prashnah jatak ki janmakundli se kairiyar ka chayan kis prakar karenge? injiniyaring, daektari, vakalat, adhyapan, abhinay kala adi kshetron men saflta prapti ke lie pramukh yogon ka varnan karen. sadharntah dasham bhav (ya to lagn se ya chandra se jo bhi balvan ho) aur uske svami, dasham bhav men sthit grahane se, janmapatri ke pradhan grah, aur navansh men dashmesh ki sthiti se kairiyar ke bare men gyan prapt kiya ja sakta hai. mesh, sinh aur dhanu agney rashiyan hain. vrishabh, kanya aur makar parthiv hain. mithun, tula, kunbh vayavya aur kark, vrishchik, min jaliya hain. dasham bhav men agney rashi hone par karkhane, agni, sena, loha, dhatushodhan mudran sanbandhi koi karya apnaya jata hai. dasham bhav men jaliya rashi navik, jalyatri, samudri, sena nayak, saray chalane vale machli vikreta utpann karti hai. parthiv rashi bhumi sanbandhi jaydad, krishi, vastra ki dukan, vyapar, bagvani ityadi pradan karti hai.
vayavya rashi vakta, patrakar, jyotishi, teknikal gyan ka vyavsay karne valon ka nirdeshan karti hai. rashi nirdeshan unmen sthit grahon ya drishtipat karta grahon dvara aur bhi parivardhit-sanshodhit ho jata hai. agar ham kairiyar ke prashn ko vastavikta se dekhen to hamen pata chalta hai ki yah keval karm se nahin jura apitu labh, dhan aur sukh se bhi jura hai. islie ham vyavsay ko dvitiya, chaturth evan ekadash bhav se bhi jan sakte hain. in bhavon ko yadi ham sarvashtak varg ke anusar dekhen to spasht rup se dikhta hai ki jatak ko karm dvara kitna labh milta hai aur kitna vyarth karta hai. jyotish shastranusar yadi dasham bhav men koi grah ho to jatak ko apne karmon dvara unnati sunishchit hoti hai. yadi dashamasth grah uchch ka ho to jatak ko ekaek unnati milegi.
yadi dashamasth grah nich ka ho to unnati to milti hai lekin sandigdh rahti hai. kairiyar ki jankari ke lie navansh kundli parhna ati avashyak hai. yadi dashmbhav men koi grah n ho to dashmesh aur navanshesh ko janakar fir kairiyar par vichar karen? surya: jaise surya ka dasham bhav se ya dashmesh ke navanshesh se sanbandh ho to jatak sugandhit vastuon, abhushnon ka karya, davaiyan, prabandhan, rajya ka shasan karega, lekin pita ke sahyog v samarthan se safal hoga. chandrama: yadi in bhavon aur rashiyon ka sanbandh chandrama se ho to jatak ko kheti-bari se sanbandhit chijon ka kray-vikray karna chahie. aise jatak ko dhaga, kapron aur pey padarthon ka karya karna chahie. nars, dai, jauhri, mulyavan pattharon-motiyon ke vyapari, sath hi rajkiya karm par prabhav rakhta hai.
mangl: sainik, yoddha, barhai, yantrik, paryavekshak, vakil, bainkar, senanayak, bima ejent aur kasai ka pesha karata hai. in bhavon ka sanbandh mangal se bane to jatak astra-shastra, kalpurje ka kam ya aisa karya karna chahie jismen agni aur parakram ki avashyakta hoti hai. aise jatak kanishth abhiyanta, militri pulis ya fauj ka kam karta hai. yadi ismen mangal pirit ho to jatak paraye dhan ka labh uthata hai ya jabaran kisi par raub jama kar karya karne vala hota hai. budh: updeshkon, adhyapkon, ganitatagyaon, lekhkon, mudrakon, sachivon, pustak vikretaon, lekhpalon aur bima ejento par shasan karta hai. budh grah jatak ki buddhi se karne vala vyavsay karata hai arthat aisa kam jismen buddhi ka upyog hota hai. jaise: jyotish, adhyapak ya ganitagya. brihaspati: purohit-padri, kanunagyata, sabhasd-sansad, vidhayak, nyayadhish, vidvan jan neta banata hai.
