shodash varg ka falit jyotish men vishesh mahatva hai. janmapatri ka sukshm adhyayan karne men yah vishesh sahayak hai. in vargon ke adhyayan ke bina janm kundli ka vishleshan adhura hota hai kyonki janm kanudli se keval jatak ke sharir, uski sanrchna evan svasthya ke bare men vistrit jankari milti hai, lekin shodash varg ka pratyek varg jatak ke jivan ke ek vishisht karakatva ya ghatna ke adhyayan men sahayak hota hai. jatak ke jivan ke jis pahlu ke bare men ham janna chahte hain us pahlu ke varg ka jab tak ham adhyayan n karen to vishleshan adhura hi rahta hai.
jaise yadi jatak ki sanpÿia, sanpannata adi ke vishay men janna ho, to jaruri hai ki hora varg ka adhyayan kiya jae. isi prakar vyavsay ke bare men purn jankari ke lie dashmansh ki sahayta li jae. jatak ke jivan ke vibhinn pahluon ko janne ke lie kisi vishesh varg ka adhyayan kie bina falit ganna men chuk ho sakti hai. shodash varg men solah varg hote hain jo jatak ke jivan ke vibhinn pahluon ki jankri dete hain. jaise hora se sanpÿia v samriddhi; dreshkan se bhai-bahan, parakram, chaturthansh se bhagya, chal evan achal sanpÿia, saptansh se santan, navansh se vaivahik jivan v jivan sathi, dashansh se vyavsay v jivan men upalabdhiyan, dvadshansh se mata-pita, shodshansh se savari evan samanya khushiyan, vinshansh se puja-upasna aur ashirvad, chaturvinshansh se vidya, shiksha, diksha, gyan adi, saptavinshansh se bal evan durbalata, trishansh se duahkh, taklif, durghatana, anishta; khavedansh se shubh ya ashubh falon, akshavedansh se jatak ka charitra, shashtyansh se jivan ke samanya shubh-ashubh fal adi anek pahluon ka sukshm adhyayan kiya jata hai.
shodash varg men solah varg hi hote hain, lekin inke atirikt aur char varg panchmansh, shashtyansh, ashtamansh, aur ekadshansh hote hain. panchmansh se jatak ki adhyatmik pravritti, purva janmon ke punya evan sanchit karmon ki jankari prapt hota hai. shashtyansh se jatak ke svasthya, rog ke prati avrodhak shakti, rin, jhagre adi ka vivechan kiya jata hai. ekadshansh jatak ke bina prayas ke dhan labh ko darshata hai. yah varg paitrik sanpÿia, sheyar, satte adi ke dvara sthayi dhan ki prapti ki jankari deta hai. ashtamansh se jatak ki ayu evan ayurday ke vishay men jankari milti hai.
shodash varg men sabhi varg mahatvapurn hain, lekin aj ke yug men jatak dhan, parakram, bhai-bahnon se vivad, rog, santan vaivahik jivan, sajhedari, vyavsay, mata-pita aur jivan men ane vale sankton ke bare men adhik prashn karta hai. in prashnon ke vishleshan ke lie sat varg hora, dreshkan, saptansh, navansh, dashmansh, dvadshansh aur trishansh hi paryapt hain. horadi sat vargon ka falit men prayog hora: janm kundli ki pratyek rashi ke do saman bhag kar siddhantanusar jo varg banta hai hora kahlata hai. isse jatak ke dhan se sanbandhit pahlu ka adhyayan kiya jata hai. hora men do hi lagn hote hain - surya ka arthat sinh aur chandra ka arthat kark.
