ank shastra ke sutra v maitri do. tipu sultan ''faij'' ank shastra sankhya v shabdon se jure kal v sthiti ke santulan ka ek suniyojit mapdand hai jiske chakravyuh ki vastavikta se jivan se maran tatha akash se dharatal tak ki sari prakritik kriyaon v paramparaon ke tar sarvada jure najar ate hain. jiske udaharan samaj ki paranpraon men hi nahin balki prakriti ki sanrchnaon men bhi dekhe ja sakte hain.
jaise saur mandal ke mukhay 7 grah, indra dhanush ke 7 rang, samudra ke 7 prakar ke jal adi. h jaron varsh purva rishi agastay, rishi parashar v pauranik granthon ke vivrnon tatha prachin paranpraon ke itihas ko yadi dekha jae to, bhartiya up-mahadvip ko is vidya ke udbhav ka kendra kaha jana galat nahin hoga. parantu vishva ke prachin sahitya, purva v vartaman ki paranpraon ke itihas ki or drishti le jaen t yah vidha pure vishva tak faili hi nahin balki ismen apsi taur par paramparagat samantaen bhi pai gai hain.
buy detail numerology report
jaise bhartiya adhyatmik paranpraon men ank 7 ko shubh mana jana, udahrnartha- vivah ke samay agni ke 7 fere. isi tarah yahudiyon ki dharmik paranpraon men bhi ank 7 ki mahatta tatha 7 g 7 = 49 ki sankhya ko kafi prabhavshali mana jata hai. dusri taraf bhartiya paranpraon men ashubh mane jane vale ank 13 ko isai v yurop ki paranpraon men itna adhik ashubh mana jata hai
ki unke hotal jaise vyavsayik kendron ke kamron ki sankhya men ank 13 ka prayog nahin kiya jata. iske atirikt bhartiya adhyatmik paranpraon tatha yantra v ank shastron men dharm, parlaukik v dampatya sukh ke pratik guru grah ke ank 3 ki mahatta tatha isi ank ko islam dharm men bhi kafi mahatvapurn mana jata hai. jaise 3 ghunt men pani pina, kisi bhi kathan ki manjuri v namanjuri men ank 3 tak ki simaen, shubh ank 786 ka 7+8+6 = 21 = 2+1 = 3 ank ka mulank adi. ank shastra ko yadi vidhivat rup men dekha jae to yah vidha mulank, bhagyank v namank jaisi 3 paddhatiyon men prachlit hai.
mulank : ank shastra ki yah paddhati vartaman men pashchatya sabhyata ka ek anusandhan hai jo dhire-dhire kafi prachlit hota ja raha hai. is paddhati men vyakti ke janm ki tithi ko mukhay adhar man kar us ke bhagya, vyavhar v prakriti se sanbandhit tathyon ka pata lagaya jata hai.
vastutah vyakti ke janm ki tithi se hi mulank ka nirdharan kiya jata hai.
udahrnarth, yadi kisi vyakti ki janm tithi 15 ho to uska mulank 1+5=6 hoga.
bhagyank : kuch vidvan ise sanyuktank ke nam se bhi sanbodhit karte hain. jismen vyakti ke janm ki tithi ke sath-sath uske mah v varsh ke ankon ke yog ko bhi pradhanta di jati hai. jis ke adhar par vyakti ke svabhav, charitra, utthan, patan adi ke sandarbh men vistrit vivaran prapt kiya jata hai.
udahrnarth, yadi kisi vyakti ka janm 15/11/1965 ko hua ho to janm tithi 15 = 1+5 = 6 janm mah - 11 = 1+1 = 2, janm varsh - 1965 = 1+9+6+5 = 21 = 2+1 = 3 arthat is vyakti ka bhagyank - 6+2+3 = 11 = 1+1 = 2 hoga.
namank : is paddhati men vyakti ki janm tithi, mah v varsh ke sath-sath vyakti ke nam ke varnon ko bhi mahatvapurn mana gaya hai. jismen pratyek varnon ke apne-apne ank hote hain, jiske yog se us vyakti ke namank ka nirdharan kiya jata hai, jo kiro, saferiyal v paithagoras paddhatiyon men prachlit hai.
kiro : is paddhati men kiro ne pratyek varnon ke sath ankon ka nirdharan apne siddhanton ke adhar par kiya hai tatha in sanbandhit varnon ke yog se vyakti ke namank ka pata lagaya jata hai. udahrnarth yadi vyakti ka nam .d.t hai to uska namank 1+4+1 +2 = 8 hoga. apne ank talika kiro ne ank 9 ka prayog nahin kiya hai-
seferiyal : yah hibru arthat yahudi ki paranpragat namank paddhati hai, jismen har varsh ke sath-sath apne paramparagat ankon ka nirdharan kiya gaya hai. udahrnarth yadi kisi ka nam 'radha'hai to uska namank 2+1+4+8+1 = 16 = 1+6+7 = 7 hoga. seferiyal paddhati men bhi kiro ki tarah ank 9 ka chayan nahin kiya gaya.
paithagoras : pashchimi jagat men paithagoras ko ank shastra ka janmadata mana gaya hai. jinhonne vyakti ki akriti, vyavhar v vichar ko ankon se niyantrit mana hai. is paddhati men pratyek varn ke sath-sath ankon ka nirdharan kiya gaya hai jo kiro v seferiyal paddhati se thora bhinn hai. udahrnarth yadi kisi ka nam 'sunita'ho to uska namank 9+2+4+9+1+1 = 26 = 2+6 = 8 hoga.
iske namank talika men ank 9 ka bhi chayan kiya gaya hai. ank shastra ke adhar par anukul maitri ka chayan ank shastra ke sabhi ank grahon se niyantrit hua karte hain tatha jin ke gun, dishaen, ling v vyavhariktaen vyakti ke jivan ki sakriyataon ko sarvada prabhavit kiya karte hain. mulank ka sanbandh tan v man se, bhagyank ka bhagya se tatha namank ka vyaktitva v charitra se bataya jata hai.
vastutah do sanbandhon ke bich in prakritiyon ka samanvay v santulan yadi sahi dhang se barkrar ho jae to samay jivan ke anukul chalne lagta hai.