grahon ke ashubh prabhav dete hain hriday vikar es. pi. gupta aj hriday rogiyon ki sankhya men nirantar vriddhi hoti ja rahi hai. hamare khan-pan evan jivan shaili ke atirikt janmakundli men sthit grahon ka prabhav bhi hriday par parta hai. hriday rog ke jyotishiya karak kya hain, janne ke lie parhie yah alekh...
hriday praniyon ka vah mahatvapunar a ang hai jiske madhyam se jivni shakti ka sanchar pure sharir men hota hai. shiraen anupyukt rakt lekar hriday men ati hain aur hriday us rakt ko shuddh kar use sanveg ke sath dhamniyon ke dvara sharir ke pratyek ang men bhejta hai aur is prakar sharir ke ang pratyang ko jivan urja prapt hoti hai. jab hriday ki dharakan ruk jati hai to jivni shakti (pran) sharir men nahin rahti aur prani mrityu ko prapt hota hai. saur mandal men sabhi grah surya ke charane or parikrama karte hain aur surya se urja prapt karte hain.
chunki surya urja (pran) ka srot hai islie vah hriday ka pratinidhitva karta hai. chandra man evan man se utpann vichar, bhav, sanvedna, lagav ka parichayak hai to shukra prem, asakti v bhog ka. kal purush ki naisargik kundli men chaturth bhav kark rashi ka hai jiska svami chandra hai. pancham bhav sinh rashi ka hai jiska svami surya hai. chandra man ka karak hone ke karan man men utpann vichar evan bhavnaon ka srijanakarta hai jinka sanchayan kisi ke prati prem, chahat, asakti, lagav ya fir ghrina utpann karta hai aur isilie chaturth bhav se dvitiya (dhan) arthat pancham bhav prem, sneh, anurag ka hai.
isi bat ko is prakar bhi samjha ja sakta hai ki shashtham bhav shatruta aur manmutav ka hai aur iska vyay sthan (isse dvadash bhav) arthat pancham bhav shatruta ke vyay (nash) ka arthat mel milap, prem v lagav ka bhav hai. jab prem asakti men nirasha milti hai ya vanchit parin aam parilakshit nahin hote, to mansik aghat lagta hai jo hriday sanch¬alan ko asantulit karta hai. isse hriday men vikar utpann hote hain aur vyakti rogg¬rast hota hai.
islie pancham se dvadash arthat chaturth bhav hriday sanbandhi vikaron ka bhav hua. surya aur chandra ka sammilit prabhav hriday ki dharakan gati evan rakt sanchar ko niyantrit karta hai. surya, chandra aur unki rashiyan kramshah sinh v kark, chaturth bhav v chaturthesh tatha pancham bhav v panchmesh par krur papi grahon (mangal, shani, rahu, ketu) ka prabhav adi hriday ko pira dete hain. shashthesh v ashtamesh tatha dvadshesh ka in par ashubh prabhav bhi rogkarak v ayunashak hi hota hai.
rahu-ketu ka svabhav akasmik evan apratyashit rup se parinam dene ka hai islie rahu-ketu ki yuti ya prabhav ka achanak evan apratyashit hridyaghat, dil ka daura adi ki sthiti utpann kar sakta hai. samanyatah surya v chandra par ashubh prabhav ke sath-sath chaturth bhav par ashubh prabhav hriday se sanbandhit vikar evan rogon ki sthiti utpann karta hai jabki pancham bhav par ashubh prabhav prem, asakti, chahat se sanbandhit sthiti batata hai.
islie hriday vikar, prem, bhavnaon evan unke parinamon ke sanbandh men faladesh karne ke purva varnit bhavon, rashiyon evan grahon ki sthiti aur un par shubh-ashubh prabhavon ka sahi akalan evan vishleshan kar lena chahie. nimnalikhit grah sthitiyan hriday vikar evan mansik santap utpann kar sakti hain:
chaturth bhav men mangal, shani tatha guru ka krur grahon se yukt ya drisht hona.
chaturth bhav men guru, surya tatha shani ki yuti ka ashubh prabhav men hona.
chaturth bhav men shashthesh ka krur grah se yukt ya drisht hona.
chaturth bhav men krur grah hona aur lagnesh ka pap drisht hokar balhin hona ya shatru rashi ya nich rashi men hona.
mangal ka chaturth bhav men hona aur shani ka papi grahon se drisht hona.
shani ka chaturth bhav men hona aur shashthesh surya ka krur grah se yukt ya drisht hona.
chaturth bhav men krur grah hona tatha chaturthesh ka papi grahon se yukt ya drisht hona ya papi grahon ke madhya (pap kartari yog men) hona.
chaturthesh ka dvadash bhav men dvadshesh (vyayesh) ke sath hona.
pancham bhav, panchmesh, sinh rashi tinon ka papi grahon se yukt, drisht ya ghira hona.
panchmesh tatha dvadshesh ka ek sath chathe, athven, 11ven ya 12 ven bhav men hona.
panchmesh tatha shashthesh donon ka shashtham bhav men hona tatha pancham ya saptam bhav men papi grah ka hona.
ashtamesh ka chaturth ya pancham bhav men sthit hokar pap prabhav men hona.
chandra aur mangal ka ast hokar pap yukt hona.
surya, chandra v mangal ka shatrukshetri evan pap prabhav men hona.
shani v guru ka ast, nich ya shatrukshetri hona tatha surya v chandra par pap prabhav hona.
