moksh dayini nagrivaransi(kashi) fyuchar point ke saujanya se vishveshan maghvan dhuushdhin dandapanin v bhairavam. vande kashin guuhyan gangan bhavanin manikarnikam॥ varansi bharatavarsh ke atyant pavan sthalo men se ek hai. varansi ka prachin nam kashi hai. bari prachin manyata hai ki 'kashyan marnannamuktiah' arthat kashi men maran hone se mukti ho jati hai. anek sant-mahatma isi karan varansi men sharir tyag karna chahte hain. vrindavan ke prasiddh sant shri haribaba ji ne kashi ja kar hi sharir tyag kiya tha. varansi ke vishay men prasiddh hai ki bhagvan shankar maran ke samay vyakti ko tarak mantra 'ram' nam ka updesh dete hain, jiske prabhav se vyakti ki mukti ho jati hai. kashi ka to kankr- kankar shankar hai.
bhagvan shiv varansi men hi vas karte hain. varansi bari pavitra, adhyatmik, gyan, bhukti ki nagri hai. yahan sabse vishisht bat yah hai ki bharatavarsh men prasiddh dvadash jyotirlingon men ek jyotirling yahan hai. 'varanasya tu vishveshan'. varansi men vishvanath ji sthit hain. isi karan varansi ki vishvavyapi khayati hai. vaise to varansi men asimit mandir hain, parantu yahan kuch vishisht mandiron ka varnan kiya ja raha hai : kashi vishvanath mandir : varansi sthit yah mandir dvadash jyotirling men se ek hone ke karan vishvavikhyat hai. is mandir ki mahima kashi men sarvadhik hai. shravan mas men, mahashiv ratri par, yahan rudrabhishek bare rup men hota hai. yahan prasad ke rup men baba vishvanath ki vibhuti prapt hoti hai. bhakt log yahan bhang-dhatura charha kar bhi bholenath ji ko prasann karte hain. yahan ka mandir prangan kafi bara hai. vahan panditon ke dvara rudripath, abhishek adi ki vyavastha shraddhalu bhakton ke lie ho jati hai. bhakt log yahan darshan kar ke punya labh karte hain. sanktmochan mandir : varansi sthit sanktmochan shri hanuman ji ka mandir hai.
is mandir ki bari mahima hai. yahan hanuman ji ka chola charhta hai. laddu -churma ka bhog lagta hai. nam ke anurup hi yahan shri hanuman ji bhakton ke sankat ko tatkal dur karte hain. jo bhi tirth yatri, bhakt, shraddhalu varansi jata hai, vah sanktmochan mandir ka avashyamev darshan karta hai. bhairav mandir : kashi vishvanath mandir ke pas hi, andar galiyon men, kal bhairav mandir hai. shahar (varansi) kotval ke rup men is bhairav ki khayati hai. vah varansi ke kotval hain. atah inhen sabhi pranam karte hain. yahan ki bari mahima hai. yahan tel ka dipak jalta rahta hai. najar, tone, totke ke nivaran ke lie yahanse lal bhairav ji ka siddh yantra bhi prapt hota hai, jiske dharan karne se sabhi apdaen dur hoti hain. dushtiraj ganesh mandir : kashi vishvanath mandir ke pas hi dushtiraj ganesh mandir hai.
iski kashi men bari mahima hai. yah dushti ganesh ke nam se vikhyat hai. iske darshan se bhakton ki sabhi manokamnaon ki purti ho jati hai. bhavani mandir : bhagvti jagdanba ka vishal sarvaprasiddh mandir kashi men hai. yah bhavani mandir bara chamatkarik hai. iski amogh mahima hai. tirthatan karne vale samast shraddhalu yahan darshanarth avashya ate hain. iske alava varansi men ramchritmanas mandir, kashi hindu vishvavidyalay sthit mahadev ji ka mandir bare bhavya evan akarshak hain, jinke darshanarth shraddhaluon ko jana chahie. ganga ji ke kinare varansi men anek ghat bhi hain, jinmen sarvadhik prasiddhi manikarnika ghat ki hai. yahan sada hi kisi n kisi murde ka antim sanskar hota rahta hai. varansi men siddh santon ke ashram bhi hain. svami karpatri ji maharaj dvara sthapit ashram vidyalay bhi yahan hai. varansi vishvavikhyat darshaniya pavan bhumi hai.