ajakal jyotishiyon ke pas ane vale logon ke dvara puche jane vale prashnon men ek pramukh prashn, unki videsh yatra ke vishay me hota hai. unmen yah janne ki utsukta hoti hai ki kya ve karya, shiksha, vyapar adi ke lie videsh ja sakte hain ? kuch logon ka pramukh prashn yah bhi hota hai ki kya ve videsh ja kar bas sakte hain ?
prachin kal men videsh yatra, ya vahan ja kar basna hindu samaj men bahut kharab mana jata tha aur videshiyon (mlechchon) ke sath sanpark rakhne vale vyakti ka samaj se bahishkar kar diya jata tha. parantu aj samay badal chuka hai. ab videsh yatra gaurav ki bat mani jati hai. dusri bat yah bhi hai ki purane samay men, yatayat ke sadhnon ki kami ke karan, dakshin bharat ko bhi videsh ka darja diya jata tha. par ab vimanadi gatishil yanon ke avishkar ne vishva ko bahut chota kar diya hai aur ab log viman ke dvara kuch hi ghanton men vishva ke kisi bhi kone men pahunch sakte hain. jyotishiya drishtikon se kisi vyakti ki kundli men kuch bhav, rashi tatha grah us vyakti ko videsh yatra karane ke lie mahatvapurn bhumika nibhate hain.
inmen agar apsi sanbandh hon, to yatraen hoti hain. yatra karane vali rashiyan: mesh, kark, tula aur makar rashiyan, char rashiyan hone ke karan, yatraen darshati hai. yadi kisi vyakti ke jyada se jyada grah in rashiyon men hon, to vah bahut yatraen karta hai. kisi vyakti ke lagn aur rashi donon char hon, to bhi yatraen hoti hai. jal rashiyon men (kark, vrishchik aur min) men jyada grah jal yatraen aur vayuj rashiyon men (mithun, tula aur kunbh) grah viman yatraen darshati hain. yatra karane vale bhav: chaturth bhav ghar ka hota hai aur usse barhvan bhav, arthat tritiya bhav choti yatraen darshata hai. navam bhav dharmik aur lanbi yatraon ko darshata hai. dvadash bhav videsh ka hota hai aur saptam bhav videsh men ja kar rahne ke bare men batata hai. ashtam bhav kashtapurn, ya chikitsa ke lie ki nayi yatraon ke bare men batata hai.
yatra karane vale grah: tritiyesh, navmesh, dvadshesh aur saptamesh ya, tritiya, navam, dvadash aur saptam bhav se sanbandhit grah aur yatra ke karak grah, chandra, shukra, rahu, shani(vayu) aur guru yatraen karvate hain. jab in rashiyon, bhavon aur grahon ke apas men sanbandh bante hain, tab videsh yatra ke yog bante hain. yatra ka karn: shiksha hetu: pancham bhav ka navam, saptam aur dvadash bhav ka apas men sanbandh ho. shodh hetu: pancham, navam, saptam, dvadash aur ashtam bhav ka apas men sanbandh ho. naukri hetu: saptam, navam, dasham ka dvadash bhav se sanbandh deputeshan (pratiniyukti) par: char, ya dvisvabhav rashiyon men prayah sabhi grahon ki sthiti, chaturth bhav men pap prabhav aur tritiya, navam, dasham, saptam aur dvadash bhav men apsi sanbandh aur rajyogon ka samavesh vivah ke pashchat: saptam, navam aur dvadash bhav men apsi sanbandh, chaturth bhav men pira aur rahu tatha shukra ka unse sanbandh videsh men ja kar basna: lagn svayan jatak aur chaturth bhav uska janm sthan hota hai.
isi karan agar chaturth bhav men pap prabhav, chaturthesh aur lagnesh shashth, ashtam, ya dvadash bhavon men pirit hon, to jatak ko apne janm sthan se dur rahna parta hai. isi prakar chandra se bhav ko bhi dekhna chahie. yatra kab hogi ? tritiya, navam, saptam aur dvadash bhav ke svamiyon, ya un bhavon se sanbandhit grahon ki dasha men yatraen hoti hain. jab gochar men kisi papi grah ka prabhav lagn, ya chandra se chaturth men ho aur jis grah ki dasha chal rahi ho, vah lagn, ya chandra se tritiya, shashth, navam, ya dvadash bhav se gochar kare, tab vah vyakti videsh yatra karta hai. disha gyan: ab prashn yah ho sakta hai ki vyakti kis disha men yatra karega, ya kis disha se usko labh ho sakta hai ? jyotish men barah rashiyon aur nau grahon ko unki apni dishaen di gayi hain, udahrntah