shani ki sarhesati, dhaiya evan dasha ke prabhav pan. anjni upadhyay navagrahon men shani ko mahatvapurn sthan prapt hai. jaimini rishi ke anusar kaliyug men shani ka sabse jyada prabhav hai. shani ke pita surya aur mata chaya hanai, islie ise chayanandan bhi kaha jata hai. shani ki kahaniyan ved, puran aur dharmashastron men milti hain, lekin janmanas men iske bare men bahut sare bhram bhi vyapt hain. yah kisi bhi prani ko akaran dandit nahin karta hai. jin logon ne purvajanm men shubh karm kie hain, unhen is janm men yah puraskrit karta hai. purva janm men dusron ko satane vale aur ashubh v pap karm karne vale par is janm men shani ki mahadsha, sarhesati ya dhaiya bura prabhav dalti hai. sarhe sati kya hai? janmakundli men chandra jis rashi men rahta hai vah jatak ki janmarashi kahlati hai. jab janmarashi se gochar men shani dvadash bhav men ata hai tab sadhesati praranbh hoti hai. yah sarhesati ka pratham charan kahlata hai. janmarashi arthat chandra par shani ke gochar ka kal sarhesati ka dvitiya aur janmarashi se dvitiya bhav men pravesh ka kal tritiya charan kahlata hai. vastav men, sarhesati pure sarhe sat sal nahin chalti. janmakalin chandra jitne ansh par ho usse 45 ansh piche jab gochar men shani ata hai tab sarhesati praranbh hoti hai tatha janmakalin chandra se gochar men shani ke 45 ansh age rahne tak rahti hai. dhaiya kya hai? shani gochar men chaturth ya ashtam bhav men ho to yah avdhi uski dhaiya kahlati hai. shani ki sarhesati 7 varsh 6 mah arthat lagabhag 2700 din ka kal hota hai. in 2700 dinon men sarhesati ka prabhav jatak ke sharir ke vibhinn angon par kis prakar parta hai iska vishleshan yahan prastut hai. 100 din - is avdhi men shani mukh par rahta hai. yah avdhi hanikarak hoti hai. 101 se 500 din (400 din) tak shani dayin banh par rahta hai. yah samay labhdayak, siddhidayak tatha vijydayak hota hai. 501 se 1100 din (600 din) tak is avdhi men shani panvon par rahta hai. yah samay yatraen karvata hai. 1101 se 1600 din (500 din) tak shani pet par rahta hai. yah avdhi labhdayak, siddhidayak v har karya men saflta dene vala hota hai. 1601 se 2000 din (400 din) tak shani bayin bhuja par rahta hai. yah samay rog, kasht, hani adi ka hota hai. 2001 se 2300 din tak (300 din) is samay shani mastak par rahta hai. yah samay labhaprad v sarkari karyon men saflta dene vala hota hai. 2301 se 2500 din tak (200 din) - shani ankhon par rahta hai. yah samay sukhdayak aur saubhagyakarak hota hai. 2501 se 2700 din tak (200 din)- shani guda par rahta hai. yah samay dukhahprad hota hai. iske alava shani ke shubh-ashubh prabhav ki sukshmata janne ke lie uske padon arthat payon par vichar kiya jata hai. janm rashi se pahle, chathe ya 11ven gochar men shani ho to vah charan svarnapad ya sone ka paya kahlata hai. svarnapad ka fal uttam hota hai. janm rashi se dusre, panchve ya 9 ven gochar men shani ho to yah charan rajtpad kahlata hai. rajtpad ka fal sukh evan labhaprad hota hai. janm rashi se tisre, 7ven, 10 ven gochar men shani ho to yah tamrapad arthat tanbe ka paya kahlata hai. iska janm rashi se chaithe, 8ven ya 12ven gochar men shani ho to yah lauhpad kahlata hai. iske alava shani ke vahnon ke madhyam se bhi uske shubh-ashubh prabhavon ka akalan karte hain. shani ka kaun sa vahan jatak ko shubh ya ashubh fal dega yah janne hetu uske janm nakshatra se gocharasth shani ke nakshatra tak ginen. yah sankhya 9 se adhik ho to usmen 9 se bhag den. jo shesh bache, uske samne ki sankhya ke anurup jo vahan hoga usi ke anusar fal milega. 1. gadha - duahkh, vad-vivad. 2. ghora - sukh-sanpatti, pravas, yatra. 3. hathi - sukh-sanpatti ruchi ke anusar bhojan 4. bakra - anisht, apayash, rogabhay, manhani. 5. siyar- bhay, dar, kasht, pira. 6. sher - vijay, labh, yash, prasiddhi. 7. kaua - mansik kasht v pira. 8. hans - vijay, yash, labh, man-samman. 