brihaspati yadi dashmesh ya navanshesh athva dashamasth ho to jatak in vyavsayon se dhan prapt karta hai. itihas aur puranadi ka pathn-pathan, dharmopdesh, kisi dharmik sanstha ka nirikshan athva sanpadan, hai kort karya athva jajment taiyar karna. shukra: kalakaron, sangitagyaon, abhinetaon, sugandh nirmataon, jauhri, sharab bechne vale aur sukshm buddhi ke vakilon ka janmadata hai. yadi shukra ka sanbandh ho to jatak jauhri ka kam, gau mahishadi ka rojgar, dudh, makkhan adi ka kray-vikray, hotal ya restaran ka prabandhak. shani: vibhinn uÿardayitva purn peshon, mil ke adhikariyon, kanpojitron, faiktri-kuliyon aur mantriyon par shasan karta hai. kashthadi ka kray-vikray, majduri aur majduron ki sardari adi ka karya. arthat shani sharirik parishram se sanbandhit karya karata hai. vakalat, do manushyon ke bich jhagra karvakar apna kam niklvana uÿaradayitva vala kam. uparyukt tathyon ke anusar pata chalta hai ki jatak kis prakar ka vyavsay karega.
kintu ek grah kai prakar ke vyavsayon ko nirdisht karta hai. islie grahon ki sthiti par, uske uchch nichadi gundosh par tatha un grahon par shubhashubh drishti ka achchi tarah vichar karna chahie. yadi nirdisht kundli men dhan yog uÿam hai to jatak dipti, bairistar ya vakil jaise vyavsay karega. shiksha ka nirnaya: vidya ka nirnay sadharntah chaithe ghar, uske svami aur vidya karak brihaspati se hota hai. panchva ghar buddhimÿaa ka pratik hai. chaithe men ashubh grah shiksha men rukavat utpann karte hain. shubh sthiti men brihaspati tatha budh manushyon tatha padarthon ka achcha gyan pradan karte hain. brihaspati chaithe ya dasham men uchch kanuni shiksha ka dyotak hai. yadi dusre ghar ka svami susthit ho, to vyakti vakta ya pradhyapak banta hai. kendra men budh ya dusre men shukra hone par jyotish shastra ka gyan hota hai. dusre men mangal tatha kendra men budh manushya ko ganitagya ya pravidhik yogyata pradan karta hai. surya ya mangal dusre ke svami ke nate shukra ya brihaspati ke sath tark shakti aur man sanbandhi shastron ka gyan pradan karte hain.
brihaspati tatha shukra jab kendron men hon, budh dvara drisht hon to darshanik abhiruchi ka nirdeshan karte hain. kendron men shukra aur brihaspati hone se urvar pratibha ka gyan hota hai. chaturth ke svami aur brihaspati tisre, chathe tatha 11ven ke svami grahon ke prabhav se mukt hone chahie. fir shiksha-kram nahin tutta. saflta prapti ke pramukh yog: yadi dusre ka svami 9ven men ho to paitrik sanpÿia prapt hoti hai. shubh grahon se vasiyat ka, labhaprad grahon se, visheshakar 7ven shukra se vivah dvara dhanlabh ka gyan prapt hota hai. apni janmapatri se samanta rakhne vale logon ke sath sanbandh hone se log pad tatha samriddhi sanpannata men aur age barh jate hain. kamars ki shiksha aur vyavsay: is vishay ki jankari keval budh ke chaturth aur pancham bhav se sanbandhit bhav se nahin hoti balki anya grahon ka sahyog bhi avashyak hai. kamars parhne valon ki kundli men mangal grah ka bhi sahyog hai.
mangal ka chaturth, pancham bhav se sanbandh hai. mangal ankron ka akalan vishay ka sukshm adhyayan sikhata hai. brihaspati dhan ka karak hai, yah sanpurn vishay dhan ki ganna se sanbandhit hai, islie brihaspati ka bhi sahyog chaturth, pancham bhav se ho sakta hai. isi prakar shani grah kanun ya vakalat sikhata hai. is vishay men kanun ka adhyayan bhi kiya jata hai. ek vishay saikrateriyal prektis tatha vyapar kanun ka hai, jismen shukra ka mahatva ho sakta hai. is prakar budh, brihaspati, mangal, shani, shukra ka mahatva is vishay ke adhyayan ke lie hai. inmen se jo grah balvan hoga us vishay men adhik ruchi tatha unnati hogi. chartard ekauntent arthat si.e. kanpni sekretri arthat si. es. karke is vishay men age barh sakte hain ye kamars ki khas vyavastha hain.
