sharir ke vibhinn angon ki akriti v visheshtaon ke gyan ko bharat men samudrik shastra ke nam se jana jata hai. iska prayog vaidik jyotish men hota hai kyonki ise jyotish v hastarekha vigyan (hast samudrik), frainolaeji (kapal-samudrik) aur fes riding (fijiyognomi, mukh-samudrik) se jora jata hai. aura riding aur pure sharir ka vishleshan bhi isi ke antargat a jata hai.
sharirik lakshan vigyan arthat samudrik shastra ka pradurbhav vastav men bharat men hua aur kalantar men iska prachar prasar iran, rom v frans men bhi ho gaya. samudrik shastra ka ullekh bhavishya puran, garur puran, skand puran, vishnudharmottar puran, agni puran, vrihannardiya puran, jyotirnibandh, garg sanhita, samudratilak, brihat sanhita, mahabharat, bhavkautuhalam adi anek granthon men vishesh rup se kiya gaya hai.
is prakar se puranon men to ‘lakshanon’ ka itna adhik ullekh hai ki yadi un sab ka sangrah kiya jay to ek vrihad pustak ka nirman ho sakta hai. rishi samudra, rishi parashar, rishi balmiki, varah mihir adi anek vidvanon ne lakshan shastra ke mahatva v upyogita par vistrit jankari di hai. bhavkautuhalam namak pustak vibhinn sharirik lakshanon ke adhar par prabhavshali v satik bhavishya kathan karne ki anuthi pustak hai.
vrihadparashar horashastra men strilakshanadhyay v tiladichihnadhyay men sharirik lakshanon ki vistrit charcha ki gai hai. samudrik shastra men mahan logon ke sharir par pae jane vale chihnon ka bhi ullekh kiya gaya hai aur bhagvan ram, krishn, gautam buddh v mahavir svami ke sharir par is prakar ke chihnan ke pae jane ke bare men vishesh charcha ki gai hai.
samudrik shastra ke anusar satik bhavishyakathan hetu sharirik lakshanon ka adhyayan karne ke bad sharir par pae jane vale chihnon v hastarekhaon ka adhyayan bhi avashyak hai kyonki hastarekhaen samudrik shastra ka abhinn ang hain. jyotish aur lakshan shastra ka ghanishth sanbandh hai. jyotishi jin baton ko janmakundli ke grah tatha rashi se batate hain unhin baton ko lakshan iak stri kinva purush ke sharir ko dekhakar bata sakte hain. karan yah hai ki 12 rashiyan ya bhavon ya vibhagon ka, sharir ke 12 angon se sanbandh hai.
iska vishesh vivaran dekhne ke lie vrihajjatak, faldipika, saravli adi jyotish ke granth dekhne chahie. jis vyakti ke janm ke samay jo rashi ya bhav nirbal, pap grah se yut ya vikshit hota hai to us manushya ke sharir ka vah bhag dusht lakshanon se dushit paya jayega. varah mihiracharya ka mat hai ki jis dreshkaen men pap grah ho vahan vran hota hai ya vran chihn hota hai. is prakar se yah kahna chahie ki janmakundli manushya ke sharir ka ek naksha hai.
lal kitab ko bhavishya kathan ke kshetra men ek chamatkar se kam nahin mana jata kyonki yahi vah kitab hai jisne sarvapratham yah spasht kiya ki sharirik lakshanon jaise sharir par pae jane vale chihnon v hath ki ekhaane ka kundli men vidyaman grahon se sanbandh hota hai.
ya yun kahen ki kundli ke vibhinn bhavon men sthit grah yah spasht karte hain ki hath men kis prakar ki rekhaen hongi. isilie ise estropamistri ki pustak arthat hastarekha vigyan v jyotish ka mishran mana jata hai. samudrik shastra par likhi gai vibhinn pustakon men ang shastra ek aisi pustak hai jo mahilaon ke sharir vishleshan ka sukshm gyan deti hai aur iske adhar par mahilaon ke charitra, svabhav, karyashaili v saubhagya ke bare men sukshm jankari prapt ki ja sakti hai.
