rahu ketu ka falakathan prashnah chaya grah rahu-ketu ka falakathan ka adhar kramanusar kya mana jana chahie? apne anubhvon ke adhar par uttar den. apne uttar ke paksh men sakshya ke rup men udaharan kundliyan bhi prastut karen. rahu evan ketu akashiya pind nahin varan chandrama evan krantivritt ke katav bindu hain. apne krantivritt ya parikrama path par prithvi ke charon or bhraman karta hua chandrama prithvi ke bhachakra ko ek bindu par katakar uttar ki or chala jata hai. isi katav bindu ko rahu nam diya gaya hai. pashchatya jyotish shastra men ise ''narth nod auf d mun'' kaha jata hai. ise ''dregans hed'' bhi kaha jata hai. ketu ki sthiti is katav bindu ke thik samne 180 ansh par mani gai hai.
isilie ketu ki sthiti rahu ke saptam bhav men darshayi jati hai. pratyek jatak ki ayu ke 25 varsh rahu v ketu ke adhipatya men rahte hain. (18 varsh rahu ki mahadsha + 7 varsh ketu ki mahadsha = donon ka yog 25 varsh hua). iske atirikt anya grahon ki mahadshaon ke antargat rahu/ketu ki antar v pratyantar dasha avdhi-kul 19 varsh, 09 mah v 15 din rahti hai. arthat 120 varsh ki ayu men se 44 varsh, 09 mah v 15 din inhin donon ki kripa ya akripa par nirbhar par hai. samanyatah rahu/ketu ke prabhavon ki bhavishyavani karna kafi kathin hai kyonki ye donon grah bahut hi akasmik rup se aise-aise shubhashubh fal pradan karne ki kshamata rakhte hain jinke vishay men purva anuman lagana lagabhag asanbhav hai. lekin kuch paristhitiyon vash rahu/ketu dvara shubh fal bhi pradan kiye jate hain.
hamare rishi muniyon dvara rahu/ketu se sanbandhit fal kathan ke lie kuch mahatvapurn sutron ka srijan kiya gaya hai jo nimn prakar hain- (pa) sarva pratham dekhen lagn se kis bhav men rahu/ketu ki sthiti hai tatha us bhav men kaun si rashi sthit hai kyonki rahu/ketu ki sthiti ko kuch bhavon/rashiyon men shubh mana gaya hai aur kuch men ashubh. (pap) rahu/ketu ke grahakrant rashish ke naisargik gun dharmon ka purn prabhav in chaya grahon par rahta hai. rahu/ketu dvara prapt hone vale falon men inke grahakrant rashishon ke falon ka mishran bhi purn rup se apna prabhav ujagar karta hai. jis prakar rahu/ketu kis bhav/rashi men sthit hain iski ganna mahatvapurn bhumika ada karti hai, thik isi prakar inki grahakrant rashi kis bhav/rashi men sthit hain, kin-kin grahon se yut v drisht hain, unke kya-kya karakatva (svamitva) hain
adi ka purn prabhav rahu/ketu dvara pradan kie jane vale falon men shamil rahta hai. yadi inke grahakrant apas men sthit hon, yog karak grahon se inka sanbandh sthapit ho raha ho ya ye svayan hi rajyogon ka srijan kar rahe hon to jatak ko rahu/ketu se sanbandhit shubh falon ki prapti hoti hai. arthat rahu/ketu ki ganna yogkarak grah ke rup men ki jati hai. thik isi prakar yadi rahu/ketu ke grahakrant rashish yadi naisargik rup se shubh grah hon (guru, shukra, chandra, budh) ya donon paraspar kendra men sthit hon, apni uchch, mul trikon, svayan ki ya mitra rashi men sthit hon tab bhi jatak ko shubh falon ki prapti hoti hai. iske viprit sthitiyan jaise ki yadi rahu/ketu se grahakrant ashubh (naisargik) grah hon, ek-dusre se shadashtak ya dvirdvadash ho, trik bhav ya bhaveshon se prabhavit ho, nich ya shatru rashi men sthit ho to ashubh falon ki prapti hoti hai. ''arthat rahu/ketu ke grahakrant rashishon ka purn prabhav in donon chaya grahon ka purn prabhav apne grahakrant rashishon par rahta hai. ''apne anshon ke anusar rahu/ketu aur inke grahakrant jitne adhik nikat hote hain utna hi ve ek dusre ke prabhavon ko apni dasha avdhiyon men prakat karte hain.''