û kamars ke lie, budh, brihaspati, mangal, shani, shukra inmen se kinhin do grahon ka chaturth, pancham bhav-bhavesh se sanbandh hona avashyak hai.
û chartard ekauntent (si.e.) ke lie brihaspati, mangal, budh in tin grahon ka sanbandh chaturtha-pancham bhav-bhavesh se hona avashyak hai.
û kanpni sekreteriyal (si.es.) ke lie brihaspati, mangal, budh-shani grah ka sanbandh pancham bhav se hona avashyak hai. uprokt yog men mangal ki jagah ketu ho sakta hai.
kisi bhi jatak ki janmakundli men lagn, lagnesh, pancham bhav, panchmesh, navam bhav navmesh ka achche bhavon v shubh grahon se yut hona jatak ko adarsh sthiti pradan karte hain. parantu jahan tak kairiyar ka sanbandh hai uske lie jatak ka dasham bhav v dashmesh ka adhyayan ati avashyak hota hai. dasham bhav karm bhav bhi kahlata hai jisse jatak ke karya, vyavsay, naukri ajivika ka pata chalta hai. dasham bhav men sthit grah, dashmesh v uska svami, navansh, tinon lagnon se dasham bhav men sthit grah, kundli ke yog karak grah adi ka adhyayan kar jatak ki ajivika ka pata chal sakta hai. dasham bhav ke atirikt ekadash, dvitiya v saptam bhav par bhi drishtipat karna jaruri hota hai. karan yah sabhi bhav dhan, vyavsay v sanjhedari se jure hote hain jinke bina ajivika ya vyavsay nahin kiya ja sakta. dasham bhav ka mukhyatah kaise vichar kiya jae is hetu hamare acharyon ne bahut kuch spasht kiya hai.
û lagn ya chandra se dasham jo grah ho unke anusar ajivika se labh hota hai. yadi koi grah na ho to surya se dasve jo grah ho usse bhi ajivika janni chahie.
û yadi surya, chandra v lagn se dasham koi grah na ho to dashmesh jis navansh men ho us grahanusar ajivika hoti hai.
û navansh chakra men dashamasth grah/dshmesh grah ke adhar par bhi ajivika ho sakti hai.
û iske atirikt shani grah par dhyan dena chahie kyonki nari granthon men shani ko karm ka karak kaha gaya hai.
û 6, 7, v 9 bhav ko avlokit karna chahie. ye bhi ajivika nirdharan men mahatva rakhte hain.
û janm nakshatra v usse dasham nakshatra v nakshatra svami se bhi ajivika dekhi ja sakti hai.
û yadi dasham men rahu-ketu ho to dashmesh v rahu ketu ke anusar ajivika ho sakti hai. uprokt paristhitiyon ke alava anya aur bhi kai yog ho sakte hain jo ajivika nirdharan men hamari sahayta karte hain aise hi kuch yog nimnalikhit hain- daektar chikitsak banne ke yog: kundli men yadi -
û dasham bhav /dashmesh par ashtamesh ki drishti/ yuti prabhav aur surya shani ka drishti v yuti sanbandh ho.
û ekadash bhav/ ekadshesh par surya, shani v ashtamesh ka prabhav ho.
û lagn men ashtamesh,surya v shani ki yuti ho.
û shashthesh ka dasham, ekadash bhav ya inke bhavesh ko prabhavit karna bhi daektari yog banata hai.
û dasham bhav men mangal shani ki yuti sarjan banati hai.
û shashthesh ka sanbandh lagn v dasham bhav se hona bhi daektari yog banata hai.
û mangal, shukra v shani ki rashiyon men chandra-shani, mangl-shani, budh-shani in do grahon ki yuti ya surya chandra ke sath alg-alag tin grahon ki yuti jatak ko chikitsak banati hai. injiniyar banne ke yog: kundli men mangal v shani ka balvan v shubh hona injiniyar banne hetu ati avashyak hai. kyonki shani lohe v takniki ka karak hai tatha mangal urja, vidyut adi ka karak hai.