9. mayur - sukh, labh, samriddhi. parashri ke anusar shani ke shubh-ashubh falon ka vishleshan s agar janm, surya, tatha chandra, lagnon se shani kendra ya trikon men sthit ho aur shubh grahon se drisht ho, uchch ho, mul trikon, ya svarashi men ho, to sarhesati men atyant achcha prabhav deta hai. agar shani ukt tinon lagnon arthat tisre, chathe, 8ven, 9ven ya 12ven bhav ka svami ho aur usi bhav men sthit tatha papagrahon se drisht ho, to viprit rajyog ke karan achcha dhan dene men saksham hota hai. basharte makar ya kunbh men rahu, ketu, mangal ya kshin chandra n ho. dekha jae to sarhesati ke kul sadhe sat varshon men se 46 mahine 20 din ka kalkhand shubh, labhaprad, unnati v utkarshadayak hota hai. 43 mahine 10 din ati ashubh, hanikarak aur kashtadayak hote hain. sarhesati ke praranbh ke sarhe char varshon men vrish, dhanu aur makar rashiyon ke logon ko shubh aur ashubh donon fal prapt hote hanai. madhya ke dhai varsh mesh, kark, sinh, kanya evan vrishchik rashiyon ke logon ke lie kashtadayak evan hanikarak hote hain. antim dhai varsh mithun, tula, kunbh tatha min rashiyon ke logon ke lie ghatak aur kashtaprad hote hain. sarhesati mane achche parinamon ki avdhi adhik aur anisht ki kalavdhi kam rahti hai. yadi janmakundli men shani balvan ho to anisht falon ki sanbhavna bahut hi kam rahti hai. shani ki sarhesati ka prabhav pratham charn: is avdhi ke dauran jatak arthik rup se atyant pirit rahta hai, ay ki apeksha vyay adhik hota hai. is karan uski bahut si yojnaen dhari ki dhari rah jati hain. apratyashit arthik hani hoti hai. sharirik sukh nahin milta hai, svasthya akrant rahta hai. aur netron ki vyadhi ki sanbhavna rahti hai. vah mansik tanav se grast rahta hai aur akaran hi bhraman karta rahta hai. abhibhavak evan atmiyajan kasht ka anubhav karte hain. ay evan labh nakaratmak rup se prabhavit hota hai. parivar men viyog hota hai. pita ko anek kasht sahne parte hain. dadi ko mrityu tulya kasht hota hai. dvitiya charn: parivarik tatha vyavsayik jivan chinna-bhinn ho jata hai. kisi sanbandhi ke karan kasht hota hai. lanbi yatraen, shatruon se kasht, atmiyajnon se vichoh vyadhi se kasht, sanpÿia ki hani, samajik patan, sachche mitron ka abhav evan karya men badha is charan ke mukhya fal hain. sabhi prayason men asflta milti hai. arthik chinta ghere rahti hai. sharirik samathrya v prabhav men kami ati hai. mansik star par prabal udvelan rahta hai. vyarth ka vyay hota hai aur koi karya manonukul nahin hota. tritiya charn: is avdhi men sukhon ka nash hota hai. padadhikar ka hanan hota hai. vyay asha se adhik hota hai. sharirik nirbalata athva jarta ka anubhav hota hai. anand badhit hota hai. dhanagam hota hai, kintu usi gati se kharch bhi hota hai. nimnavriÿia ke vyakti men pravanchna hoti hai. vyarth ke vivad utpann hote hain. atmiyajnon se akaran sangharsh hota hai. jatak ka svasthya, santti ka sukh evan unka ayurbal prabhavit hota hai. shani ki mahadsha aur antardasha ka prabhav shanbhu hora prakash ke anusar shani ki dasha-bhukti men jatak man-samman v adhikar pata hai. uski bauddhik kshamata prabal ho jati hai. use kul men pradhanta, prasiddhi tatha dhan-sanpda milti hai. shani apni dasha-bhukti men devta ki archana tatha brahman, santjnon/guru ka satkar-samman karva kar jatak ko param sukh ki or le jane ka prayas karta hai. durbal ya papi shani vat, pitt v kaf janit rog v pira deta hai. khaj, khujli aur dad sarikhe rog, das v adhinasth karmachariyon ki hartal se hani, praurha ya vriddh stri se sanbhog ke karan apayash, ninda adi shani ke hi pap fal hain. shani papi nahin varan dharmatma hai aur apni dasha men bhog-vaibhav ko nasht kar, jatak ke man ko bhagvan ki or morta hai. dharm men shraddha bhav, bhagvan par vishvas man men jag jae to vyakti ih lok aur parlok ko sahaj hi sudhar lega. faldipika men mantreshvar ne shani ki dasha ke bare men kaha hai ki shani prayah rog, kasht v pira deta hai. jatak vatjnit pira se kasht pata hai. vah vyarth ki v kashtadayi baten bolta hai. uski fasal nasht ho jati hai v dushtastri men asakti hoti hai. uski stri ya putra ko rog ki sanbhavna rahti hai. uska apne parivar se viyog hota hai. achanak sthan ya naukri tyag kar jana parta hai. mansik sukh-santosh samapt ho jata hai v dhan ka nash hota hai. jatak parijat ke anusar shani ki dasha men samanyatah bakri, gadhe, unt adi ke dvara labh, umra men bari stri se labh ya usse sanyog tatha pakshi v mote anaj ke vyapar se labh hota hai. mandal, basti, kaeloni ya ganv ke nikay men kisi pad ki prapti tatha usse dhanlabh aur nimnashreni ke logon se sanpark hota hai. jatkabharan ke anusar shani ki shubhdsha men jatak ko pad ya adhikar tatha apne kshetra men samman milta hai. vah buddhiman, danshil tatha vinyshil hota hai use vahan, vastra, svarnadi ka labh aur devon-brahmanon ke satkar tatha apni purani jagah ya kshetra se labh v sukh milta hai. devalay adi banane ke avasar, kirti adi ki prapti hoti hai. vah apne kul men shreshth hota hai. lekin, ashubh shani ki dasha men alasya, nidra, kaf, vat aur piÿa janit rog, tvacha rog anya logon se kasht adi hote hanai.