prashna: tairo kise kahte hain.
uttara: bhavishya kathan ki kai paddhatiyan hain jinmen ek ka nam tairo hai jo har prakar ki bhavishya vani karne men saksham mani ja rahi hai. tairo 78 kardon ka dek hota hai jismen 22 kardon ko mejar arkana aur shesh 56 kardon ko mainar arkana kahte hain. in kardon par prayah chitra ankit hote hain. in chitron ke adhar par hi kisi bhi prashn ka uttar diya jata hai. bhavishyavani ki is paddhati ko tairo kaha jata hai.
prashna: is paddhati ka itihas kya hai?
uttara: bhavishyavani ki ‘‘tairo’’ paddhati kab, kaise aur kisne shuru ki iske bare men sahi jankari aj tak kisi ko nahin hai. fir bhi amtaur par yahi mana jata hai ki bhavishyavani ki yah paddhati jipsiyon dvara yurop pahunchi jahan is par kafi shodh hua. is paddhati ki shuruat lagabhag 14vin shatabdi men mani jati hai. mana jata hai ki tairo ka praranbhik prayog itli ke ek prachin khel ‘tarochchi’ ke lie hota tha. tarochchi ek prakar se tash ke khel ‘brij’ ka milta-julta rup hai, jo abhi bhi duniya ke kuch hisson men khela jata hai. kardon ki vartaman sankhya v banavat tairo kardon se kahin alag hai. kaha jata hai ki tairo kardon men chupe rahasya ko sarvapratham peris ke raj mistri ‘‘entoini kort di gevelin’’ ne khola aur tairo kardon se juri kai kahaniyan prachlit kin. lekin ‘etila’, jo gevelin ka samkalin tha, ne sarvapratham in kardon ko lokapriya bana kar bhavishya kathan karne ki is paddhati ko ujagar kiya. is paddhati ko aur lokapriya banane valon men elifas levi, osvald varth, pajus adi ka bahut hath raha hai. is paddhati ki lokapriyata frans, inglaind aur anya pashchimi deshon men bhi dhire-dhire barhi. tairo kardon ke itihas ke bare men yah bhi kaha jata hai ki in kardon ki shuruat ‘misra’, bharat aur chin men hui hai. le-mo-3 priyamitak 1781 ke anusar ye kard bharat men jipsiyon dvara lae gae the. kuch ka manna hai ki in ka mukhya srot misra hai. jahan se 14vin shatabdi men ye itli aur frans pahunche. is tarah se ‘tairo karda’ ke itihas ke bare men kai prakar ki manyataen h lekin satyata kya hai, koi nahin janta. lekin ajakal iski barhti hui lokapriyata ke karan ise bhavishya kathan ki paddhati men mil ka patthar mana jata hai.
prashna: tairo kardon dvara bhavishya kathan paddhati kis prakar karya karti hai?
uttara: tairo kardon ke vibhinn samuh jivan ko prabhavit karne vale vibhinn tatvon ka pratinidhitva karte hain jo kardon par ankit chitron men chupe rahte hain. jatak ka sanbandh jin kardon se banega un kardon ke chitra hi jatak ke bhavishya men hone vali har ghatna ke suchak hote hanai. satya to yah hai ki ye kard bhavishya ka disha-nirdesh hi dete hain. ye un sthitiyon ka varnan karte hain jo bhutkal men thin aur vartaman aur bhavishya men unka jatak par kya prabhav hoga.
prashna: mejar arkana aur mainar arkana men kya bhinnata hai?
uttara: tairo kard vastav men do bhagon men bante hote hain jo mejar arkana aur mainar arkana kahlate hain. mejar arkana 22 kardon ka set hota hai aur mainar arkana 56 kardon ka. mejar arkana kardon ko tranp ke nam se bhi jana jata hai. in kardon ko sabse adhik mahatvapurn mana jata hai. in par ankit pratyek chitra apne ap men bahut hi gahre arthon se bhara hota hai. ye sabhi kard grahon, rashiyon, aur prakritik tatvon ka pratinidhitva karte hain. kardon ko kholne par yadi mejar arkana ke kard adhik hane, to yah sthiti bahut hi shubh mani jati hai. mainar arkana men 14-14 kardon ke char set hote hain, jinhen sut bhi kahte hain. in char suton ke nam hanai- vainds, kaps, svodars aur paintakals jo kramshah agni, pani, hava aur prithvi tatvon ka pratinidhitva karte hain. pratyek sut men 14 kard hote hain, jinmane 10 kardon par 1 se 10 (ank aur chitra sut ke nam se) ankit hote hain aur shesh char kard kings, kvins, naitras aur pejes ke nam se jane jate hain. inhen kort kards ke nam se bhi jana jata hai. mainar arkana am jivan ki ghatnaon, gatividhiyon tatha bhavnaon ka pratinidhitva karte hain. ye kards har vyakti ke jivan ke prati hamare khas drishtikon ka parichayak hain.
