sarvadhik pragtidayak bhi hai shani lakshminarayan sharma ‘mayank’ shani ka shubh prabhav vyakti ko nagar, gram ya rashtra ka mukhiya, buddhiman vibhinn prakar ki kalaon men nipun, vinyshil tatha ishvar aur brahman ke prati asthavan banata hai. sath hi vah use vahan, svarn, ratn, javahrat, vastra, abhushan adi se samriddh karta hai. vyakti ko prachin sthanon se bhi labh milta hai. is sanbandh men maharshi parashar ka mat hai ki shani rajyogkarak ho to vyakti ko senapti se sukh, satta paksh se labh, lakshmi ki kripa, sanpÿia, stri-putra sukh ki prapti adi hoti hai. janmakundli men shani ki sukhdayak sthitiyan- s shani aur budh ki yuti vyakti ko anveshak banati hai. s yadi shani chaturthesh hokar kundli men balvan ho to jamin-jaydad ka purn sukh deta hai. s yadi shani lagnesh tatha ashtamesh hokar balvan ho to jatak dirghayu hota hai. s dhanu, tula aur min lagn men shani lagn men hi baitha ho to vyakti ko dhanvan banata hai. s varsh lagn ya janm lagn men vrish rashi ho aur shani-shukra ka yog ho to yah sthiti labhdayak hoti hai. s shukra aur shani men mitrata hai, islie vrish ya tula lagnasth shani shubh fal deta hai. s chathe, athven ya barhven bhav ka karak shani inmen se kisi bhi bhav men ho to labhdayak hota hai. s kanya lagn men athven bhav ka shani vyakti ko dhan sukh deta hai. yadi vakri ho to apar sanpÿia deta hai. s min, makar, tula ya kunbh lagn men, shani lagn men hi ho to vyakti ka jivan sukhamay hota hai aur use man-samman ki prapti hoti hai. s shani yadi kendra men svarashi, mul trikon rashi ya apni uchch rashi men ho to shash namak panch mahapurush yog ka nirman karta hai. yah tula rashi men 20 ansh tak hota hai. is yog men janme jatak dirghayu hote hain, unka rang sanvla tatha ankhen bari hoti hain. unka vyaktitva akarshak hota hai. yah yog garib parivar men janmen vyakti ko bhi unnati ke shikhar tak le jata hai. jatak uchch stariya neta ho sakta hai. kundli 2, 4 evan 5 men yah yog vidyaman hai. in kundliyon ke jatak shani ke shubh prabhav ke karan apne-apne kshetra men shikhar tak pahanuche. yadi kundli men shani ke sath guru, shukra, budh evan chandra bhi shubh aur balvan hon to vyakti saflta ki sirhiyan asani se charhta chala jata hai. in sabhi udaharan kundliyon men budh, shukra evan guru tatha chandra ki sthitiyan dekhne yogya hanai. ye ek dusre se kendrasth ya trikonasth hain ya drishti ya yuti sanbandh banaye hue hain. purva rashtrapti dae. abdul kalam ka lagn dhanu hai. unhen shani ne anveshak banaya aur desh ke sarvochch pad par pahunchaya. vaise bhi kark evan dhanu lagn ke jatak apne kshetra men sarvadhik safal hote hain. dhanu evan min rashiyon ko chorakar shesh rashiyon ke lie shani kenderash ya trikonesh hota hai. is sthiti men yadi uska sanbandh kisi anya kendresh ya trikonesh se ho to fal atyant shubh hota hai. aise men vah sarvadhik pragtidayak ban jata hai. uski drishti yadi kisi anya kendresh ya trikonesh ke adhipatya vali kisib rashi par bhi ho to fal shubh hota hai. upar varnit udaharan kundliyon men shani ki yahi sthiti hai. prasiddh bhartiya jyotishi varah mihir ne apne ganrath vrihad sanhita men shani ki shubhashubhta ka vistar se varnan kiya hai. yah budh, shukra, rahu ka mitra tatha surya, chandra aur mangal ka shatru hai. guru aur ketu ke sath sambhav rakhta hai. yah tisre, chathe aur gyarhven bhav men shreshth fal deta hai. anya kisi ghar men iska fal shubh nahin hota. yah mrityu ka karak grah hai. yah makar rashi men adhik bali hota hai. yah pushya, anuradha aur uÿara bhadrapad nakshatra ka svami hai. yah napanusak aur tamas svabhav vala grah hai. ise kalpurush ka dukh mana gaya hai. kalachakra men shani karm aur uske parinam ka pratik hai. gochar men yadi yah janm ya nam rashi se 12van ho ya janm rashi men athva usse dusra ho to un rashi valon par sarhe sati prabhavi hoti hai. jab shani gochar men janm ya nam rashi se chaitha ya 8van hota hai tab yah avdhi dhaiya kahlati hai. shani ki sarhe sati ya dhaiya vyakti ko prerit kar atmachintan, naitikta evan dharmikta ki or le jati hai. shani ek rashi men dhai varsh rahta hai. dirghayu vyakti ke jivan men shani ki sarhesati prayah tin bar ati hai. sarhe sati ya dhaiya ka prabhav samanyatah karyakshetra, arthik sthiti evan parivar par parta hai. tritiya sarhe sati svasthya ko adhik prabhavit karti hai. yah prabhav vyakti ki kundli men shani ki sthiti ke anusar shubh ya ashubh hota hai. gochar men tisra, chatha ya gyarhvan shani hamesha shubh evan labhdayi hota hai. shani ki sarhesati se bhaybhit hone ki avashyakta nahin hai. yah hamesha kashtadayi nahin hoti hai.
Kya aapko lekh pasand aaya?
Subscribe