kaise karen ank jyotish ka prayog? vinay garg dra koi bhi ho chahe makan ke alatment ka ya latri ka har jagah ham ankon men apna bhavishyafal khojne lagte hain aur khoje bhi kyon nahin, kyonki ank vigyan bhi to jyotish ki hi ek shakha hai. ankon ka hamare jivan men bahut bara yogdan hai. aj ham koi vahan lene jate hain to sochte hain ki yadi gari ka rajistreshan nanbar apne anukul mil jata to jyada achcha hota. yahi nahin jab ham makan kharidne jate hain, ya mitra banate hain, nam rakhte hain ya parikshaon men rol nanbar dekhte hain to ganna karne lagte hain
ki yah rol nanbar hamare ank ke anukul hai ya nahin. iske alava dra koi bhi ho chahe vah makan ke alatment ka ho ya latri ka har jagah ham ankon men apna bhavishyafal khojne lagte hain aur khojen bhi kyon nahin, kyonki ank vigyan bhi to jyotish ki hi ek shakha hai. pratyek ank kisi n kisi grah se abhibhut hota hai.
yahi nahin ajakal ap dekhenge ki bare-bare filmi sitaren, bari safalatam hastiyan bhi ank vigyan ke prabhav se achuti nahin hain aur aisa vastav men dekha bhi gaya hai ki nam parivartan karke logon ne khayati bhi arjit ki hai. 'ank jyotish' shabd, ank aur jyotish ke yog se bana hai. arthat aisa vigyan jiske dvara ankon ka prayog jyotish ke sath sanbaddh karke prayog kiya ja sake use ank jyotish kahenge. jaisa ki vidit hai- ank 1 se 9 tak hote hain jabki jyotish men mul rup se tin tatva hain- grah, rashi aur nakshatra. grah 9 rashiyan 12 aur nakshatra 27 hote hain.
arthat nau ankon ka sanbandh 9 grahon 12 rashiyon aur 27 nakshatron ke sath karna hota hai. jyotish ka kshetra to kafi vistrit hai. parantu ank shastra ka kshetra jyotish ki tulna men simit hai. yadi kam prayas se adhik ganna karni ho ya shubh aur ashubh samay arthat shubh var, tithi, mas, varsh, ayu, lagn ya hora adi janna ho to ank shastra ka prayog bakhubi kiya ja sakta hai. ank jyotish hetu kuch mukhay sarniyon ka prayog avashyak hota hai jo is prakar hain : ank shastri saiferiyal ke anusar varn ki sankhya ka man is prakar hai.
kiro ke anusar varn ki sankhya ka man nimn prakar hai- ank jyotish men 3 prakar ke ankon ka prayog kiya jata hai ve hain-
1. mulank,
2. bhagyank
3. namank kisi jatak ke bare men janne ke liye sarvapratham jatak ki janm tithi aur nam malum hona chahie. janm tithi ke adhar par jatak ka mulank aur bhagyank gyat kar sakte hain.
janm tithi men se yadi sirf tithi ke ankon ko jor diya jaye to mulank gyat hoga jaise 11-07-1964 men mulank hetu '11' men 1+1 = 2 arthat mulank '2' hoga. ab bhagyank nikalne ke liye janmatithi ko mah v varsh ke sath jorna hoga.
arthat 1+1+7+1+9+6+4 = 29 = 2+9 = 11 = 1+1 = 2 arthat is jatak ka mulank evan bhagyank '2' hai. tatha 'ank' ka adhishthata grah chandra hai. atah ank vigyan ke anusar jatak ka svabhav, sharirik gathan, bhagya adi sabhi kuch chandra ke adhar par nishchit kiya jayega. yadi ham janna chahen ki jatak ke liye kaun si tithiyan shubh hongi to kaha ja sakta hai
ki 2, 11, 20 tithiyan pratyek mas ki shubh hongi, kyonki mulank '2' hai. yadi yah tithiyan somvar ke din par jayen to aur adhik shubh ho jayengi. kyonki somvar ke din ka ank '2' hai. isi kram se yadi yah tithiyan farvri ke mas ki hongi to aur adhik shubh ho jayengi. yahan farvri mas ka ank '2' hai. isi prakar yadi jatak ke shubh varsh janna ho to isko do prakar se dekha ja sakta hai.
ek to jatak ki ayu ke adhar par aur dusra varsh ke ankon ke adhar par jaise 2 ank ke liye uski ayu ke 2, 11, 20, 29, 38, 47, 56, 65, 74 varsh ki ayu shubh varsh honge yahan ayu ke sabhi ankon ka yog '2' hai aur dusre adhar par ham dekhenge ki varsh 1964 ka ank hoga 1+9+6+4 = 20 2+0 = '2' arthat ank '2' ka jatak ke jivan par kafi prabhav rahega. isi prakar shubh varsh honge- 1964, 1973, 1982, 1991, 2000, 2009, 2018, 2027, 20026, 2035 adi. kyonki varshon ke ankon ka yog bhi '2' hai.