û mangal v shani ki rashiyon ka lagn hona tatha in donon grahon ka shubh sthiti men hona.
û yadi mangal v shani pancham bhav men hokar karmabhava/karmesh se sanbandh sthapit karen.
û dasham bhav/ dashmesh par mangal se drishti sanbandh tatha saptam saptamesh se sanbandh hona.
û jyotish men shani, mangal, rahu v ketu ko takniki v khojigrah mana gaya hai. yadi inmen se kisi ka sanbandh dasham bhav/dshmesh se ho jae to jatak injiniyar ban sakta hai.
û balvan shukra budh se yuti kar dasham bhav/dshmesh ko prabhavit karen.
û kundli men rahu ka pancham bhav/ panchmesh se drishti yuti sanbandh bhi jatak ko injiniyaring hetu prerit karta hai. vakalat ke yog: kanun ki shiksha hetu guru, shani, shukra v budh grah atyadhik prabhavi hona avashyak hota hai. jahan guru v shukra kanun shastra se sanbandhit hai. budh v shani vani v bahas karne hetu jaruri hain. inke bina vakalat nahin ki ja sakti.
û yadi dasham bhav men shani uchch ka ho, dasham bhav par drishti dale to vakalat ka yog banta hai.
û guru uchcha/svakshetri hokar dasham bhav/dshmesh se drishti yuti sanbandh banae.
û navmesh dashmesh ka paraspar sanbandh ho.
û kundli men budh, guru, shani ka uchch v bali hona.
û dashmesh ka navama/shashth bhav se sanbandh hona.
û tula rashi ka sanbandh dasham bhava/lagn se hona (tula rashi ko nyay ka pratik mana jata hai.)
û guru ka bali hona tatha dhanu/min rashi ka shubh grahon se drisht hona.
û dasham bhav par mangal, guru v ketu ka prabhav hona bhi vakalat ki aur prerit karta hai.
û tula, dhanu v min rashiyon ka lagn ya dasham bhav se sanbandh bhi jatak ko vakalat ki or prerit karta hai. adhyapak banne ke yog:
û kundli men guru v budh ka shubh, uchch v bali hona.
û lagnesh ki panchmesh se yuti hona.
û dasham bhav men uchch ka guru hona.
û tisre/dsven bhav men guru ka hona.
û budhaditya yog hona û saptamesh kendra men baithakar dashmesh se drisht ho tatha in donon men se kisi bhav men guru ho.
û guru surya ka uchch hona, yutigat hona tatha ek dusre se saptam hona. abhinay kala ke yog:
û pancham men shukra ho panchmesh shukra se sanbandhit ho.
û pancham shukra, gyarhven rahu tatha lagnesh pancham men ho.
û pancham shukra, bhagyesh bhagya sthan men lagnesh dhanesh ka yog ho.
û lagnesh lagn men shukra mangal vyay bhav men ho.
û mangal, shukra, budh ka kisi prakar ka sanyog ho.
û rahu chandra sang, shukra lagnesh sang ho.
û vyay bhav men shukra chandra budh se yut v drisht ho.
û chathe bhav men surya, shukra, rahu ho tatha pancham bhav ka kisi bhi prakar se in grahon ka sanbandh ho. janmakundli men naukri ka yog: jatak ki kundli men nimnanusar yog hone ki sthiti men vah naukri karega-
û yadi shashtham bhav, saptam bhav se jyada bali ho.
û lagn, saptam bhav, chandra lagn evan dhan ke karak guru ka shubh grah budh evan shukra se sanbandh.
û lagn, lagnesh, navam bhav, navmesh, dasham bhav evan dashmesh, ekadash bhav ya ekadshesh kisi bhi jal tatva grah se prabhavit n ho.
û kendra ya trikon men koi bhi shubh grah n ho.
û yadi jatak ki ayu 20 se 40 varsh ke dauran nirbal yogkarak grah tritiyesh, shashthesh ya ekadshesh ki dasha se prabhavit ho. janmakundli men vyavsay ka yog: jatak ki kundli men nimnanusar yog hone ki sthiti men vah vyavsayi hoga-
û yadi saptam bhav shashth bhav se jyada bali ho.
