barak obama sitaron ki kahani sitaron ki jubani stanbh men ham janmapatriyon ke vishleshan ke adhar par yah batane ka prayas karte hain ki kaun se grah yog kisi vyakti ko saflta ke shikhar tak le jane men sahayak hote hain. yah stanbh jahan ek or jyotirvidon ko grah yogon ka vyavharik anubhav karaega, vahin dusri or adhyetaon ko shreshth path pradan karega tatha pathkon ko jyotish ki prasangikta, uski arthavatta tatha satyata ka bodh karane men mil ka patthar sabit hoga. amerika ke 44ven rashtrapti barak husain obama mahatvakankshi, atmavishvas se yukt prabhavshali vyakti hain. pahle ashvet rashtrapti banne par inhonne itihas rach diya. obama jan-jan ka sahyog karne men vishvas rakhne vale, svabhimani, shreshth vicharak, lekhak, saral hriday vale, kushagrabuddhi, urjavan, akarshak, netritvashaktisanpann, drirhnishchayi tatha vicharon ke matbhed ko suljhane aur madhyasthata v samjhauta karvane men kushal hain. obama ka janm 4 agast 1961 ko hua. amerika ke rashtrapti banne vale yah pahle akriki ameriki hain. obama rashtrapti banne se pahle san 2005 men ilinaeis se sinetar ke pad par karyarat the.
honolulu havai ke sthai nivasi obama kolanbiya vishvavidyalay v harvard lae skul ke snatak hain jahan ve harvard lae rivyu ke adhyaksh the. kanun ki digri prapt hone tak shikago men kamyuniti aergainaijar ke rup men karya karte rahe. shikago men sivil raitas ataerni ke pad par niyukt hone ke bad shikago vishvavidyalay ke lae skul men 1992 se 2004 tak sanvaidhanik kanun parhane lage. ilinaeis sinet men 1997 se 2004 tak obama ne tin karyakal pure kie. san 2000 men yu.es. haus aef ripraijaintetiv men sthan prapt karne ka prayas vifal raha. san 2004 men obama yunaited stetas sinet ki or barhe. is abhiyan ke dauran ghati bahut si ghatnaon ke karan pure rashtra ka dhyan inki or jane laga. in ghatnaon men se ek pramukh ghatna unki march 2004 ki daimokretik praimri ki jit v. julai 2004 men daimokretik naishanal kanvainshan men diya gaya bhashan shamil hai. inhen navanbar 2004 men ameriki sinet chunav men vijay prapt hui. inki praijidenshiyal kainpen farvri 2007 men aranbh hui aur san 2008 men ye daimokretik parti praijidenshiyal praymriz se rashtrapti pad ke ummidvar chune gae. 2008 ke am chunav men obama ne ripablikan parti ke ummidvar jaen maik ken ko haraya aur 20 janvri 2009 ko amerika ke 44ven rashtrapti ban gae.
inke pita ki mrityu san 1982 men kar durghatana men hui. san 1983 men kolanbiya vishvavidyalay se snatak ki upadhi prapt ki. 1985 men obama ek charch besad grup ke lie karya karne ke lie shikago chale gae. 1988 men obama ne harvard lae skul men dakhila liya. 1990 men harvard lae rivyu ke sanpadak bane. san 1992 men inka vivah sanpann hua. 1995 men inhonne apni pratham pustak ”drimz fraem mai fadr“ prakashit ki. aktubar 2002 men inhonne irak ke khilaf bal prayog ki vakalat karne vale vidheyak ka virodh karne ke lie ek raili ke dauran shikago faidaral plaja men bhashan diya. janvri 2005 men ilinais ke sinetar ke rup men shapath grahan ki. 2006 men inhonne apni dusri pustak ”d aedesiti aef hop“ prakashit ki. 2006 men hi inhonne apni tisri pustak ”it teks e neshn“ prakashit ki. prastut hai obama ki janmakundli ka jyotishiya vishleshan. lagnesh shukra ki navam bhav men sthiti yah spasht karti hai ki ve buddhiman, lokapriya aur satvik vichardhara ke vyakti hain. dasham bhav men surya budh v lagnesh ki navam bhav men shreshth sthiti uttam rajyog ka nirman kar rahi hai. bhagyesh v labhesh ka dashamasth hona bhi uttam rajyog mana jata hai. dhanesh mangal labh sthan men sthit hokar dhan bhav par drishti dalakar uttam lakshmi yog bana raha hai. ekadashasth rahu se lakshmi yog ko atirikt bal mil raha hai.
gyarhven bhav ko bare labh v ichchaon ki purti ka karak mana jata hai. is bhav ko sansar men mitron aur prashanskon ka bhi karak mana jata hai. islie is prakar ki grah sthiti jatak ko atyadhik lokapriya tatha rajnitik kshetra men vishesh saflta dayak siddh hoti hai. tritiyesh ki uttam sthiti lagnesh v mangal ke bali hone par jatak ko vishesh prabhavshali bana deti hai. obama itne prabhavshali vyaktitva ke rup men ubhre ki ye bold obama ke nam se lokapriya hone lage. inki kundli men mangal sinh rashisth hokar ekadashasth hai. lagnesh bhagya bhav men arthat shubh bhav men sthit hai. tritiyesh guru vakri hokar nich bhang rajyog bana raha hai. yah vishesh shikshit, kushal v nirbhik vakta, chalak, vakil, kannuvid, kanun ke profaisar, lekhak aur sanpadak bhi hain. shash yog banane vala shani, dashamasth surya v ekadashasth rahu inhen vishesh pratapi bana rahe hain. inki kundli men mangal atmakarak hokar lagan v navansh donon men agnitatva rashi men sthit hai. rahu, ketu v budh uchch navansh men, shani vargottami v guru svanvansh men sthit hai. mangal ka atmakarak hokar balvan hona, janmakundli men lakshmi yog, shreshth rajyog, nich bhang rajyog, viprit rajyog, parashriya rajyog, ubhychri rajyog, sunfayog, prasiddhi yog, budhaditya yog v shash yog hone se v navansh kundli men samast grahon ki shubh sthiti se inki kundli men vidyaman yog purnataya falibhut hue.