tamil vidvanon ne sharirik lakshan ke adhar par mahilaon ko sat shreniyon men vargikrit kiya. rati rahasya namak pustak ne sharirik v mansik lakshanon ke adhar par char shreniyon men vargikrit kiya. mahan darshanik arastu ne yah mana ki vyakti ka bahya vyaktitva uski atma ka pratibinb hota hai arthat vyakti ke sharirik lakshan v hav bhav se uske vyaktitva v charitra ki gahrai ka anuman lagaya ja sakta hai.
arastu ne sharirik lakshan dvara manav ke charitra ka bariki se adhyayan karne hetu fijiyognomonika namak pustak bhi likhi. prachin yunani ganitagya, khagol shastri aur vaigyanik paithagoras ko bahut se log sharirik lakshan vigyan ka janak mante hain. paithagoras ne apne ek anuyayi ka islie parityag kar diya tha kyonki uske hav-bhav se unhen vah dusht charitra ka vyakti laga. ek samay aisa tha jab sharirik lakshan vigyan ko vyapak rup se svikar kiya jata tha tatha inglaind ke henri tappp tak inglish vishvavidyalyon men ise parhaya bhi jata tha.
adhunik yug men svitjrlaind ke johan kespar levetar (1741-1801) ko sharirik lakshan vigyan ka sabse bara pracharak mana jata hai. 1772 men inke is vigyan par likhe gae nibandh jarman bhasha men prakashit hue aur itne prabhavshali v lokapriya rahe ki unhen kalantar men french v inglish men bhi anuvadit kiya gaya. sharirik lakshan vigyan 18vin aur 19vin shatabdi men vishesh lokapriya hua aur is par shikshak log khub charcha kiya karte the.
bahut se yuropiya upanyaskar apne patron ka charitra chitran karte hue sharirik lakshan vigyan ki jankariyon ka prayog kiya karte the. 19vin sadi men angrej saikomaitrishiyan sar fransis galtan ne svasthya, rog, saundarya v apradh ke sharirik lakshanon v visheshtaon ko kanpojit fotografi ke madhyam se samjhane ka prayas kiya. adhunik samay men bhi bahut se aise vidvan hain jo apke sharirik lakshan se hi yah samajh jate hain ki ap kis rog se grast hain jabki medikal sains men bahut sare testas se gujrne ke bad dayagnosis ho pata hai.
sar thamas braun ne yah mana ki vyakti ke chehre par uski manodsha aur svabhav ka prabhav parta hai. isilie vyakti ke chehre ki akriti se uske svabhav v charitra ka anuman lagana saral hota hai. yadi mastak chaira ho aur mastak par ar-par jane vali rekhaen hon to aisa vyakti vishesh buddhiman v shreshthatam bauddhik kshamataon se yukt hota hai. albart ainstain ke mastak par is prakar ki rekhaen maujud thin. kuch bachche janm se hi danton ke sath paida hote hain. is prakar ke danton ko netal tith kahte hain. prachin sharirik lakshan vigyan ne ise atyant bura mana hai aur dushtata, burai, hani v vipatti se jora hai.
nepoliyan bonapart v juliyas sijar bhi netal tith ke sath paida hue the. varsh 2008 tak bahut si aisi pustaken prakashit huin jo hath aur ungliyon ke akar prakar ke bare men varnan karti hain. vaigyanik jaen maining ne yah nishkarsh nikala ki kis prakar hamari ungliyon se purush aur mahilaon men pai jane vali vividhtaon ke bare men vistrit jankari mil jati hai tatha yah anuman bhi lagaya ja sakta hai ki jatak kis prakar ke rogon ka shikar hoga v kaisa vyavhar karega aur is sabki programing janm se purva hi ho jati hai.