prashna: kya tairo kard ke dek kai prakar ke hote hain?
uttara: ajakal bajar men tairo kardon ke kai prakar ke dek upalabdh hain, jin par chitra bhi bhinna-bhinn prakar ke ankit hain, lekin sabhi dek ka lakshya ek hi hai. samay ke anusar kardon ke rup men kuch badlav ata hi hai aur aya bhi hai. shuru men tairo kardon ka dek ek hi tarah ka tha, jismen 78 kard hote the jo mejar aur mainar arkana par adharit hote the. purane aur naye kardon ka lakshya ek hi hai- bhavishya kathan. in kardon ke dek men sabse adhik raidrvet aur paledin hain, jinhen duniya bhar men svikar kiya gaya hai.
prashna: jatak ke prashn ka uttar dene ke lie tairo kardon ko kaise lagaya jata hai?
uttara: jaise jatak ap se kisi vishay par prashn karta hai, to sabse pahle tairo kardon ko vaise hi milaen jaise tash ke patton ko milaya jata hai taki kards achchi tarah mil jaen. fir ap jatak ko kards ki gaddi ko katne ko kahen, aur kate hue kardon ko ek taraf rakh den aur jo kard hath men hain, unhen ek-ek kar ke kholna shuru karen. is tarah se ap 13 kardon ko kholen aur tebal par bicha den. har ek kard ka sanbandh prashn se hoga. kard par ankit chitra ki vyakhya ke anusar ap prashn ka uttar jatak ko den.
prashna: kya ye 13 kard kisi vishesh akriti men hi bichae jate hain?
uttara: kardon ko bichane ke tarike ajakal bhinna-bhinn ho gae hanai. lekin pahle kisi khas akriti men bhi lagae jate the jise seltik-kraes kaha jata tha. lekin jaise-jaise is paddhati par shodh hota gaya vaise-vaise hi kardon ko bichane ke tarike bhi badlte gae. aj bhi kai achche tairo-ridar seltik kraes ka hi prayog karte hain.
prashna: kya falit karte samay 13 kardon ko hi liya jata hai? ya inse kam aur adhik bhi lie ja sakte hain?
uttara: aranbh men 13 kardon ka hi chalan tha. lekin ajakal ise aur asan kar diya gaya hai. falit karne vale 3 kardon ka bhi prayog karte hain. iske atirikt 6, 9 ya 12 kardon ko lekar bhi falit kar sakte hain. fir bhi 13 kard aur seltik-kraes falit ke lie adhik saksham hain.
prashna: kya tairo kard ek hi samay sabhi prakar ke prashnon ka uttar de sakte hain?
uttara: tairo kardon se ek samay men ek hi prashn ka uttar sahi mil sakta hai, sabhi prashnon ke nahin. islie ek samay par ek hi prashn karen. prashn ka uttar bhavishya men hone vali ghatna ka sirf disha-suchak hi hota hai.
prashna: tairo paddhati ka vaigyanik adhar kya hai?
uttara: jyotish ko chor kar bhavishya kathan karne vali kisi bhi paddhati ka adhar vaigyanik nahin hai. isi tarah tairo paddhati ka bhi koi vaigyanik adhar nahin hai. han iska adhar adhyatmik aur darshanik jarur hai. jisne bhi is paddhati ka avishkar kiya hoga, us vyakti ka adhyatmik star bahut uncha raha hoga kyonki kardon par jo chitra ankit kie gae hain, unka adhyatmik aur darshanik satra bahut gahra hai. in chitron ki vyakhya karne vale ka bhi adhyatmik star yadi majbut ho, to vah ek achcha tairo ridar ban sakta hai.
prashna: mejar arkana ke 22 kardon ke nam kya hain aur ye kin tatvon ka pratinidhitva karte hain?
uttara: mejar arkana ke kardon ke nam alg-alag hain aur in par ankit chitra grahon, rashiyon aur prakriti tatvon ka pratinidhitva karte hain. inka vistrit varnan is prakar hai.