û navam aur dasham tatha dvitiya aur ekadash bhavon ke bich apsi sanbandh ho.
û yadi jatak ka janm din men ho to chandra lagn ya dasham bhav par yogkari grah ya uchch ya svarashisth shani ki drishti ho ya usse sanbandh ho.
û janmakundli men adhikansh grah agni ya vayu tatva rashiyon men vidyaman hon to jatak ke vyavsayi hone ki sanbhavna atyadhik bali ho jati hai. janm kundli men vyavsay ke star ka yog: vartaman samay men vyavsay ya vyapar ka vaishvikaran ho jane ke karan desh ke sthan par disha par jyada mahatva diya jana chahie. navanshesh yadi bali ho to rojgar ka star kafi achcha hota hai aur jatak ko rojgar men man samman prapt hota hai aur yadi navanshesh nirbal ho to rojgar se mamuli ay hoti hai. atah rashi bali hone se amdni ka star evan rojgar ka star sahi dhang se jana ja sakta hai. jaimini jyotish paddhati: jaimini paddhati ke anusar vyavsay chayan hetu karkansh mahatvapurn bhumika nibhata hai. (karkansh atm karak ka navmansh hai) yadi karkansh ya usse dasvan kisi grah se yukt n ho to karkansh se dashmesh ki navmansh men sthiti se vyavsay gyat kiya jata hai.
û karkansh men surya rajkiya seva deta hai aur rajnaitik netritva deta hai.
û purn chandra v shukra karkansh men lekhak v updeshak banata hai.
û karkansh men budh vyapari tatha kalakar ka yog pradan karta hai.
û brihaspati karkansh men jatak ko dharmik vishyon ka gurh vidvan v darshanik banata hai.
û karkansh men shukra jatak ko sarkari adhikari shasak v lekhak banata hai.
û karkansh men shani jatak ko vikhyat vyapari banata hai.
û karkansh yadi rahu ho to mashin nirman karya, thagi ka karya karne vala jatak ko bana deta hai.
û karkansh ka ketu se sanbandh ho to jatak nich karm tatha dhokhadhri se ajivika kamata hai.
û karkansh yadi gulik ki rashi ho aur chandra se drisht ho to vyakti apne tyagpurn vyavhar se aur dharmik karyean se jivika arjit karega.
û karkansh men yadi ketu ho aur shukra se drisht ho to dharmik karyon se ajivika arjit karega.
û karkansh yadi surya v shukra dvara drisht ho to jatak raja ka karmachari banta hai.
û karkansh se tisre aur chathe men krur grah hon to jatak kheti v bagvani ka karya karta hai.
û karkansh men chandra ho aur shukra se drisht ho to vah rasayan vigyan dvara ajivika arjit karta hai.
û karkansh men chandra yadi budh dvara drisht ho to jatak daektar hota hai.
û karkansh men shani ho ya usse chaithe men ho to jatak astra-shastra vidya men nipun hota hai.
û karkansh se chaithe men surya ya mangal shastron se jivika pradan karta hai.
û karkansh se panchven ya lagn men chandra v guru jatak ko lekhni dvara jivika arjan pradan karte hain.
û karkansh men panchven v satven men guru ho to vyakti sarkari uchch adhikari hota hai.
û karkansh mane yadi shani ho to jatak paitrik vyavsay karta hai.
û karkansh lagn ya usse pancham sthan men akela ketu ho to manushya jyeatishi ganitagya, kanpyutar visheshagya hota hai.
û karkansh lagn se pancham men rahu ho to jatak ek achcha maikenik hota hai.
û yadi navansh men rahu atmakarak ke sath ho to jatak chori, dakaiti se ajivika chalata hai.
û karkansh lagn se shani chaturth ya pancham ho to jatak nishanebaj hota hai aur yahi ajivika ka sadhan bhi ho sakta hai.
û karkansh se pancham men shukra ho to jatak ko kavita karne ka shauk hota hai.
û karkansh se pancham men yadi guru ho to jatak vedon aur upnishedon ka jankar aur vidvan hota hai tatha yahi jatak ki ajivika ka sadhan bhi hota hai.
