mrityu ke pashchat is jivan ka kya hota hai? yah prashn adikal se manushya ke mastishk ko kachotta raha hai. vedon ke anusar yah sharir is jiv ka keval ek chola matra hai evan mrityoprant jiv is chole ko chor dusre chole men chala jata hai, arthat punarjanm ho jata hai. jo jiv is manushya sharir men rahte hue, laukik sanpda se apne ko alag kar lete hain, unka punarjanm nahin hota hai aur ve moksh prapt karte hain. vedanusar jo (jiv) manushya ko sukh duahkh ka anubhav karata hai, vah keval angushth matra hai.
angushthamatra purushan nishkarsh yamo balat.
sharir se kiye hue karm jiv ke sath chalte hain evan unhin shubhashubh karmanusar jiv ki gati hoti hai.
shubhashubh kritan karm gachchant manugachchati.
shariran bahvinan dagdh kritan karm sahasthitam. punyan va yadi v papan bhunkte sarvatra manvah..
jis prakar manushya purane vastron ko tyag kar naye vastron ko dharan karta hai, vaise hi yah jivatma purane sharir ko tyag kar naye sharir ko prapt karti hai.
vasansi jirnani yatha vihay navani grihnati naro'prani.
tatha sharirani vihay jirnanyanyani sanyati navani dehi..
jiv apne karmo ke anusar ya to bhulok se upar ki or athva niche ki or jata hai.
prithvi lok se upar sat lok hain -
1. satya lok 2. tap lok 3. maha lok 4. jan lok 5. svarg lok 6. bhuvah lok 7. bhumi lok.
bhumi lok men jivatma ke sath bhut, pret evan kshudra atmaen nivas karti hain. bhuvah lok men pitron ka vicharan sthal mana gaya hai.
svarg lok men divya atmaen, jan lok men yagya karta ki atmaen, mahalok men samadhi lene vale jatak ki atmaen, tap lok men sarvottam atmaen evan satya lok men ishvariya, rakshak evan palak mahashaktiyan nivas karti hain.
apni kundli men rajyogon ki jankari paen brihat kundli riport men
prithvi ke niche sat lok hain -
1. tal 2. atal 3. sutal 4. talatal 5. mahatal 6. rasatal 7. patal lok hain.
yahan par nikrisht se nikrishtatam jiv nivas karte hain. mrityoprant jiv punarjanm se pahle pret yoni ko prapt hota hai, taduprant pitri yoni ko prapt hota hai. punarjanm hone ke pashchat to jiv ko apne karm ya bhog ke anusar fal prapt hote hain, lekin pret ya pitri yoni men is jiv ko koi kasht n ho iske lie ‘shraddha’ kiya jata hai.
bhuv
arthat pitri lok men jal ki matra n hone ke karan pitron ko unke sanbandhiyon dvara shraddh men diya gaya jal hi unhen prapt hota hai. shraddh men brahmanon ko diya gaya bhojan pitron ko prapt hota hai, jisse unhen shanti milti hai. is prakar ye tript pitri jatak ko ashirvad rup men dhan, dhanya evan sukh samriddhi pradan karte hain. is ashirvad ko prapt karne hetu evan atript pitron se kisi prakar ke nesht bachane hetu hi ‘shraddha’ karm kiye jate hain. punarjanm ki vaigyanik manyata kuch bhinn hi hai. iske anusar jivan ek jaiv rasaynik kriya (biochemical reaction) hai evan sharir panchdhatu ka bana ek jaivik padarth hai. chetnta sarvada padarth men vidyaman hai jagrat ya sushapt. jaivik kriyaon ke karan yah sharir bara hota hai aur ahastantrit kriya (irreversible reactions) ke karan mrityu ko prapt hota hai.
mrityoprant panchbhuton se bana sharir panchbhut men mil jata hai. jaise lahar ke samudra men sama jane ke bad uska koi astitva nahin rahta, ya usi lahar ka punarjanm nahin hota hai, thik usi prakar is sharir ka is panchbhut men sama jane ke bad iska punarjanm nahin hota hai. keval is sharir se moh hamen punarjanm ke bare men sochne ko prerit karta hai. jis prakar se mali anek paudhe lagate hain, kuch bahut achche banakar khilte hain evan kuch bij ugte hi nahin ya kuch ko pani evan bhojan tak nahin mil pata. isi prakar kuch manushya bahut unchaiyon par pahunch jate hain aur kuch bilkul pichre hi rah jate hain. manushya karm bhi bhagyanusar bante hain evan avashyak nahin ki karm ke anusar fal prapt hon. karm aur fal men antar ko pichle janmon ke karmon ka fal kah kar samjha diya jata hai, jabki vaigyanik matanusar yah antar prakritik hota hai.
yadi punarjanm nahin hai aur keval prakriti hi bhautik rup men kam kar rahi hai, to vedon men punarjanm ke bare men kyon diya gaya hai? kya ved galat hain? vaigyanik matanusar shayad vedon men jivan ko jine ki kala di gai hai. manushya ek samajik prani hai. jivan ko jine ke lie kuch adhar chahie, kyonki bina adhar ke jivan vyatit karna bahut kathin ho jata hai. usi adhar ko dene ke lie vedon men punarjanm ki sthapna ki gai hai. purvajon men astha evan unse mansik lagav ke karan evan unse arshivad prapt karne hetu hi, manushya shraddh karm karta hai. antatah kuch bhi sach ho, ved ya vigyan, yah sach hai ki, punarjanm ko manne se hi manushya apne apko samaj ke bandhan men mahsus karta hai evan koi galat karya karne se darta hai, jo ki samaj ko sucharu rup se chalane ke lie atyant avashyak hai.
talk to best astrologers at indian astrology