ank v akasmik durghatanayen do. sanjay buddhiraja jivan men dukh n hon, ashubh n ghate v durghatanayen n hone payen - aisi abhilasha sabhi jan manas jyotish se rakhte hain. ank shastra is vishay men sahayta kar sakta hai. jyotish ek kamdhenu gay ki bhanti hai, jis se log apne jivan ko samriddh karne ki v apne dukhon ko kam karne ki kamna karte hain.
aise log kabhi janmakundli dikha kar, kabhi hath ki rekhayen dikha kar v kabhi ank shastra ka sahara lekar apni jigyasa ko shant karne ka prayas karte hain. jivan men dukh n hon, ashubh n ghate v durghatanayen n hone payen - aisi ummid sabhi jan manas jyotish se rakhte hain. ank shastra isi vishay men sahayta kar sakta hai. kaise, aiye dekhte hain - kisi bhi vyakti ke jivan ka sanbandh ankon v shabdon se utna hi hai jitna ki uske rakt, mans v majja se hota hai.
dhanatmak v rinatmak anko ke prabhav se vyakti ke man par bhi asar padta hai aur vah vyakti isi asar ke vashibhut hokar jivan men sukarm ya kukarm kar apne liye shubh ya ashubh fal prapt karta hai. jis tarah se vaigyanik 'kailori' ke madhyam se yah bata dete hain ki koi vishesh bhojan vyakti ke liye shakti vardhak hai ya nahin.
isi prakar se hamare rishi muniyon ne bhi apni khojon se yah bata diya tha ki kaun sa ank kisi vyakti ke liye kailori ki bhanti uske jivan ke liye shaktishali hai ya nahin. shubh ank se sanbandhit nam, karobar adi apna kar vyakti apne jivan ko sukhi v samriddh bana sakta hai tatha yadi vah ashubh ankon ka sath rakhta hai to durghatanaon ko amantrit kar sakta hai. bhagyank : pratyek vyakti ka ek shubh ank hota hai jo uske jivan ke liye sukhdayi hota hai, ise bhagyank kahte hain.
isi bhagyank ko agar vyakti apne jivan men pahchan kar usse judi vastuon ko apne jivan men sthan deta hai to fir us vyakti ko pragti ke path par chalne se koi nahin rok sakta. jis tarah se dana dal dene se kabutar ate hain, chini dal dene se chintiyan a jati hain, usi tarah se kisi vishesh vyakti ke bhagyank se sanbandhit vastuon ke prayog se bhagyashali fal apne ap hi use milne shuru ho jate hain.
kisi bhi vyakti ka bhagyank gyat karne ke liye nimn udaharan dekha ja sakta hai : vyakti ki janm tithi = 7/8/1966 sabhi anko ka jod = 7+8+1+9+6+6 = 37 punah jod = 3+7 = 10 punah jod = 1+0 = 1 atah vyakti ka bhagyank 1 kahlayega. nimn talika se dekha ja sakta hai ki 1 ank ke shatru ank 4, 7 v 8 hain. yadi vyakti 1 ank se sanbandhit vastuon ko apnayega to sukh v samriddhi prapt karega aur yadi 4,7 ya 8 ankon ki vastuon ko apnayega to dukh v durghatanaon ko prapt kar sakta hai. ank shastra ke anusar koi vyakti apne shatru ankon ke karan hi akasmik durdhatanaon ka shikar hota hai.
aisi akasmik durghatanayen panch prakar ki ho sakti hain jinka vivaran uprokt sarni men diya ja raha hai. atah apne-apne bhagyank ko pahchan kar nimnalikhit sanbhavit akasmik durghatanaon se bacha ja sakta hai - 1 bhu-durghatana ismen sadak durghatana, rel durghatana, sidhiyon se girna v bhu-skhalan adi ko liya jata hai.
is durghatana ka karak ank 5 hai. atah yadi kisi vyakti ke bhagyank ki shatruta 5 ank se hai to use bhu- durghatana ke prati savdhan rahna chahiye. 9 bhagyank vale aksar isi durghatana se prabhavit rahte hain. 2 jal durghatana ismen pani men dubna, barsat men adhik bhig jane par nyumoniya hona, dayriya hona adi ko liya jata hai.
is durghatana ke karak ank 2 v 6 hain. atah 3,4,5,7 bhagyank vale vyaktiyon ko jal durghatana ke prati savdhan rahna chahiye. 3 agni durghatana ismen agni se jalakar marna, prachand garmi se marna, lu lagna adi durghatanaon ko liya jata hai. is durghatana ke karak ank keval 1 v 9 hai. atah 4,6,7,8 bhagyank vale vyaktiyon ko agni se hone vali durghatanaon ke prati savdhan rahna chahiye.
4 vayu durghatana ismen vayu men honi vali durghatana, kisi unchai se girna, vat rog se pidit hona adi ko liya jata hai. is durghatana ke karak ank 3 v 8 hain. atah 1,2,6,9 bhagyank vale vyaktiyon ko vayu durghatana ke prati savdhan rahna chahiye. 5 anya durghatanayen ismen bijli se hone vali durghatanayen, shok v dukh se hone vale nidhan, pranaghat adi ko liya jata hai.
iske karak ank 4 v 7 hain. atah 1, 2, 3, 9 bhagyank vale vyaktiyon ko is prakar ki durghatanaon ke prati savdhan rahna chahiye. atah bhagyank se sanbandhit uprlikhit vastuon ko jivan men apna kar tatha shatru ank se sanbandhit vastuon ka danadi kar akasmik durghatanaon se bacha ja sakta hai.
jaise ki upar varnit udaharan ke vyakti ko bhagyank 1 se sanbandhit vastuon jaise ki sunhri rang ke vastra pahnne chahiye ya pita ki seva karni chahiye ya manik ratn dharan karna chahiye aur shatru ank 4, 7 v 8 ki vastuon jaise ki til, tel v kanbal adi ka dan karna chahiye aur hone vali akasmik durghatanaon se bachav karna chahiye.