jaen maininang ki prasiddh pustak fingar buk yah varnan karti hai ki hamari tarjani v anamika ungli ki lanbai hamare vyaktitva, svasthya v yogyataon ko vishesh rup se prabhavit karti hai. is pustak v samudrik shastra ki bhasha v drishtikon men gajab ki samanta hai. nishkarshatah ham kah sakte hain ki manav, prakriti v gyan ke jin khandon ko vigyan dhire-dhire samjhne laga hai un sabki jankari hamare manishiyon ko sahastron varsh purva se hai. yadi tarjani ungli vishesh lanbi ho aur madhyama se bhi lanbi ho jae to aisa jatak raja banta hai.
abraham linkan v nepoliyan bonapart in donon ki tarjani vishesh lanbi thi. yadi kanishtha ungli adhik lanbi ho aur anamika ungli ke upri por tak pahunch jae to aisa jatak jiniyas tatha prabandhan karya men kushal hota hai v jivan men koi bara karya kar pane men nishchit rup se safal hota hai. aisa dekha gaya hai ki am taur par jin logon ki yah ungli itni lanbi nahin hoti ve jivan men koi vishesh prashansniya karya kar pane men safal nahin ho pate.
yadi kisi vyakti ki bhujaen lanbi hon aur uske hath ghutnon ko sparsh karen to vah vyakti bahut bara shasak banta hai. aise vyakti ko ajanupa kahte hain. rashtrapita mahatma gandhi bhi ajanupa the. arnaeld sachvarjanaigar bahumukhi pratibhasanpann, prakhyat baedi bildar, ektar, dayrektar, prodyusar, vyapari, niveshak, rajnitigya aur lekhak hain.
inka janm 30 julai 1947 ko hua tha aur 20 varsh ki avastha men inhonne mistar yunivars ka khitab jita tha. arnaeld sachvarjanaigar ke vyaktitva men aisi anek sakaratmak visheshtaen hain jo unhen vibhinn karyon men safalatam banane men sahayak siddh hoti hai jaise- unka chaira mastak yah batata hai ki vah vishesh buddhiman hain aur mastak par ar par jane vali rekhaen unki majbut mansik yogyataon ki parichayak hain. unke galon ki uthi hui haddiyan is bat ki parichayak hain ki unka fasrt impreshan vishesh achcha parta hai.
unki sidhi bhauhen batati hain ki ve ek tarkashil chintak hain aur ve tark aur tathya par kisi bhi anya bat ki apeksha adhik vishvas karte hain. sachvarjanaigar ki sidhi nak yah spasht sanket deti hai ki ve lanbi yojnaen banate hain. jaisa ki ap dekh sakte hain ki vah buddhiman, tarkashil chintak aur lanbi yojnaen banane men samarth hain.
is prakar ki yogyataon ka mishran hi unhen ek kushal meyar banane ke lie sahayak hua. sachvarjanaigar ki sadharan se lanbi chibuk yah darshati hai ki unmen khatra uthane ki vishesh kshamataen hain aur unki sharirik sahanashakti bhi bahut adhik hai. unki bhauhon ke ankhon ke adhik nikat hone ke karan unke andar turant nirnay lene ki kshamataen hain aur ve aisa karne ke lie vilanb nahin karte apitu spaet par hi nirnay le lete hain.
ho sakta hai ki arnaeld dusre logon ko bolte samay bich men intarapt karte hon kyonki ve shighrata se nishkarsh par pahunchte hain. arnald ke chote honth yah spasht karte hain ki ve apko unhen sunne ke lie badhya nahin karenge apitu apko bolne ka avasar bhi denge.
is alekh ke aranbh men sharirik lakshan vigyan ke parichay v itihas ke sath jyotish tatha hastarekha shastra se iske sanbandh ko bhi samjhaya gaya hai. pashchatya jagat ko is vigyan ne kitna sammohit kiya hai uski bhi charcha ki gai hai tatha kuch mahan vibhutiyon ke vishesh sharirik lakshanon ki sankshipt jankari ke atirikt arnaeld sachvarjanaigar ke vyaktitva ka sharir lakshan vigyan ke siddhanton ke adhar par kiya gaya vishleshan yah spasht karta hai ki jatak ke charitra chitran v bhavishya ki sanbhavnaon ko darshane ke lie yah vigyan kitna karagar hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!