liyo pam men ank vigyan vinay garg ak vigyan men tin prakar ke ankon mulank, bhagyank, v namank ke adhar par vyakti ka svabhav, bhavishya v shubhashubh ki jankari adi prapt ki ja sakti hai. yadi kisi ka ank 9 se adhik arthat dahai tak ata hai to ikai aur dahai ke ankon ke svatantra svabhav ka samavesh bhi us vyakti ke mulank, bhagyank v namank adi ke sath samahit ho jata hai. ankon ke adhar par ap apna nam apne ank ke anukul banate hain to nishchit taur par ap kam parishram men adhik saflta prapt kar pate hain.
buy detail numerology report
ank ke adhar par ap apne abhisht mitra bana sakte hain, jo apki sahayta karte hain tatha apko achchi tarah se samajh sakte hain, itna hi nahin ajakal to vivah v prem men saflta/asflta ya vyapar ke liye partanar ka chunav bhi log ank milan karke karte hain. ank vigyan ke adhar par yah bhi jan sakte hain ki aj ka din kaisa rahega- koi mahatvapurn karya kiya jana chahie ya nahin. chahe tithi, dinank par ya var ke adhar par nirnay kiya jae, ye sabhi ank vigyan ke ki kasauti par khare utrte dekhe gaye hain.
iske alava apke liye varsh ka kaun sa mah shubh rahega aur kaun sa ashubh rahega ya apki ayu ka kaun sa varsh apke anukul rahega ya pratikul rahega, yah sab ap alp prayas se gyat kar sakte hain. amuk vyakti ke lie kaun se devta vinay garg anukul hain? shatru ank, mitra ank ya sam ank kaun se rahenge, yah sab jankariyan prapt ki ja sakti hai. iske atirikt kis ank ke vyakti ka svabhav kaisa rahega, yah bhi jan sakte hain. kabhi-kabhi vyakti ke nam ek se adhik ho jate hain to man men sanshay ki sthiti paida ho jati hai ki usko kaun sa nam ank vigyan ki ganna men prayog kiya jana chahie, iske liye aisa mana gaya hai ki vyakti soi hui sthiti men jis nam se jag jae vahi uska prabhavshali nam hota hai. namank ka prabhav vyakti ke jivan men is prakar se parta hai ki jab ham koi vishesh nam pukarte hain
to us samay ek vishesh prakar ka svar vatavaran men gunjayman hota hai. kabhi-kabhi koi svar kisi ko achcha lagta hai, lekin kabhi-kabhi vahi svar dusre vyakti ko achcha nahin lagta. yahi prabhav hai nam ka, vyakti vishesh par. vaise bhi sunne men ata hai aur apne bhi suna hoga ki are bhai ! apka nam to bahut sundar hai. jabki dusre vyakti ko vahi nam achcha nahin lagta. arthat alg-alag ank ke vyaktiyon ko alg-alag svar achche lagte hain aur pratyek svar alg-alag ankon se milakar bana hota hai. islie pratyek vyakti ke liye alg-alag namon ka nirdharan kiya jata hai. liyo pam men ank vigyan ke is vishal sansar ko bare hi achche dhang se aur prayogakartta ki suvidha ki drishti ko dhyan men rakhte huye susajjit karke samahit kiya gaya hai.
liyo pam men ank vigyan ka khand dekhne ke liye apko liyo pam ki skrin ke nichle bhag men bayin taraf jyotish ke sthan par ank vigyan ka chunav karna hota hai. iske pashchat vyakti ka nam upar ke kolam men likhna hota hai. sath hi vyakti ki janm tithi, nishchit sthan par bhar deni chahie. is ank vigyan ka ek labh aur bhi hai, vah yah ki agar kisi ka janm samay ya janm sthan gyat n ho tab bhi ham us vyakti ka bhavishya kathan aur uske svabhav adi ke bare men jan sakte hain. mulank : skrin ke nichle bhag par bani janmapatri ke nishan par klik karen. klik karne par jatak ka nam, janm tithi, mulank, bhagyank, namank, mulank, bhagyank evan namank svami grah ki jankari prapt hoti hai. isi skrin par apko amuk vyakti ke shatru, mitra aur sam ank ki jankari bhi prapt ho pati hai.
ab age anya jankari prapt karne ke liye mulank par klik karne se anya shirshak pradarshit hote hain- jaise-mulank, shubhashubh, shubh yantra, namank evan falit. ab apko jis shirshak se sanbandhit jankari chahie us par klik karke dekh sakte hain. shubhashubh : iske antargat apko jatak ke mukhay shubh varsh ki jankari milegi. jaise ap jan sakenge ki 2010 ka varsh jatak ke liye mukhay varsh ke rup men hoga ya nahin. iske atirikt shubh-ayu, arthat aj jatak ki jo ayu hai v shubh ayu ka varsh hai ya nahin tatha ayu ke kaun-kaun se varsh shubh rahenge adi jankari prapt hoti hai.
isi prakar jatak ke shubh var, mas, tarikh, ratn, uparatn, anukul devta, shubh dhatu, shubh rang evan mantrochcharan karne ke liye ank par adharit kaun sa mantra adhik upyogi evan faldayi rahega adi jankari bhi di gayi hai. shubh yantra : jatak ke namank, mulank v bhagyank ke adhar par kaun se yantra ki sthapna puja evan dharan kiya jana chahie. vah is shirshak ke antargat chitra v nam sahit bataya gaya hai. namank : jatak ke nam ke varnamala ke adhar par uske nam ke ankon ka yog kya banta hai yah bataya gaya hai. udaharan ke lie tapdanl lantah ke ankon ka yog 6+1+5+1+1 : 3+1+2+3 = 23 evan namank 5 banta hai. sath hi ismen yah sujhav bhi diya gaya hai ki jatak ki janmatithi ke adhar par jatak ka atishubh namank kya banega tatha ati ashubh namank bhi bataya hai.
sath hi shubh namank evan ashubh namankon ki jankari bhi di gayi hai. falit : iske antargat jatak ke namank v bhagyank ke adhar par uske shubh aur ashubh ka gyan, bhavishyafal kathan aur saflta asflta adi ke bare men vistrit jankari di gayi hai. anukul grah, devta, yantra, mantra, anukul rang adi ke bare men vistarpurvak falakathan kiya gaya hai. sath hi viprit paristhitiyon men kiye jane vale prabhavkari v saral upayon ki bhi charcha ki gayi hai. nishkarshatah ham kah sakte hain
ki ank vigyan ke vishal kshetra ko jatak ki jankari ke sath har vakt sath rakhne ki suvidha liyo pam ke ank vigyan khand men bakhubi di gayi hai. liyo pam men ank vigyan ki aur adhik vistrit jankari ke liye ap fyuchar point ke karyalay men fon, i-mel ya patra vyavhar dvara sanpark banakar prapt kar sakte hain.