shani, pita surya ke shrapavash hue krur  

shani, pita surya ke shrapavash hue krur basant kumar soni vaidik aur pauranik granthon men ullekh hai ki bhagvan vishnu ke nabhi-kamal se utpann brahma ji ki jab srishti ke srijan ki ichcha hui, tab unhonne apne tej se anek nari shariron ki rachna ki jo brahmaputra aur brahmaputriyan kahlae. fir brahma ji ne maharshi marichi ko apni pahli putri aditi dekar vansh paranpra chalane ki agya di. maharshi marichi hi kalantar men kashyap kahlae. kashyap aur aditi ki santanen dev kahlain, jabki unki dvitiya putri diti ki santanen daitya kahlain. age chalakar daitya aur danav sangthit hokar saÿaadhikar ke lie devtaon se bair rakhne lage. daitya-danvon ke prachand akraman se dev-varg ke vinash ki kalpana se vyakul hokar aditi aur kashyap ne tapashcharya karte hue surya-shakti ki upasna aranbh ki jisse prasann hokar surya-shakti ne unse var mangne ka agrah kiya. tab aditi ne apni santanon arthat dev-varg ki raksha ki yachna ki. surya-shakti ne kaha, ‘main svayan ko tumhare garbh men sthapit karunga aur devrup men janm lekar daityon aur danvon ko parajit karke devtaon ki raksha karunga.’ uske kuch dinon bad aditi garbhavati huin. unke garbh men koi sadharan bachcha n hokar vardanasvarup surya-shakti ka ansh tha. aditi nana prakar ke niyam-sanyam v vratopvas karne lagin. unke in prayason ke karan jisse unka sharir nirbal hone laga. ek din kruddh hokar maharshi kashyap bole, ‘‘kya tum bhukhi-pyasi rahakar garbhasth shishu ko mar dalna chahti ho?’’ aditi namratapurvak bolin, ‘‘he svami ! yah garbh ap dvara pradÿa nahin hai, yah surya-shakti ka kripa-prasad hai. yah avinashi hai jo dev-varg ke shatruon ka sanhar karega. yah garbh to nasht hoga bhi nahin. itna kahakar aditi ne svayan ko apmanit samjhte hue bhavaveg men garbh ka parityag kar diya. prithvi par girte hi us garbh ke tej se dason dishaen aise dahkne lagin, mano sanpurn brahmand is garbh men hi bhasmibhut ho jaega. maharshi kashyap surya ke us ansh ko sakshat surya manakar kshama yachna karne lage. tab unki vani sunakar akash se surya-shakti ne kshama dan dete hue kaha, ‘he kashyap ! tumne to is garbh ko mara hua kahakar aditi par bhrun hatya ka lanchn-sa laga dala. jao tumhen kshama kiya, par ab iski upeksha kabhi n karna. hajar namon se yukt hajar kirnon vale is and (garbha) ka ek nam maritand (marit$and) bhi hoga. yahi maritand bad mane marÿand kahlae. kashyap ne ved mantron se jab us and ki stuti ki to kuch hi kshanon men uske fatne se samuchi prithvi, sanpurn nabhmandal aur dason dishaon men apni kirnon se prakash bikherta ek kantivan, tejasvi balak prakat hua, jo surya adi sahasra namon se vikhyat hua. aise tejomay surya ko nayak rup men pakar devavarg ne daityon ko lalkara. unmen yuddh hua. marÿand surya ka tej n sah sakne ke karan daitya-danav bhag khare hue aur devtaon ki vijay hui. surya ko brahmand ka sarvadhik tejvan grah nayak man liya gaya. punah dev shasan sthapit ho gaya aur devtagan sukhpurvak apni dinacharya bitane lage. kuch dinon bad prajapti vishvakarma ne kumar surya ko suyogya janakar unke sath apni kanya ‘sangya’ ka vivah kar diya, jinse do putra vaivasvat manu aur yam tatha ek kanya yamuna utpann hui. udhar, marÿand surya ke prachand tej se bachne ke lie sukumari sangya ne apne yogabal se apne pratirup ki rachna ki jo rup, rang, gun adi men usi ki tarah thi. ‘‘sanvarna’’ uska nam rakha gaya. surya ko yah sab kuch pata nahin chala aur sangya ki jagah sanvarna se unka dampatya-prem chalta raha. sanvarna (chaya) ne bhi do putron sanvirn v shani aur ek putri tapti ko janm diya. surya ki jyeshth putri v sangya suta yamuna nadi ke rup men aur kanishth putri v chaya suta tapti nadi ke rup men jani jati hai. chaya se utpann hone ke karan shani dev chaya ke lala v marÿandad ke putra kahe jate hain- ‘‘chaya marÿand sambhutam namami tan shanaishcharam’’ shani ki mata chaya ki prakriti kalantar men shanaiah shanaiah udasin hone lagi aur vah apni santanon se vishesh lagav rakhne lagin. ab vah sangya ki santanon ko upeksha ki drishti se dekhtin. yah upekshapurn bartav sangya ki santanon ko akhrne laga. ganbhir svabhav hone ke karan vaivasvat manu to sahan kar gae, parantu krodhi svabhav vale yam kupit hokar mata chaya par ek bar prahar karne jhapat pare. unke is ashisht vyavhar se mata chaya ne unhen mandbuddhi aur pretadhipti hone ka shrap de diya. suryadev marÿadand ko jab chaya ke astitva aur unke svabhav ka pata chala to ve udvign ho uthe. sarvapratham unhonne apne bare bete sangya sut yam ko chaya ke shrap se mukt kiya aur dharmaraj ke pad par asin hone ka vardan diya.’ ‘jao putra, sanpurn jagat ke samast charachar praniyon ke karmafal ka lekha-jokha tumhare kar-kamlon men rahega.’ vahin dusri or chaya ke prati krodh shant n hone ke karan unhonne chayasut shani ko shap dete hue kaha, ‘jaisi krur bhavna aur ishrya tatha rag dvesh tumhari mata men hain, vaise hi sare durgun tummen bhi sthayi rup men vas karenge. jao tumhari drishti vakra rahegi aur tum sadaiv krur bane rahoge.’ pita ke shrapavash shani ki drishti vakra ho gai, ve krur ban gae kanan kila shivir senakar, nash karat sab gramya nagar nar. dalat vighn sabhin ke sukh men, vyakul hohin pare sab dukh men. shani pira nivarak yantra shani ki sarhesati, dhaiya adi ke karan jab manushya kasht men ho athva prashn kundli ke adhar par shani badhakarak ho ya sarvatobhadrachakra men shani ka vedh anisht fal de raha ho to shanivar ko ashtadhatu se bana svarn palishyukt shani yantra ki sthapna karni chahie. jaise atma aur sharir men koi bhed nahin hai, usi tarah yantra aur devta men koi bhed nahin hota. yantra mantra rup hota hai aur mantra devtaon ka vigrah hota hai. atah yantra ki pran-pratishtha kara leni chahie. kaha gaya hai- ‘yantra mantramyan proktan mantratma devtaiv hi’ athva ‘bina yantren pujayan devta n prasidti.’ yantra kashton ka nivaran karne vala hota hai. yantra ke samaksh baithakar shani ke bij mantra ka 23000 ki sankhya men jap karne se shani pira ka shaman ho jata hai. shani ka bij mantra hai- ¬ pran prin praun sah shanaishcharay namah. jap ke ant men dashansh havan karna chahie.