aie, ab kuch janmakundliyon ki sahayta se hriday vikaron evan santapane ki sthiti ke sanbandh men vichar karen.
janmakundli 1 ek aise adhikari ki hai jise apratyashit rup se hriday ki shalya kriya se gujrna para. yahan chaturth sthan men hriday ka pratinidhitva karne vale grah surya ki yuti ketu ke sath hai aur kark sthit guru ki nich drishti hai. rahu is ashubh prabhav ko aur barha raha hai. chaturthesh shani ashtam bhav men mangal ke sath hai aur ketu pancham drishti se unhen dekh raha hai. chandra ke donon or papi grah rahu, mangal aur shani hain tatha kark rashi bhi rahu, ketu surya jaise krur grahon ke prabhav men hai. guru 290 ka v vakri hone se tatha tritiyesh shashthesh hone se bahut maddgar nahin raha.is prakar chaturth bhav, chaturthesh shani, surya, chandra aur kark rashi par pap prabhav ne jatak ko hriday rog se pirit kiya aur rahu, ketu tatha mangal ke ashubh prabhav ke karan achanak shalya kriya karani pari.
kundli 2 ek sanbhrant aur sanpann parivar ki mahila ki hai jise prem sanbandhon men ghor nirasha mili. yahan chaturth bhav men prem karak lagnesh shukra sthit hai kintu vah ashtamesh hokar algavvadi grah shani ke sath hai. man ka karak chandra purn kala ka hokar ashtam bhav men mangal ke sath hai. chandra ke purn v bali hone tatha tula lagn ke lie shani ke kendresh trikon osh hone se shukra v chandra ke shubhatva ne jatka ke sumdhur prem sanbandh ek vyakti se banae kintu ashubh prabhavon ne in sanbandhon ko sthirta pradan nahin ki. prem aur chahat ke bhav (panchm) par rahu-ketu ka prabhav hai tatha panchmesh shani pancham se barhven vyay bhav arthat chaturth bhav men chala gaya hai. surya par mangal ki saptam drishti hai tatha vah dvadshesh budh ke sath dvi tiya bhav men hai. surya ki rashi sinh par rahu-ketu ka prabhav hai aur mangal ki chaturth tatha shashthesh guru ki navam drishti hai. is prakar surya, chandra, shukra, chaturth v pancham bhavon tatha kark aur sinh rashiyon par pap prabhav ke karan jatka ke prem sanbandh vichched ho jane par use gahan aghat pahuncha jiske parinamasvarup vah hriday rog se grast hui aur anttogatva use asamay hi is duniya se vida hona para. is kundli ka dusra pahlu yah bhi raha ki lagnesh shukra ke chaturth (sukh) sthan men svarashisth evan panchmesh shani ke sath hone, labhesh (ekadshesh) surya ke dhan (dvitiya) bhav men budh (bhagyesh) ke sath hone tatha mangal (dhanesh) v chandra (karmesh) se drisht hone ke karan jatka ko bhautik sukh suvidha, dhan, vahan adi ki kami nahin rahi.
kundli 3 men chandra ashtam bhav men ashtamesh shani aur ketu ke sath hai tatha shashthesh mangal ki us par drishti hai. chandra ki rashi kark par mangal, shani, rahu aur ketu ka prabhav hai. surya chaturthesh v lagnesh budh tatha dva adshesh v panchmesh shukra ke sath dva adash (vyay) bhav men hai aur un par ketu ki pancham drishti hai. chaturth bhav par guru ki saptam v ketu ki navam drishti hai. pancham bhav par shashthesh v ekadshesh mangal tatha ashtamesh shani ki drishti hai. lagnesh aur chaturthesh budh dvadash bhav men ast hai. pancham bhav evan panchmesh par prabal pap prabhav ne jatka ko uski ek matra santan se vanchit kiya. is santan se uska bahut gahra lagav tha. jatka is viyog ko sahan nahin kar saki aur man karak chandra par ashubh prabhav ke karan use gahre mansik aghat evan santap se gujrna para jisse vah kuch din tak koma jaisi sthiti men bhi rahi. shubh grah svarashisth guru ki chaturth bhav par drishti ne use jivan dan diya kintu ketu ki drishti v chaturthesh budh par ashubh prabhav ne use hriday vikar bhi diya yadyapi vah ghatak nahin raha.
kundli 4 ek aise yuvak ki hai jiska vijatiya larki se prem sanbandh sthapit to hua kintu parivar¬jnon dvara use svikar nahin karne ke falasvarup usne salfas khakar apni jivnlila samapt ki. yahan saptamesh mangal pancham sthan men shukra, chandra, budh v ketu ke sath hai jin par shani ki saptam drishti hai. shukra (prem kark) evan saptamesh mangal par vijatiya grahon ke prabhav ne prem sanbandh to sthapit karaya, kintu shukra ke ashtamesh budh ke dvadshesh hokar pancham men chandra ke sath hone v un par vichchedak grahon ka prabhav hone se prem ki parinti vivah ke rup men nahin ho pai. man ke karak chandra par mangal, shani, rahu v ketu ke ashubh prabhav ne use atmahatya jaisa kadam uthane ke lie prerit kiya. mangal ne use salfas vish khane ko vivash kiya.
jivan men jarurat hai jyotishiya margadarshan ki? abhi bat karen fyuchar point jyotishiyon se!