jis stri ke pair ke talve chikne, mulayam, pusht, lal pasine se rahit hon vah stri jivan men atyadhik sukh bhogti hai aur man samman v dhan ki kami uske jivan men nahin hoti. padatal rekha jis stri ke talve men shankh, chakra, kamal ityadi chihn hon, vah stri visheshakar kisi bare rajneta v bare vyapari v uchch adhikari ki patni hone ka gaurav prapt karti hai ya kisi bhi desh ki shasika ban jati hai. jis stri ki eri men trikon chihn ho vah chatur aur dusron ko shighrata se samjhne vali hoti hai. jis stri ki eri men sarpakar rekha ho use pareshani ke samay adrishya shakti ki madad milti rahti hai.
jaise kai striyan kahti hain ki unke sare kam bhagvan hi banata hai ya hamesha upar vala musibton se nikalta hai. pair ka angutha uncha, mansal v gol lali sahit pair ka angutha stri jatak ke liye atyant sukhkari hai. jis stri ke pair ka angutha jyada lanba ho unhen jivan men adhikatar kashton v pareshaniyon ka samna karna parta hai. takhna yadi stri ke takhne golakar hon to ve jatak ke liye achche hote hain. mansrhit, sukhe ghutne vali striyan aksar pareshaniyon se ghiri rahti hain. janghen jis stri jatak ki janghen romrhit (bal n hon), gol, chikni, nasvihin hon ve jivan men adhik sukh bhogti hain.
<
hr>
sukhi janghon vali striyon ko anek bimariyon v pareshaniyon ka samna karna parta hai. nabhi stri ki nabhi gahri ho aur andar se uthi (ganth) hui n ho to jatak anek prakar ke sukh bhogti hai. kankh patle royen vali, unchi, chikni mansal kankhen atyadhik shubh mani gai hain. iske viprit nason vali v khurdri kankhen jyada uttam nahin mani gai hain. bhujaen yadi stri jatak ki bhujaen mansal, nason v romrhit v sidhi hon to jatak ke liye atyant shubh hoti hain. moti bhujaen romon se yukt hon to unhen aksar pareshaniyon ka samna karna parta hai, parivarik jivan ashant rahta hai.
jinki bhujaon men nason ka ubhar jyada ho to unhen (lyukoriya) safed pani ki shikayat hone ki sanbhavna jyada hoti hai. jihva stri jatak ki jibh lal v komal ho to vah atyadhik sukh bhogti hai. yadi jatak ki jibh purnataya safed rang ki ho to jal se savdhan rahna chahie. bari aur chairi jibh vali striyon men alas adhik hota hai.
netra jis stri ke netra hirni jaise hon, aur gay ke dudh ke saman safed aur ant men lalai lie hon to atyant shubh hote hain. jin striyon ke netra bare v sundar akar men hote hain ve jyada sahnshil hoti hain. jin striyon ke netra sada jal se bhare rahte hain unhen mansik, sharirik pareshani v dhan abhav se do char hona parta hai. masse v til bhaunhon ke bich ya lalat men masse ka hona shubh mana jata hai. - hriday par til stri jatkon ke liye saubhagyadayak hota hai. - baen gal par lal massa aksar mithe padarthon ka sevan karata hai.
- stri jatak ki nabhi ke niche til ya massa shubh hota hai. - jis stri ke gal, honth, kan, nak ya gale par massa ho to vah sadaiv sukh bhogti hai. - jis stri jatak ki nak ke agrabhag men lal masse ka chihn ho vah jatika atyant prabhavshali v dhani banti hai. - jis stri ke takhne par massa ya til ho to use aksar dhan ka abhav rahta hai.