û karkansh se pancham men yadi surya ho to jatak darshanik tatha sangitagya hota hai.
bhartiya jyotish men nakshatron ki bhumika evan nakshatron ke madhyam se kairiyar ka nirdharan nakshatra nakshatra karak nam svami ashvini ketu vaidya, sevak, vaishya, ashvarohi, sena men daktar, yatraon ke ayojak, laghu udyog, takniki visheshagya, bhavan nirmata karigar, salahkar, kamishan par karya karne vale bharni shukra prasuti visheshagya, nasing honm sanchalak, pulis, kastam, rakt parikshak, fotografi, agni shaman kendra, asta-shastra vikreta, kort kachhri evan baganon me karya karne vale kritika surya dvij, purohit, jyotishi, nai, agni se sanbandhit karya, sunar, lohar, hotal evan dhaba vyavsayi, shalya chikitsak, kaesmetiks, sarjari, uchch pulis adhikari rohini chandra saundarya visheshagya, byuti parlar, jaliya vastuon se sanbandhit karya, film udyog, nritya sangit, ratn vikreta, paryatan vyavsay, bhajan gayak, guptarog visheshagya ityadi mrigshira mangal sangitkar, vigyapan ke karya, bhautik vigyani, sharab vikreta, sthaniya pulis arda rahu kutnitigya, kanpyutar ke madhyam se ekaunt ka karya karne vale, manorog visheshagya, anaitik karya, guptachar vibhag, jus vikreta, dhobi ka karya .
punarvasu guru vakil, jaj, vyapari, dharmik evan adhyatmik pustakon ke kray-vikray ka karya, uchch shiksha ka adhyayn-adhyapan ka karya, pravachan karne vale patrakarita, mandir evan dharmik sansthan men karya karne vale pushya shani prashasnik evan rajnitik kshetra se ajivika, dudh evan deyri vyavsay, bhugarbhiya taral padarth, dijal petrol ke vikreta, rojgar paramarsh, dharmik shikshak, gotakhor ya machuare. ashlesha budh vaidya, tantra, mantra jyotish ka karya, lekhan, manovaigyanik, sheyar market, farmasist,foto vyavsayi, hasya vyangkar kartunist ya prakashak ka karya .
magha ketu shalya chikitsak, yuddh samagri ka vikray, praparti ka karya, uchch prashasnik adhikari, jadugar, agnishaman vibhag ka karya, koyla vikreta, prasuti visheshagya, varishth pulis adhikshak adi. purva falguni shukra gayak, shilpi, nat, ratn evan abhushan vikreta,saj sajja dekoreshan ka karya, murabba ke vyapari, prakritik chikitsak, maedling, fotografi, ayakar adhikari, evan manoranjan ke kshetra men kairiyar. uttara falguni surya puja path, yagya karya, lekhan, prakashan, jyotish sanbandhi lekhan ka karya, vastushastri, bhavan nirmata, hasya vyangya kalakar, antrashtriya sansthaon men kairiyar, nyayadhish, vaivahik sansthaon ka sanchalan ityadi. hast chandra daivagya, jyotishi, vanik, mantri, shilpi, laghu udyog, sheyar bajar, kanpyutar, dursanchar ke kshetra men kairiyar, lipik, antrik sajavat ka karya chitra mangal ganitagya, ilaiktraenik vastuon ke nirmata evan sudharak, shalya chikitsak, saftaveyar injiniyar svati rahu nipun vyapari, vat rog visheshagya, havai yatra ejent, pashu pakshiyon ka vyavsay, sarkas ke kalakar, krishi karya, antriksh se sanbandhit karya.
