shani ka yatharth  

shani ka yatharth anjli giradhar shanaishchar ki sharir-kanti indranil mani ke saman hai. inke sir par svarn mukut, gale men mala tatha sharir par nile rang ke vastra sushobhit hain. ye giddh par savar rahte hain. inke hathon men kramshah dhanush, ban, trishul aur var mudra hain. shani bhagvan surya tatha chaya (sanrvan) ke putra hanai. inhen krur grah mana jata hai. inki drishti men jo krurta hai, vah inki patni ke shap ke karan hai. brahm puran men inki katha is prakar hai- bachapan se hi shani devta bhagvan shri krishn ke bhakt the. ve shri krishn ke anurag men nimagn raha karte the. vayask hone par inke pita ne chitrarath ki kanya se inka vivah kar diya. inki patni sati-sadhvi aur param tejasvini thin. ve ek rat ritu-snan karke putra prapti ki ichcha se inke pas pahunchin, par ve shrikrishn ke dhyan men nimagn the. unhen bahri sansar ki sudh hi nahin thi. patni pratiksha karke thak gain. unka ritukal nishfal ho gaya. patni ne kruddh hokar shanidev ko shap de diya ki aj se jise ap dekh lenge, vah nasht ho jaega. dhyan tutne par shanidev ne apni patni ko manaya. patni ko bhi apni bhul par pashchattap hua, kintu shap ke pratikar ki shakti unmen n thi. tabhi se shanidev apna sir nicha karke rahne lage, kyonki vah nahin chahte the ki unke dvara kisi ka anisht ho. sadharntah shani ki dhaiya ya sarhesati ka nam lete hi log dar jate hain jo galat hai. shani ki sahi sthiti ka avlokan karne ke bad hi nishkarsh nikalna chahie ki shani ki sarhesati ya dhaiya ka fal kya hoga. shani ki dhaiya ya sarhesati ka fal kai baton par nirbhar karta hai jaise- janma-patrika men shani ki chandra se sapeksh duri par. janma-patrika men shani ki sthiti par. janma-patrika v gochar men grahon ki tulnatmak sthiti. pad, vedh aur prativedh par. shani ashtakavarg men vibhinn bhavon ko mili rekhaon evan ashubh binduon par. jatak ki dasha-antardasha par. janma-kundli men shani ki navansh men sthiti par. janma-kundli men shani ke shadbal men bal par. purva janm v vartaman janm ke karmon ke fal par. nimna-varg ke sath vyavhar par. dainik jivan men satya v nyay ratn ki dharan sthiti par. upar varnit sthitiyon ka achchi tarah vishleshan karne ke bad hi shani ki dhaiya v sarhesati ke falit ka vichar karna chahie, kyonki shani nyayadhish hai, kabhi bhi akaran kisi ko kasht nahin deta. shani ke adhidevta prajapti brahma aur pratyadhidevta yam hain. inka varn krishn aur vahan giddh hai. inka rath lohe ka hai. yah ek rashi men tis mahine rahte hain. yah makar aur kunbh rashi ke svami hain tatha inki mahadsha 19 varsh ki hoti hai. inki shanti ke lie mrityunjay ka jap, nilam dharan karna tatha brahman ko til, urad, bhains, loha, tel, kale vastra, nilam, kali gau, juta, kasturi, svarn adi ka dan karna chahie. chini paddhati men ek sutra hai jisse ham shani ka varshik fal jan sakte hain. is paddhati men shani ke alg-alag vahnon ke anusar falon ka nirdharan hota hai. iske lie apne janma-nakshatra se shani ke gocharasth nakshatra tak ginen. yog 9 se adhik ho to 9 se bhag den. jo sankhya shesh bache uske anusar shani ka vahan hoga. yadi shesh shunya ho to use 9 manen. vahan aur unke anusar fal nimnalikhit hain. 1 gadha: duahkh, vad-vivad 2 ghora: sukh, sanpÿia, yatra 3 hathi: uÿam bhojan, sukh, labh 4 bakra: viprit, asflta, rog 5 siyar: bhay, kasht 6 sher: vijay, labh, saflta 7 kaua: chinta, mansik kasht 8 hans: labh, jay, saflta 9 mayur: sukh evan labh udaharanasvarup, man len, gochar men shani uÿara falguni nakshatra par sinh rashi men chal raha hai aur kisi ka janm patrika men ashvin nakshatra hai. to ashvin nakshatra se uÿara falguni nakshatra tak ginne par 12 sankhya ai. ab nau se adhik hone ke karan ham barah ko nau se bhag den. shesh tin aya jiske anusar hathi vahan hua. isse fal mila- uÿam bhojan, sukh, labh. is prakar shani ki prakriti aur gochar men sthiti dekhakar samajhakar samay rahte shani prakop ke nivaran ka yathochit upay kar sakte hain.