(papp) rahu/ketu ki yuti kin-kin grahon se hai. un grahon ko kin-kin bhavon ka svamitva prapt hai tatha unke naisargik karakatva kya hai. rahu/ketu v unse yut grahon ke anshik man yadi ek saman ya adhik nikat hon to yut grahon ka atyadhik prabhav rahu/ketu men samahit ho jata hai. rahu/ketu ki yuti yadi apne-apne grahakrant rashishon se ho rahi ho to jis bhav men inki yuti hoti hai us bhav se sanbandhit sarvochch shubh karyon ko jatak saflta purvak kar pata hai. rahu aur shani ki yuti ko kashtaprad mana gaya hai. (paa) rahu/ketu ke nakshatra svamiyon ke naisargik gun dharm bhi rahu/ketu se sanbandhit falakathan ko prabhavit karte hain. (a) janm kundli ke anya grahon se rahu/ketu ke paraspar sanbandhon ka vishleshan bhi ati avashyak hai. (ap) rahu/ketu par parne vali drishti bhi rahu/ketu ke falon ko prabhavit karne ki purn kshamata rakhti hai. (app) rahu/ketu ki drishti kin-kin bhav/bhaveshon par hai. (appp) navansh varg chart men rahu/ketu ki sthiti/yuti/drishti ka vishleshan bhi janmakundli ki tarah hi kiya jana chahie. nishkarsh : sarva pratham rahu/ketu jis bhav v rashi men sthit hai unke sanyukt falon men unke nakshatra svami ka prabhav bhi shamil rahta hai. rahu/ketu jis bhav men sthit hote hain, us bhav ke svami ki tarah apna prabhav vyakt karte hain.
yadi makar lagn ki kundli men rahu dvitiya bhav men sthit ho to rahu ki ganna dvitiyesh ke rup men bhi hogi tatha vah kunbh rashi men sthit hone ke karan vah shani ki tarah karya karega. lekin shani lagnesh bhi hai lekin rahu ka lagn se n hokar mukhay sanbandh dvitiya bhav se hi rahega. shashtam v ekadash bhav men rahu ki sthiti ko ati uttam mana gaya hai. kuch isi prakar ke shubh fal yadi rahu tritiya bhav men sthit ho to prapt hote hain ''jyotish shastra ka ek mukhay sutra hai ki 3, 6, 11 bhavon men pap grahon ki upasthiti shubh faldayak rahti hai. yadi in bhavon (trishday) men rahu/ketu ki yuti naisargik shubh grahon ya inhin bhavon ke svamiyon se ho jae to shubh fal prapti men koi sanshay nahin rah jata hai. shubh bhaveshon (kendra ya trikon adhipti) se yadi rahu/ketu ki yuti ho to rahu/ketu yog karak grahon ke saman fal pradan karte hain aur iske viprit yadi ashubh bhavon ke svamiyon se yut ho to akarak grahon ke saman ashubh fal pradan karte hain. rahu/ketu par kis grah ki drishti par rahi hai tatha vah drishti dalne vala grah janmakundli se kis bhav (shubh-ashubh) men sthit hai tatha use kin-kin bhavon (shubh ya ashubh) ka svamitva prapt hai
in sabhi tathyon ka bahut hi gahra prabhav rahu/ketu men samahit ho jata hai. grahon ke arisht (ashubh) prabhavon ko bhang karne men rahu ki sthiti ka ek mukhay rol rahta hai. samanya rup se 3, 6, 11ven bhav men sthit rahu ko shubh mana gaya hai. yadi in bhavon men sthit rahu par shubh grahon ki drishti bhi ho to rahu ek rakshak ki bhumika ada karta hai. arthat arishton ko bhang karta hai. yadi trishday bhavon men rahu ki sthit hone ke sath-sath janm kundli ke sabhi grah bhi shirshoday rashiyon (mithun, sinh, kanya, tula, vrishchik, kunbh) men sthit ho tab bhi rahu ek rakshak ki bhumika ada karta hai. rahu/ketu dvara shubh fal prapti ke ye sabhi sutra tab apna prabhav jyada asrdar rup se vyakt karte hain jab rahu/ketu pap prabhavon se mukt ashubh grahon se yuti v drishti sanbandh n ban raha ho. janm kundli men rahu ki sthiti yadi mesh, vrish ya kark rashi men ho tab bhi rahu ke fal shubh hi hote hain. yadi ye rashiyan trik bhavon men sthit hon tab bhi rahu ke shubh falon men koi antar nahin ata hai. yadi rahu ki sthiti kendra men ho lekin rahu ashubh grahon se drisht ho to jatak ko dasven v solhven varsh men kasht pradan karta hai. yadi rahu ki sthiti kendra ya trikon men apne mitra grah budh ki rashi (mithun ya kanya) men ho to rahu shubh fal pradan karta hai. mesh, vrish v kark lagn ki kundliyon men yadi rahu ki sthiti lagn men ho to rahu shubh fal pradan karta hai.