1. di ful - vayu tatva
2. di maijishiyan - budh grah
3. di hai pristesas - chandra grah
4. di empres - shukra grah
5. di emparar - mesh rashi,
6. di hayrofent - vrish rashi
7. di lavars - mithun rashi
8. di chairiyat - kark rashi,
9. jastis - tula rashi
10. di harmit - kanya rashi
11. di hvil af farchun - guru grah
12. strength - sinh rashi
13. di haingd main - jal tatva aur nepchyun grah
14. deth - vrishchik
15. temparensa- dhanu rashi,
16. di devil - makar rashi
17. di tavar - mangal grah
18. di star - kunbh rashi
19. di mun - min rashi
20 di san surya grah
21. jajment - agni tatva aur pluto grah
22 di valrd - shani grah.
prashna: mainar kardon ke char sut (samuh) kis ka pratinidhitva karte hain?
uttara: mainar kardon ke char sut is prakar hain.
1. vaindsa: yah agni tatva ka mana gaya hai jiska sanbandh utsah, sahas, gatishilta, srijnshilta aur purush vritti se hai.
2. kapsa: yah jal tatva ka mana jata hai jiska sanbandh bhavna, adhyatmikta, parivartanashilta aur stri vritti se hai.
3. svordsa: iska sanbandh vayu tatva se hai jo buddhimatta, vichar aur tark ka pratinidhitva karta hai. yah adarshavadi, nyayapriya, naitik siddhantvadi evan manisak spashtata ka pratik hai.
4. paintakalsa: yah prithvi tatva ka mana jata hai, jiska sanbandh vyavharikta, suraksha aur bhautikta se hai jo samriddhi evan sanpannata ka pratinidhitva karta hai.
prashna: mainar arkana ke char suton men kort kard ki kya visheshta hai?
uttara: char suton men char-char kard kort kards kahlate hain, jinke nam king, kvin, nait v pej hain jo kramshah badshah, begam, gulam aur parichar se bhi jane jate hain. in charon kardon ki visheshta is prakar hai.
1. king (badshah): mardangi ka pratik hai. isse sanbaddh vyakti srijnshil, prernadayak, shakti sanpann, karishmai vyaktitva ka dhani aur bahadur hota hai.
2. kvin (rani): naritva ka pratik hai. isse sanbaddh mahilaen akarshak, komal hriday, bhavuk, hansmukh aur sundar hoti hain. ve amod-pramod priya aur vishva ka har anand prapt karne ki ichchuk hoti hain. unka sanbandh bhavnaon aur atmabhivyakti se rahta hai.
3. nait (gulam): yauvan ka pratik hai. isse sanbaddh vyakti unchi uran bharne vala, joshila, saflta ka ichchuk, apne karm ke prati nishthavan aur imandari se seva karne vala hota hai.
4. pej (parichr): yah ek bachche ka pratik hai jo apne khel khilaune men mast rahta hai. usmen masti, aram aur sfurti ka bhav bhara hota hai. yah sahas ka bhi pratik hai.
prashna: yadi kardon ko milate samay ya bichate samay koi kard ulta pare to iska kya prabhav hota hai?
uttara: yadi kard sidha ho, to iski urja sakaratmak hoti hai aur iska prabhav jatak par achcha parega. iske viprit yadi kard ulta pade, to yah nakaratmak urja ka pratik hai. arthat jatak par us kard ka prabhav ulta parega. ya us kard ki jo bhi vyakhya hogi uske prabhav men rukavat a sakti hai. kard ki urja ke star men parivartan ata hai aur prabhav badal jata hai.
prashna: jyotish aur tairo ka apsi sanbandh kya hai?
uttara: jyotish aur tairo ka pahla sanbandh to yah hai ki donon ka mukhya lakshya bhavishyavani karna hai. dusra jyotish men grah, rashi, nakshatra adi se bhavishyavani ki jati hai. iske anurup tairo kardon se bani har akriti grah, rashi ya tatva ka pratinidhitva karti hai jiske adhar par bhavishyavani ki jati hai. grah, rashiyan adi tairo men bhi utna hi mahatva rakhte hain jitna jyotish men. jyotish jahan janmakundli se grahon ko dekhta hai vahin tairo kardon ke madhyam se grahon ka prabhav dekha jata hai. arthat bhavishyavani karne ka madhyam koi bhi ho uska adhar grah, rashiyan adi hi hote hain. islie jyotish aur tairo ka apas men choli daman ka sanbandh hai.