grah ya to chandra hora men rahte hain ya surya hora men. brihat parashar horashastra ke anusar guru, surya evan mangal surya ki hora men aur chandra, shukra evan shani chandra ki hora men achcha fal dete hain. budh donoen horaon men faldayak hai. yadi sabhi grah apni shubh hora men hane to jatak ko dhan sanbandhi samasyaen kabhi nahin aengi aur vah dhani hoga. yadi kuch grah shubh aur kuch ashubh hora men honge to fal madhyam aur yadi grah ashubh hora men honge to jatak nirdhan hota hai. dreshkan: janm kundli ki pratyek rashi ke tin saman bhag kar siddhantanusar jo varg banta hai vah derashkan kahlata hai. dusre shabdon men yah kanudli ka tisra bhag hai.
derashkan jatak ke bhai-bahan se sukh, paraspar sanbandh, parakram ke bare men jankari ke lie mahatvapurn hai. iske atirikt isse jatak ki mrityu ka svarup bhi malum kiya jata hai. dreshkan se falit karte samay lagn kundli ke tisre bhav ke svami, tisre bhav ke karak mangal evan mangal se tisre sthit budh ki sthiti aur iske bal ka dhyan rakhna chahie. yadi dreshkan kundli men sanbandhit grah apne shubh sthan par sthit hai to jatak ko bhai-bahnon se vishesh labh hoga aur uske parakram men bhi vriddhi hogi. iske viprit yadi sanbandhit grah apne ashubh dreshkan men hon to jatak ko apne bhai-bahnon se kisi prakar ka sahyog prapt nahin hoga. yah bhi sanbhav hai ki jatak apne man-bap ki ek matra santan ho. saptansh varga: janmakundli ka satvan bhag saptansh kahlata hai. isse jatak ke santan sukh ki jankari milti hai. janmakundli men pancham bhav santan ka bhav mana jata hai.
islie panchmesh pancham bhav ke karak grah guru, guru se pancham sthit grah aur uske bal ka dhyan rakhna chahie. saptansh varg men sanbandhit grah apne uchch ya shubh sthan par ho to shubh fal prapt hota hai arthat santan ka sukh prapt hota hai. iske viprit ashubh aur nichasth grah jatak ko santanhin banata hai ya santan hone par bhi sukh prapt nahin hota. saptansh lagn aur janm lagn donon ke svamiyon men paraspar naisargik aur tatkalik mitrata avashyak hai. navansh varga: janm kundli ka nauvan bhag navansh kahlata hai. yah sarvadhik mahatvapurn varg hai. is varg ko janmakundli ka purak bhi samjha jata hai. amtaur par navansh ke bina falit nahin kiya jata. yah grahon ke balabal aur jivan ke utar-charhav ko darshata hai. mukhya rup se yah varg vivah aur vaivahik jivan men sukh-dukh ko darshata hai. lagn kundli men jo grah ashubh sthiti men ho vah yadi navansh men shubh ho to shubh faldayi mana jata hai.
yadi grah lagn aur navansh donon men ek hi rashi men ho to use vargoÿamta hasil hoti hai jo shubh suchak hai. lagnesh aur navanshesh donon ka apsi sanbandh lagn aur navansh kundli men shubh ho to jatak ka jivan men vishesh khushiyon se bhara hota hai. uska vaivahik jivan sukhamay hota hai aur vah har prakar ke sukhon ko bhogta hua jivan vyatit karta hai. var-vadhu ke kundli milan men bhi navansh mahatvapurn hai. yadi lagn kundliyan apas men n milen, lekin navansh mil jaen to bhi vivah uÿam mana jata hai aur grihasth jivan anandamay rahta hai. saptamesh, saptam ke karak shukra (kanya ki kundli men guru), shukra se saptam sthit grah aur unke balabal ki navansh kundli men shubh sthitiyan shubh faldayi hoti hain. aisa dekha gaya hai ki lagn kundli men jatak ko rajyog hote hue bhi rajyog ka fal prapt nahin hota yadi navansh varg men grahon ki sthiti pratikul hoti hai. dekhne men jatak sanpann avashya najar aega, lekin andar se khokhla hota hai. vah stri se pershan hota hai