guru ki donon rashi (dhanu, min) tatha budh ki rashi (kanya) arthat tinon dvisvabhav rashiyon men rahu ki sthiti ko shubhafal (vivah, santan prapti, anya bhautik sukhon ki prapti) dayak mana gaya hai. lekin yah tab hi sanbhav hai jab rahu/ketu ke grahakrant bhi shubh sthiti men hon. ekadash bhav men rahu/ketu ka sthit hona jatak ko apne bhai bahnon men sabse bara hone ki sanbhavna ko vyakt karta hai ya sabse chota hona. dasha-rahu/ketu ki dasha avdhi ke dauran hi in chaya grahon se sanbandhit shubh-ashubh falon ki prapti hoti hai. jivan men hamesha hi inka ashubh prabhav nahin rahta hai. rahu/ketu-dasha pratyek grah ki dasha avdhi ke dauran prapt hone vale falon ki sanbhavna nimn jyotishiya siddhanton ke adhar par bari sarlta purvak vyakt ki ja sakti hai. dasha (rahu)- janmakundli ya navansh apni uchch mul trikon, mitra ya svarashi men sthiti ho ya tritiya ekadash bhav men sthit hone par shubh fal prapti ki sanbhavna hoti hain. yadi dasha pati janmang ya navansh men apni nich rashi, shatru rashi men sthit hokar durbal avastha men ho, trik (6, 8, 12) ya marak (2, 7) bhavon men sthit ho, to ashubh fal prapti ki sanbhavna adhik rahti hai.
mahadshapti v antardashapti ki sthiti yadi (janmang men) ek dusre se shadashtak ya dvirdvadash ho tab bhi ashubh fal prapti ki sthiti banti hai. rahu/ketu ki yuti yog karak grahon se ho ya yog karak grahon ki drishti in par ho ya kendra/trikon ke svamiyon se yuti ya drishti sanbandh sthapit ho raha ho to rahu/ketu ki dasha avdhi men shubh fal prapt hote hain. vyay bhav men sthit rahu ki dasha avdhi men videsh gaman v jivan men vishesh badlav ki sanbhavna rahti hai. vishesh-atyadhik rup se yah dekha gaya hai ki rahu ki dasha avdhi ke ant men jatak ko vah sab kuch ganvana parta hai jo usne rahu/ketu ki dasha ke dauran prapt kiya tha. ketu ko moksh prapti tatha rahu ko tirth yatra ka karak grah mana gaya hai. ketu : ketu ki sthiti sadaiv rahu se saptam rahti hai. rahu ke viprit fal ketu pradan karta hai yadi rahu deta hai to ketu leta hai. nimn paristhitiyon men ketu dvara shubh fal pradan kie jate hain. (pa) yadi ketu ki yuti v sthiti shubh ho to ketu ko shubh manna chahie. (pap) yadi lagna/lagnesh se ketu ka sanbandh sthapit ho raha ho to ketu shubh fal data hota hai.
(papp) ketu ki kendra ya trikon men sthiti, kendresh ya trikonesh se yuti ho to ketu ki dasha antardasha men shubh falon ki prapti ki sanbhavnaen barh jati hain. shubh fal pradayak ketu ki dasha avdhi ke dauran nimn fal prapti ki prabal sanbhavnaen rahti hai. achcha svasthya, dhan v anya bhautik sukhon ki prapti, man ki ichchaon ki purti. jyotish shastra ki ek kahavat hai ki- ''jise ketu par utare uska koi bhala kya bigare' nimn paristhitiyon men ketu ashubh fal data mana gaya hai- (pa) janm kundli ke ashtam men ketu (arthat dvitiya men rahu) ya vyay bhav (dvadsh) men ketu aur shashtam men rahu sthit ho to ashubh fal prapt hote hain. (pap) saptam men ketu aur lagn men rahu tatha dvitiya men ketu aur ashtam men rahu sthit hone par bhi ashubh fal hi prapt hote hain. (papp) ashtamesh ki yuti yadi ketu se ho tab bhi kashtaprad sthitiyan utpann hoti hain. (paa) yadi janm kundli men kalasarp yog ka srijan ketu se rahu ke madhya ho raha ho to adhik kasht dayak siddh hota hai. ashubh ketu ki dasha avdhi men nimn ashubh fal prapt hone ki sanbhavnaen rahti hain.
