. sakal gurun ki har bhale. ghatta pakar utha jag. chet sanbhar shri parmhans.. sadhkon ko jo path jaisa mudrit hai usi ke anusar jap karna chahie. jap 108 ya 1008 bar karen aur jap ke bad ghrit mishrit guggul se ahuti bhi 108 bar den. ek bat vishesh smaraniya rahe jab jitna adhik hoga uska prabhav utna hi jaldi hoga.
shabr-suraksha-kavch-mantra shabr-meru-tantra ka jap karne ke bad shabr-suraksha-kavch-mantra ka bhi 108 bar jap karna chahie isse purn suraksha ki prapti hoti hai. shabar suraksha ka utkrisht mantra: un namo adesh gurun ko, ishvari vacha. ajri-bajri bada bajri, main bajjari. bandha dashau duvar chava. aur ko ghalo, to palat hanumant vir usi ko mare. pahli chaiki ganpti, duji chaiki hanumant, tiji chaiki men bhairon, chaithi chaiki dev raksha karan ko aven shrinrsinh dev ji. shabd sancha, chale mantra ishvari vacha.. age jab kisi bhi prakar ki shabr-sadhna karen, tab ukt shabr-suraksha-kavch-mantra’ ko keval 7 bar japakar sva deh ka sparsh karane ya funk len.
svadehi par athva jal abhimantrit kar as-pas charon taraf chirak len ya fir jal se apne charon taraf rekha khinche. aisa karne se sadhna nirvighn aur shighra safal hogi, ismen sandeh nahin. sadhna-rakshaka-mantra prayog mantra - un namo sarvartha-sadhini svaha. is mantra ka grahan kal men 12500 ki sankhya men jap karen. dashansh havan (1250 mantra), dashansh tarpan (125 mantra), dashansh marjan (13 mantra) aur 2 brahmanon ko bhojan karayen. brahman bhojan jitna adhik hoga, mantra ka prabhav bhi utna hi adhik hoga. fir avashyakta parne par jab kisi shabar mantra ka anushthan karen tab apne as-pas 27 bar ya 108 bar ukt mantra se abhimantrit jal se rekha khinch len aur apne charon or chirak bhi len. shabar mantra ko atishighra jagrit karne ki vidhi kabhi-kabhi aisa bhi hota hai ki uchit vidhi se shabr-mantra ka prayog karne ke bad bhi sadhna men siddhi nahin milti. atah sadhak ko shabar mantra ko jagrit kar lena hi shreyaskar hai. iski anubhut vidhiyan is prakar hain:-
1. vidhi: ek akhand v bara bhoj-patra lekar gangajal ya gulab jal men ashtagandh milakar bani syahi se ‘darim’ (anar) ki lekhni se jagrit karne vale mantra ko bhoj-patra par likhen. mantra adhik bara ho to 9 ya 11 bar likhane. lekhan ke sath-sath mansik mantrochcharan karte rahane. fir ek pate ya chaiki par ek naya vastra bichakar vastra ke upar kalash v mantra likhit bhojapatra bhi rakh den. panchopchar ya shodshopchar se bhojapatra ka pujan karen v 108 bar pujnoprant jap karen. brahmanon ko bhojan karayane. garibon ko dan-dakshina den. punah kalash ke andar ek dusra naya vastra rakhakar uske upar puja kie hue bhojapatra ko rakhakar kalash ka munh band kar use bahti hui nadi ke jal men pravahit kar dane. mantra ka jap pravahit karte samay bhi karte rahen. visarjan ke bad ghar par a jayane. sadhya mantra ka prabhav shighra hi falit hota dikhai dega.
2. vidhi: shabar ka ek prabhavshali ang hai- ‘asavri devi’ jiski puja kie bina shabar ki siddhi nahin hoti. shabar mantra ki sadhna men ravivar ki ratri men asavri devi ki vidhivat puja kar kanse ki thali ko rakh se svachch kar use samne rakhen aur pratyek prahar ke praranbh men abhisht mantra ko 108 bar japen. chaturth prahar men mantra-jap ke pashchat ‘khair’ dandi se hindi athva matri-bhasha men kahen- ‘he mantra-devi jagrit ho’ sath hi kanse ki thali ko bajayane. 4 prahar ki jankari svayan jante hon to thik nahin to kisi vidvan brahman se jankari kar len. uprokt donon vidhiyane ko avashya hi purn kar len. shabr-mantra-chakra-puja shabar mantra ki sadhna men chakra-puja ka bhi vishesh mahatva hai. ismen sindur, paka hua ann, ful, churi, bindi, sahi ka kanta, gurahal (adul) ka ful aur kali tatha vibhinn prakar ki samagriyon se puja karne ka vidhan hai.
chakra ka nirman bhojapatra, kanse ki thali ya kisi chaiki par vastra bichakar bhi kiya ja sakta hai. pratyek ek ank se praranbh kar 9 ank tak man bhagvti ke shailputri, brahmacharini, chandraghanta, kushmanda, skandmata, katyayni, kalratri, mahagauri tatha siddhidatri svarup ko kramshah anukulta se ekatrit samagriyon se puja panchopchar ya shodshopchar karen. shiva (gidr) ko bhojan v man ko bali pradan karen. pathakagan yahan bali ka tatparya pashu bali n samjhen. bali ann ka bhi diya ja sakta hai, yahi shastrokt bhi hai. is puja ka vishesh samay shardiya navratri ka uttam hai. grahan akal v krishnashtami bhi manya hain. man ko netradan bhi avashya karen netradan se tatparya bajar men upalabdh kritrim netron ke dan se hai. shabar mantron se labhaprapti hetu yantra prayog samanya mantra ki purnata ke lie hi yantra ka nirman kiya jata hai.
mantra devta ki atma hai to yantra devta ka sharir hai. udahrnarth -‘ya ali mulkhvir’ -bhay nashak mantra hai. ise siddh karne ke bad bhay se grasit vyakti ko jhar dene ya funk dene se bhay dur ho jata hai. yah vidhi hi tantra hai. yadi kabhi is prayog se labh n ho athva bar-bar bhay satata ho, to us pirit vyakti ko ‘bhay dosh nashak yantra’ dene se us dosh ki shanti sthayi rup se ho jati hai. is prakar ‘mantra-tantra-yantra’ tinon ko paraspar jorakar kuch samanvayatmak prayog karne se achuk fal prapti hoti hai. mantra-tantra-yantra svatantra bhi hain tatha ek dusre par adharit bhi hain. sadhak inka prayog kaise kare yah uski sujh-bujh par nirbhar hai.
anubhvi sadhak ko apne lie aur bhaktajanon ke lie abhisht fal prapti ke uddeshya se svayan vicharakar tinon ki ek shrinkhla banakar samagra shakti ka sadupyog karna chahie. yahi shastra ka updesh hai. shabar mantra sadhna men yantra vidya ka prachalan ‘anshtah ya purnatah ke rup men pahle se hi prachlit hai. shabar yantra men jo mantra hain ve shabar mantra vidya ke hi hain aur shesh vidhi prachlit yantra shastra ke anusar bhi payi jati hai. prayah sabhi sanpradayon v dharmon men 6 karmon
1. shanti karan,
2. mohn-akarshana-vashikaran,
3. stambhan,
4. uchchatan,
5 vidveshan,
6. maran prayog to nishchit hi hain.
kahin-kahin anya vargikaran bhi upalabdh hain jismen peta arthat nimn karm bhi hote hain.