vastu prapti yog pan. jayaprakadga sharma (lal dhage vale) jab koi bhi vyakti ghar banana chahta hai to sabse pahle use bhumi ki avashyakta hoti hai. bhumi ka karak grah mangal aur chaturth bhav balvan hone par vyakti bhumi kray kar sakta hai. chaturth bhav ya mangal pirit hone par vyakti kiraye ke makan men hi rahta hai aur yadi bhagyavash apna makan ban bhi jae to usmen vastu dosh jarur hota hai.
bane banae makan ko dekhne ke lie janmapatri men chauthe bhav ke sath shani ki sthiti par bhi vichar kiya jata hai. janmapatri men kaun-kaun se yog banne par vyakti bhumi ya bhavan prapt kar sakta hai, ab un par vichar karte hain : yadi chaturthesh kendra ya trikon men ho. yadi chaturthesh svagrihi, vargottam, svanvansh ya uchch ka ho to bhumi, vahan v ghar ka sukh milta hai. yadi lagnesh chaturth men ho ya lagnesh aur chaturthesh ka sthan parivartan ho to ghar, avas adi ka purn sukh milta hai.
yadi chaturthesh v dashmesh ki yuti kendra ya trikon men ho to jatak ka ghar sundar, bara ya mahlnuma hota hai. yadi chaturthesh balvan ho aur lagnesh se us ka sanbandh ho. yadi mangal trikon men ho. yadi chaturth bhav par do shubh grahon ki drishti ho. yadi chaturthesh v panchmesh men parivartan yog ho. yadi chaturthesh v navmesh men parivartan yog ho. yadi chaturthesh v ekadshesh men parivartan yog ho. lagnesh, chaturthesh v dvitiyesh jitne shubh grahon se drisht hon, utne makan milte hain. kendra v trikon men baithe grahon men jitne grah balvan hon, vyakti ke utne hi makan banenge. chauthe bhav men shani baitha ho to vyakti ko bari umra men makan banvana parta hai.
shani, mangal aur rahu ki yuti ho to vyakti kale dhanghe ki kamai se sanpda banata hai. saptamesh uchch ka ho ya saptam bhav men shukra ho to vyakti ko patni paksh se makan ka labh milta hai. jab vyakti ko pata chalta hai ki uski kundli men bhumi ya bhavan ka sukh hai to uska agla prashn hota hai ki yah sukh kab milega? iske lie yogkari grah ki dasha antardasha men vyakti ko yah sukh mil sakta hai. jin grahon ke karan yah yog ban raha hai
unki dasha ya antardasha men vyakti bhavan ya bhumi ko prapt karta hai. chandrama ki mahadsha men shukra ki antardasha hone par bhumi v bhavan ka labh hota hai. mangal ki mahadsha men shukra ki antardasha hone par bhumi v bhavan ka labh hota hai. guru ki mahadsha men guru, shani, shukra ya mangal ki antardasha men vyakti bhumi v bhavan ka sukh prapt karta hai.
guru ki mahadsha men shani ki antardasha men vyakti ko purana makan milta hai ya uska jirnoddhar hota hai. chaturthesh, mangal ya shani ki mahadsha ya antardasha men vyakti makan ka sukh prapt karta hai.