kundli men yadi lagnesh shubh bhav men ho, bhagya bhav v bhagyesh ki sthiti uttam ho tatha kundli men anyanya shubh yog hon to aisi sthiti men yadi purva janm ke karak grah v bhav badhak n banen to samast shubh yog nishchit rup se falibhut hote hain. pancham bhav se purva janm ka vichar kiya jata hai, ketu ko purva janm ke bare men anuman karne ke lie karak grah mana jata hai, guru ko pancham bhav ka karak tatha panchmesh se bhi purva janm ke karmon ka vichar kiya jata hai. iske atirikt shani se purva janmarjit pap karmon ka vichar kiya jata hai. yadi purva janm ke karak pancham bhav se sanbandhit sabhi paksh purnataya sakaratmak hon to jatak ke jivan men vighn badhaen nahin ati kyonki pancham bhav navam se navam hota hai. obama ki kundli men ketu pancham bhavasth hai. panchmesh shash yog ka nirman kar rahe hain. pancham bhav ke karak guru nichbhang rajyog bana rahe hain. isi prakar navam bhav, navmesh v sarvadhik saubhagyadayak shukra ki sthiti bhi shreshth hai. yahi karan hai ki obama ke bhagya ne inka purnataya sath diya. tula lagn hone tatha yogkarak shani ke shreshth sthiti men hone ke karan obama suljhe hue v santulit mastishk ke vyakti hain. shani ka lagan, guru v chaturth bhav par prabhav hone se ye adhyatmik drishti sanpann shreshth vicharak bhi hain. dasham bhav men surya budh ki sthiti anya shubh lakshan hone par raj sukh prapti ke lie sarvashreshth mani jati hai.
lagnesh ke bhagya bhav men v navmesh ke dashamasth hone ko parashri paddhati men bali rajyog mana jata hai vishesh rup se jab bali grahon ka prabhav navam, dasham v ekadash bhav par ho. 1983 men snatak ki upadhi prapt hone ke samay gochar men panchmesh shani uchch rashi men the tatha uchch shiksha karak bhagyesh budh par shani aur guru ka sanyukt gochriya prabhav tha. 1985 men rahu ki mahadsha men guru aur shani ka sanyukt gochriya prabhav mahadshanath rahu par hone ke samay yah ek charch besad grup ke lie karya karne hetu shikago chale gae. navam bhav men lagnesh shukra par guru ka gochar hone par obama 1990 men harvard lae rivyu ke sanpadak bane. 1992 men rahu ki mahadsha men shukra ki antardasha ke samay gochar ke guru ki saptam bhav par drishti hone ke samay inka vivah sanpann hua. rahu men mangal ki antardasha men inhonne sakriya rajniti men bhag lena aranbh kar diya tatha 2004 tak ilinaeis sinet men tin karyakal pure kie. rahu aur mangal rajniti ke pradhan karak hain. 2004 men guru ki mahadsha men dasham bhav men sthit bhagyesh budh ki antardasha ane par inhen pure rashtra men man-samman ki prapti hui. is samay tritiya bhav par guru aur shani ka sanyukt gochriya prabhav hone se inka parakram v prabhav barhne laga. 1995 men apni pahli pustak ke prakashan ke samay men gochriya guru ki drishti janmakundli men dasham bhav men sthit surya budh par par rahi thi.
budh lekhan kala ke pradhan karak hain. 2006 men dusri aur tisri pustak ke prakashan ke samay men gochriya guru ki drishti janmakundli men dasham bhav men sthit surya budh par par rahi thi. 2006 men dusri aur tisri pustak ke prakashan ke samay men guru men shani aur budh ki antardashaen thin tatha janmakundli ke bhagyesh budh par jo lekhan ka mukhya karak grah hai shani ka gochar ho raha tha. navanbr-disanbar 2006 men guru aur shani donon ka gochriya prabhav is budh par tha. san 2009 men rashtrapti banne ke samay guru ki mahadsha v surya ki antardasha men gochar ke guru mahadshanath ke upar chal rahe the. jyotish shiksha: jyotish men niyam hai ki surya ka digbal pradhan hota hai. aisa surya bhagyesh se sanyukt hone par chamatkari ho jata hai. dasham bhav par char bali grahon ka prabhav hai aur dashmesh bhi uchcharashisth hokar guru se drisht hai arthat dasham bhav, dashmesh v dasham ke karak sabhi balvan hain. dasham bhav men baitha hua bhagyesh budh lagnesh adhishthit rashi ka svami hokar navansh men uchcharashisth hai v dasham bhav men surya se sanyukt hokar uttam parashriya rajyog ka nirman kar raha hai. vakri guru uchch ka fal dekar puri kundli ko bal de raha hai. dasham bhav se uchch koti ke rajyog v akshay kirti ka vichar kiya jata hai. obama ki kundli men rajyog ko atirikt bal pradan karne vale dasham bhav se sanbandhit sabhi paksh jaise dasham bhav, dashmesh, dasham bhav ke karak surya, budh, shani v guru ke atirikt lagnesh, bhagyesh, dvitiyesh, labhesh adi sabhi uttamottam avastha men hone se inhen sarvashreshth pad prapt hua.