ayu varsh use kahenge jo uski ayu ke ankon ka jor hoga. shubh varsh vahi hoga jo isvi varsh ke ankon ka jor hoga, yahi adhar adhik satik hai. arthat ham kah sakte hain ki varsh 2009 jiske varsh ankon ka ank '2' hai adhik shubh varsh raha hoga bajay iske ki jab jatak 38 varsh ka hoga. bhale hi 38 varsh ki ayu ke ankon ka yog bhi '2' hi hoga. yadi dekhen to ap payenge ki jatak 2002 men 38 varsh ka hua hoga. anubhav ke adhar par dekhenge to ap payenge ki 2002 ka varsh 2009 se kam shubh raha hoga, bhale hi donon varshon men jatak ke liye '2' ank ka prabhav hai ek ayu ke adhar par aur dusra varsh ank ke adhar par. mulank, bhagyank aur janm varsh sabhi ka ank '2' hamen batata hai
ki jatak ka jivan samanya taur par shubh hi raha hoga tatha jivan men chandra se prabhavit hone ke karan jatak bhavuk v bhramnshil pravritti ka hoga. mata ka sukh v svasthya achcha hoga. aise vyakti ke liye safed rang hamesha shubh rahega tatha ank '2' vala makan nanbar ka nivas shubh rahega. ank '2' ka panjikrit vahan shubh rahega. somvar ka din, farvri ka mahina, 2, 11, 20 tithiyan hamesha shubh rahengi. ank '2' vale jatak ke lie anukul v shubh devta chandra ke devta 'shiv' jinhonne apni jataon men chandra ko samahit kiya hua hai, shubh rahenge.
isi prakar anukul ratn moti tatha anukul dhatu chandi hogi. aise jatak ko chandra se sanbandhit vyavsay jaise drav padarth, samudra yatra, chini, ann, dudh, dahi, chaval, sanpadan v abhinay karya karna adhik shubh rahega. mantra jap ke liye chandra ka mantra ''kk shran shrin shraun sah chandramse namah'' ka jap adhik shubh hoga. isi prakar ank 2 ke mitra ankon ke jatkon ke sath mitrata shubh rahegi tatha ank 2 ke mitra ankon ke sath mitrata shubh rahegi evan ank '2' ke shatru ankon ke sath mitrata ashubh rahegi.
kyonki mitra ank ke vyaktiyon ka svabhav saman v anukul hoga jabki shatru ank vale vyaktiyon ka svabhav pratikul hoga. jiske karan mitrata men sthayitva nahin rah pata. mulank aur bhagyank to janm tithi ke adhar par nishchit ho jate hain jinko jatak parivartit nahin kar sakta hai. parantu namank bhi yadi inse mel khata ho to jatak aur adhik sammanit, safal sukhi evan samriddh rahega. iske liye hamen upar di gayi sarniyon ka prayog karke uske nam ko anukul banana hoga.
yahi karan hai ki aj sabhi log chahe vah samanya vyakti ho ya koi filmi hasti, sabhi log apne nam men parivartan karke saflta ko prapt kar rahe hain. filmi kshetra men, audyogik kshetra ya anya kshetron men karya karne vale anek logon ne ank shastra ke adhar par apne nam ki spailing men parivartan kiya hai aur saflta bhi prapt ki hai. yadi jatak tarikh, mas, varsh, var ke sath-sath anukul grah ki hora men mahatvapurn karya kare to saflta aur bhi adhik asani se prapt ki ja sakti hai.
jaisa ki ap jante hi honge ki suryoday se agle suryoday tak lagabhag 24 ghante ke samay antral men 24 horayen hoti hain aur pratyek hora ki avdhi ek ghanta hoti hai aur jis din jo var hota hai us din usi var ke grah ki pahli hora hoti hai jaise budhvar ko pahli hora 'budh' ki hogi.
jiski avdhi suryoday se 1 ghante tak rahegi tatpashchat ulte kram men ek grah chorakar dusre grah arthat dusri hora mangal ko chorakar chandra ki hogi. isi prakar anya horayen hongi aur har athvin hora punah a jayegi. yani budhvar ko athvin hora punah budh ki hi hogi. is prakar jatak apne mahatvapurn karyon ke liye ank par adharit rashi aur nakshatron ka bhi prayog kar sakte hain.