mansik vyadhiyan, man v bhai-bahnon se algav, chori ka bhay, sarpadansh ki pira ya sarpadansh ke hi saman, vishakt bhojan ke karan ya davaiyon ke karan jatil bimari ya jan leva paristhitiyon ka achanak hi utpann hona. ketu ki mahadsha avdhi ke aranbh men sukhon ki prapti ki sanbhavnaen tatha dasha ke madhya aur ant men dukhon ki prapti ki sanbhavnaen adhik hoti hain. isi prakar rahu ki mahadsha avdhi ke aranbh men dukh, madhya avdhi men sukh aur antmen dukhon ki prapti hoti hai. donon grahon (rahu/ketu) ki dasha ke antim parav men sukhon ka abhav darshaya gaya hai. sarvapratham yadi dekhen to rahu ki sthiti marak (dvitiya) bhav men hai. aur ketu ki trik (ashtama) bhav men hai. yadi chandra se dekhe to bhi rahu dvadash men hai. ''yadi rahu/ketu ki mahadsha se sanbandhit falakathan ke sutron ka punravlokan karen to spasht ho jata hai ki marak (va) trik bhavo men sthiti hone ke karan rahu/ketu ki mahadsha ke antargat ashubh falon ki prapti hogi. ab yah dekha jae ki rahu/ketu jis bhav men sthit hai. unke karakatva kya-kya hai. rahu lagn se dvitiya bhav men sthit hai. rahu chandrama se dvadash bhav men sthit hai
tatha navansh kundli men rahu dvadash bhav men sthit hai. ''atah dvitiya aur dvadash bhav men sthit rahu apni mahadsha antardasha ke antargat dvitiya aur dvadash bhav se sanbandhit ashubh fal pradan karega. dvitiya aur dvadash bhav kramshah dain aur bai ankh ka pratinidhitva karte hain. not : mai 2008 men rahu ki mahadsha ke antargat jatak ke netra sanbandhit pareshani se pirit hona para. ankhon ka karniya kharab hone ke karan jatak ko ankhon ke aupreshan ki pira se gujrna para. rahu/ketu se sanbandhit anya jyotishiya vishleshan is prakar hai. (pa) akela rahu, dvitiya bhav men sthit hokar evam dvitiyesh (markesh) ban gaya hai. aur marak (chandrama) ke fal svayan pradan karne ka adhikari ban gaya hai. (pap) rahu ki sthiti shani ke nakshatra pushya men hai. shani naisargik rup se rog karak grah hai aur janmakundli ka ashtamesh bhi hai atah ashtamesh ke nakshatra men sthit rahu ki mahadsha men ''apreshn' ka kasht bhogna para. (papp) mai 2008 men gochar ke rahu/ketu ka aksh tatha janmang ke rahu ketu ka aksh ek hi tha. (rahu ashtam bhav men tatha ketu dvitiya bhav men gochar kar rahe the.) (paa) mai 2008 men jatak ki sarhe-sati ka dusra charan chal raha tha (gochar ka shani tritiya bhav men netra ke karak chandrama ke upar gochar kar raha tha tatha dvadash bhav par drishti nikshepit kar raha tha. 4 mai 2008 tak shani vakri tha atah vakri shani ki nich drishti netra ke karak surya par thi.
aur sthiti dvitiya bhav men thi. sutra ke anusar janmang ke rahu/ketu ke aksh v gochar ke rahu ketu ke aksh ka apas men ek hona tatha isi dauran shani ki sadhesati ka bhi hona ashubh fal prapti ki purn sanbhavnaen vyakt karta hai. sath men dasha avdhi bhi ashubh grah rahu (markesh) ki chal rahi thi. (a) janmakundli ka shashtesh (mangl) bhi gochar vash dvitiya bhav men rahu/ketu ke aksh par hi gochar kar raha tha. (ap) mai 2008 men pratyantar dasha rahu ke grahakrant rashish chandrama (markesh) ki thi. janmakundli men chandrama ki sthiti ashtam se ashtam bhav yani tritiya bhav men hai. rahu (mahadsha pati) v pratyantar dasha pati (chandrama) paraspar dvi-rdvadash sthiti men hai. '' atah uprokt sabhi tathya rahu ki mahadsha men ashubh fal prapti ki pushti kar rahe hai.'' not : antardasha guru ki hone ke karan jatak ka aupreshan safal raha aur do mah ke upchar ke uprant jatak thik ho gaya. ;pa) guru kendra men sthit hai tatha janmakundli men rahu aur guru ki paraspar sthiti tritiya ekadash hai.