shani krur nahin nyayadhish hai sita ram sinh jansadharan men shani ko kashtapradata ke rup men adhik jana jata hai. kisi jyotishacharya se apna anya prashn puchne ke pahle vyakti yah avashya puchta hai ki shani us par bhari to nahin. bhartiya jyotish men shani ko naisargik ashubh grah mana gaya hai. shani kundli ke trik (6, 8, 12) bhavon ka karak hai. pashchatya jyotish bhi hai. agar vyakti dharmik ho, uske karm achche hon to shani se use anisht fal kabhi nahin milega. shani se adharmiyon v anachariyon ko hi dand svarup kasht milte hain. matsya puran ke anusar shani ki kanti indranilmni jaisi hai. kaua uska vahan hai. uske hathon men dhanush ban, trishul aur varmudra hain. shani ka vikral rup bhayanak hai. vah papiyon ke sanhar ke lie udyat rahta hai. ek bar lakshmi ji ne shani se prashn kiya, ‘‘tum kyon manushyon ko dhan hani, rog tatha kasht dete ho?’’ shani ne kaha, ‘‘he mata ! ismen mera koi dosh nahin hai. parmatma ne mujhe tinon loka ka nyayadhish niyukt kiya hai. doshi vyaktiyon ko dand dekar main keval apne kartavya ka palan karta hun.’’ adhikatar manushya yah sochakar nishchit ho jate hain ki unhen kukarm v anachar karte kisi ne nahin dekha. parantu karmafal pradata shani ki divya drishti se kuch bhi nahin chip sakta aur vah aise durachari vyaktiyon ko vishesh rup se dandit karta hai. kintu satkarmi vyakti shani ki kripa ka patra banta hai. kisi vyakti ki janmakundli men shani ki sthiti uske pichle janmon ke karmafal ke anusar hi hoti hai. vrish aur tula lagn valon ki kundli men shubh bhavasth shani samriddhi pradan karta hai. yah makar aur kunbh lagn vale jatkon ka lagnesh ho to ati shubh faldayak hota hai. yah mithun, kanya, dhanu aur min lagn vale jatkon ke lie mishrit tatha shesh lagnon mesh, kark, sinh aur vrishchik ke lie ashubh faldayak hota hai. kundli men shani nichasth, pirit athva ast hone par kashtakari hota hai. sabhi grah is paristhiti men ashubh faldayak hi hote hain. kundli ke jis bhav men shani ki shubh ya ashubh sthiti hoti hai, us bhav sanbandhi karyakatva ki vyakti ke jivan men pradhanta rahti hai. shani ek rashi ka bhraman purn karne men lagabhag dhai varsh leta hai, islie har vyakti par kundli ke us bhav sanbandhi dirghakalin achcha ya bura prabhav dalta hai, jismen vah sthit rahta hai. kundli men shani ke chandra rashi aur chandra rashi se agle tatha pichle bhav men gochar ke sarhe sat varsh ke kal ko ‘sarhesati’ se sanbodhit kiya jata hai. yah kundli men chandra rashi se chaithe, aur athven bhav se gochar ashubh dhaiya kahlata hai. yah keval chandra se tisre, chathe aur gyarhven bhav se gochar karte samay hi shubh fal deta hai, anya bhavon men uska fal mishrit hota hai. julai, 2007 se shani sinh rashi men gochar kar raha hai islie mithun, tula aur min rashi valon ke lie yah agast 2009 tak shubh faldayak rahega. is samay kark rashi ki antim, sinh rashi ki madhya tatha kanya rashi valon ki aranbhik sarhesati chal rahi hai. janmakundli men shani ki ashubh sthiti hone par, sarhesati aur dhaiya ke samay jatak ko asflta, dukh, dhan hani manhani, rog, chinta adi ka samna karna parta hai athva uske parivar ke kisi mahatvapurn vyakti ki akal mrityu hoti hai. jab kisi parivar ke kai sadasya ek sath sarhesati ya dhaiya ke prabhav men hote hain tab use vishesh kathinaiyon ka samna karna parta hai. kintu yadi dasha-bhukti tatha brihaspati ka gochar shubh ho to yah kal adhik kashtakari nahin hota. shani pradatt kashton ke nivaran ke upay sarhesati athva dhaiya ke samay shiv aradhna tatha ¬ namah shivay mantra ke yatha shakti jap se shani janya kashton ka nivaran hota hai. shani pradatt kashton ke nivaran hetu hanuman ji ki aradhna bhi vishesh labhkari hai. padmapuran men varnit dasharath krit shani stotra ka path uttam upay mana gaya hai. brihat parashar horashastra men ullekh hai ki jis samay jo grah pratikul ho us samay jatak us grah ka yatnapurvak pujan kare, kyonki brahma ne grahon ko adesh diya hai ki jo vyakti unki puja kare, uska ve kalyan karen. islie shani ke kashtakarak hone par shanivar ko pratah naha dhokar shani mandir men pratima ka kale til ke tel se tailabhishek karen, fir nile ful tatha kali sabut urad, kale til, loha v gur adi charhakar pujan karen. fir rudraksh ki mala par ¬ shan shanaishcharay namah athva ¬ pran prin praun sah shanaishcharay namah mantra ka 23,000 jap kar uske dashansh ka shami ki samidha, desi ghi v kale til se havan karna chahie. shanivar ko sayankal pipal ki jar men til ke tel ka dipak jalane se bhi shani pradatt kashton se mukti milti hai. jinka shani shubh ho tatha uski dasha, antardasha, sarhesati, dhaiya adi nahin bhi chal rahi hon, unhen bhi sunhre bhavishya ke lie shani ki upasna, uske mantron ka jap tatha stotra ka path karte rahna chahie. dhyan rahe ki shani pira ka purn nivaran sanbhav nahin hai, use keval kam kiya ja sakta hai. is hetu puja archana ke sath dharmanukul acharan banae rakhna bhi jaruri hai. kyonki shani krur nahin nyayadhish hai. isliye yadi acharan achcha rakhenge to shani apko kasht nahin balki shubh fal hi denge.
Kya aapko lekh pasand aaya?
Subscribe