vishakha guru fal fulon ka kray vikray, lekhak, vastra abhushan ka vyavsay, madhyasthata karna, dharm shikshak, anuradha shani pap karyo se ajivika, dakaiti, anaitik karya, vastushastri, maikenikal injiniyar, khanan karya, videshi vyapar evan luhari ka karya. jyeshtha budh judo karate ke prashikshak, tarkashakti ke karya, khel vibhag ke karya, sainik, pulis vibhag, evan duradarshan men enkar ityadi. mul ketu sanstha pradhan ka karya, jyotish sanbandhi karya, karmakand, vaidik vidyaon ke pracharak, guptachar vibhag, sena men dharmashikshak, vanaspati shastra men uchch upadhi prapt kar iske vikas men yogdan, anusandhan, jari butiyon ka vyapar, krishi vibhag ke adhikari. purvasharha shukra setu nirmata, chitrakar, vyangyakar, navik, jaliya padartho ka kray vikray, saundarya visheshagya, manoranjan se sanbandhit prashikshan, nau sena ke karya. abhinetriyon ke vastra abhushan ke nirmata evan dijainar.
uttarasharha surya mantri, ashvarohi, karmakand, jyotish, uchchashaikshanik adhikari, pujari, vanaspatik padartho ka kray vikray, khelkud se sanbandhit karya, vahnon ka kray vikray. shravan chandra parishrami, salahkar, dava vyavsayi, pradhanadhyapak, vedshastron ka adhyayan adhyapan, manorog visheshagya, antriksh anusandhan ke karya. dhanishtha mangal maikenikal injiniyar, bhautik vigyan vibhag, kampayutar hardaveyar ka karya, vadyayantra ke nirmata, seksolaejist, heyar dijainar, vahan evan davaiyon ka kray vikray, sena men sainik, bijli vibhag se sanbandhit vyavsay. shatbhisha rahu khagol shastri, antriksh anusandhan, chikitsak, yurolajistak taknik ka upyeag karne vale, madak padartho ke vyavsayi, shakun shastri evan payalat.
purvabhadrapad guru alaukik vidyaen, jyotish, marshal art, nich karya, loha udyog, vastra udyog, adhyapan, hipnotijm, mausam vigyani, charm udyog. uttarabhadrapad shani dharm guru, adhyatmik kendra ke sanchalak, tantra-mantra-yantra ke vyavsayi, vastushastri, marshal art, draivri, takniki shikshak, evan yog guru. revti budh hasya vyangya, purohit, adhyatmik yagyadi karya, lekhak, prakashak, patrakar, vakil, nyayadhish, salahkar, manoranjan, adhyapan karya, ratn vikray, naukachalan, machuare evan ekaunt ka karya. bhartiya jyotish men mukhya 09 grahon ko tin-tin nakshatra ka svamitva prapt hai. jatak jis nakshatra men janm leta hai vah nakshatra jis grah ke adhipatya men hota hai jatak usi grah ke karatva ke anusar uski ajivika ka bhi vichar kiya jana chahie.
nakshatron ka svamitva evan grahon ka karakatva:- grah nakshatra grahon ka karakatva surya kritika, uttara falguni, netra chikitsa, sharir vigyan, prashasan,rajniti, jiv vigyan uttarasharha chandra rohini, hast, shravan narsing, navik vidya, vanaspati vigyan, jantu vigyan, hotal prabandhan, kavya, patrakarita, paryatan evan deyri vyavsay. mangal mrigshira, chitra, dhanishtha bhu-vigyani, itihas, pulis sanbandhi karya, abhiyantriki, sarjari, takniki shiksha, khel kud sanbandhi, dant chikitsa, faujdari kanun. rahu adrra, svati, shatbhisha tark shastra, jadu ya sarkas ke khel, jahar ki chikitsa, ilaiktraeniks. guru punarvasu, vishakha, purvabhadrapad bijgnit, arogya shastra, arthashastra, darshanashastra, manovigyan, dharmik ya adhyatmik shiksha . shani pushya, anuradha, uttarabhadrapad bhu-garbh sarvekshan, abhiyantrikiya, audyogik yatriki, bhavan nirman, printing ka vyavsay.
budh ashlesha, jyeshtha, revti ganit, jyotish, vyakaran, shasan ki vibhagiya parikshaen, vigyan, manas shastra, bhasha vigyan, taiping, pustakalay vigyan, lekha vanijya, ityadi. ketu magha, mul, ashvini gupt vidyaen, tantra-mantra sanbandhi gyan shukra purvafalguni, purvasharha, bharni sangit, nritya, abhinay, chitrakla, film ti. vi. veshbhusha, faishan dijaining, kavya rachna sahitya evan anya vividh lalit kalaen.