aur uska jivan sangharshamay rahta hai. dashmansh: dashmansh arthat kanudli ke dasven bhag se jatak ke vyavsay ki jankari prapt hoti hai. vaise dekha jae to janmakanudli men dasham bhav jatak ka karm kshetra arthat vyavsay ka hai. jatak ke vyavsay men utar charhav, sthirta adi ki jankri prapt karne men dashmansh varg sahayak hota hai. yadi dashmesh, dasham bhav men sthit grah, dasham bhav ka karak budh aur budh se dasham sthit grah dashmansh varg men sthir rashi men sthit hon aur shubh grah se yut hon to vyavsay men jatak ko saflta prapt hoti hai. dashmansh lagn ka svami aur lagnesh donon ek hi tatva rashi ke hon, apas men naisargik aur tatkalik mitrata rakhte hon to vyavsay men sthirta dete hain. iske viprit yadi grah dashmansh men char rashi sthit aur ashubh grah se yut ho, lagnesh aur dashmanshesh men apsi virodh ho to jatak ka vyavsay asthir hota hai. da
aur lagn kundli donon men yadi grah shubh aur uchch koti ke hane to jatak ko vyavsay men uchch koti ki saflta dete hain. dvadshansh: lagn kanudli ka barhvan bhag dvadshansh kahlata hai. dvadshansh se jatak ke mata-pita ke sanbandh men jankari prapt hoti hai. lagnesh aur dvadshanshesh in donon men apsi mitrata is bat ka sanket karti hai ki jatak aur uske mata-pita ke apsi sanbandhi achche rahenge. iske viprit grah sthiti se apsi sanbandhon men vaimanasya banta hai.
iske atirikt chaturthesh aur dashmesh yadi dvadshansh men shubh sthit hon to bhi jatak ko mata-pita ka purn sukh prapt hoga, yadi chaturthesh aur dashmesh donon men se ek shubh aur ek ashubh sthiti men ho to jatak ke mata-pita donon men se ek ka sukh milega aur dusre ke sukh men abhav bana rahega. inhin bhavon ke aur karak grahon se chaturth aur dasham sthit grahon aur rashiyon ke svamiyon ki sthiti bhi dvadshansh men shubh honi chahie. yadi sabhi sthitiyan shubh hon to jatak ko mata-pita ka purn sukh aur sahyog prapt hoga anyatha nahin. trinshansh: lagn kundli ka tisvan bhag trinshansh kahlata hai.
isse jatak ke jivan men anishtakari ghatnaon ki jankari prapt hoti hai. duahkh, taklif, durghatana, bimari, aepreshan adi sabhi ka pata is trinshansh se kiya jata hai. trinshanshesh aur lagnesh ki trinshansh men shubh sthiti jatak ko anisht se dur rakhti hai. jatak ki kundli men tritiyesh, shashthesh, ashtamesh aur dvadshesh in sabhi grahon ki trinshansh men shubh sthiti shubh jatak ko svasth evan nirog rakhti hai aur durghatana se bachati hai. iske viprit ashubh sthiti men jatak ko jivan bhar kisi n kisi anishtata se jujhna parta hai. in sat vargon ki tarah hi anya shodsh varg ke vargon ka vishleshan kiya jata hai. in vargon ka sahi vishleshan tabhi ho sakta hai
yadi jatak ka janm samay sahi ho, anyatha varg galat hone se falit bhi galat ho jaega. jaise do jurvan bachchon ke janm men tin-char minat ke antar men hi jamin asman ka a jata hai, isi tarah janm samay sahi n hone se jatak ke kisi bhi pahlu ki sahi jankari prapt nahin ho sakti. kai jatkon ki kundliyan ek si najar ati hain, lekin sabhi men antar vargon ka hi hota hai. yadi vargon ke vishleshan par vishesh dhyan diya jae to jurvan bachchon ke jivan ke antar ko samjha ja sakta hai.
yahi karan hai ki hamare vidvan maharshiyon ne falit jyotish ki sukshmata tak pahunchne ke lie in shodsh vargon ki khoj ki aur iska gyan hamen diya.