pulparagah pitmniah gururatnam gurupriyam. yakutamaskaran pushparajo tayes namkah.. pukhraj javahrton men sabse adhik lokapriya hai. pukhraj ko sanskrit men pushparag, pitmni, guru ratn, gurupriya pushparaj kahte hain. angreji men ise topaz, yelo safayar urdu men asfar, yakut kahte hain.
rang: yah apne namanusar chamkile, pile rang ka shandar ratn hai. iski abha amltas ke pushp ke saman hai. pukhraj ke sath pile rang ka sanbandh itna ghanishth hai ki samanyatya pukhraj ka asli rang pila hai, jabki vastavikta men pukhraj ek ranghin ratn hai. pila nilam, dhumesh sfatik, dhamiyat pukhraj saitrin, athva pila sfatik skaech pukhraj ke nam se bikte hain. parantu vastav men ye pukhraj nahin hote hain.
rasaynik banavat ki drishti se pukhraj ‘fluon siliket’ hai. parantu iski vaigyanik rachna ke anusar ismen florin hai. ismen upasthit jal ki upasthiti tatha kuch dusri ashuddhiyon ke karan, prakriti se ranghin hote hue bhi yah jal jaisi svachch dasha men kam milta hai. bhure , saleti, halke nile, halke hare rang ke bhi pukhraj milte hain.
janch evan parkh: pukhraj ki satyata janne hetu bronofarm men itna shrenin dalen ki uska gurutva 2.65 ho jaye. is drav men asli pukhraj fauran dub jaega. parantu ranghin, ya pila billaur, ya emithist ya to tairenge, ya bahut dhire-2 niche jaenge.
bhartiya manyatanusar shreshth evan manglik pukhraj ka varnan is prakar kiya gaya hai:
”pushparang guru snigdhan svachchan sthulan saman mridu. karnikaraprasunabhan masrinan shubhamashtadha..“ uttam pukhraj ath gunon vala hota hai: hath par rakhne par vajni ho, uski chavi snigdh ho, dhabbe n hon, partrhit ho, mulayam ho, khile hue kaner ke pushp saman ho, chikna ho. uttam pukhraj ghisne par apna rang aur adhik barha deta hai.
pukhraj ke prapti sthan
pukhraj prayah grenait, nait tatha paigmatais shilaon men milta hai. in shilaon men agney padarth ekatra hone ke karan unse niklne vali jal vashp tatha florin gais ki antahkriya se vahan pukhraj bante hain.
”saiksani“ men pukhraj billauri shilaon men astar ki tarah jama hua milta hai. rus tatha saiberiya men grenait ki shilaon men nile rang ka pukhraj milta hai. brajil ki khanon men milne vale pukhraj sabse barhiya kism ke hote hain.
jyotishiya mulyankn
jatak parijat anusar: ”devashyasth v pushparagam. pukhraj 5 maharatnon men pramukh hai. yah apne dharak ko dharmik banata hai tatha shubh karyon ko karne ke lie prerit karne vala, mangal karne vala ratn hai. dhanu evan min rashi men janme logon ka yah rashi ratn hai.
yah ratn unki ayu ko barhata hai. mithun lagn evan kanya lagn valon ka saptamesh hone ke karan ise dharan karne par unka vivah shighra tatha manonukul hota hai. sinh lagn evan vrishchik lagn valon ka panchmesh hone ke karan yah unhen putra santti deta hai. mesh tatha kark lagn valon ke lie yah bhagya ke dvar kholta hai. videshi manyata ke anusar navanbar mah men janme logon ka ‘barth ston’ pukhraj hai. ank shastra ke hisab se 3,12,11 evan 20 tarikh ko janme logon ka svami brihaspati hai tatha pukhraj dharan karne se tin mulank valon ka bhagya badal jata hai; khasakar jin vyaktiyon ka janm guruvar ko in tarikhon men hua ho, unke lie pukhraj dharan karna sarvashreshth hota hai.
chikitsa ke lie upyogi: pukhraj laghu shit, virya, kaf, vat shamak aur vishaghn hai. iski utpatti, puran ke anusar, bali ke charm se mani gayi hai. yah kushth evan charm rogon ka shatru hai.
britani sangrahalay men sangrihit ek prachin granth ke anusar ”pukhraj ko dharan karne vale vyakti ko rat men dar nahin lagta.“ buddhivardhak hone ke sath hi, yah krodh tatha pagalapan ko bhi shant karta hai. pukhraj pis kar iski bhasm se anek prakar ki davaen vaidya banate hain, jo kafajanya rogon men aram deti hai.
pukhraj ke uparatna
sunaila: pit ratn, pit sfatik sunaila ke nam hain. chikna, sone ke saman pila, vajan men halka, chamkdar, sunaila pukhraj jaisa hota hai. brajil, spen, yural parvat tatha skaet desh ki khanon men sunaila milta hai.
naram pukhraj: pukhraj komal, chikna, vajan men halka, rang men pila tatha safed, chamkdar saf naram hota hai. yah dekhne men bahut sundar hota hai. yah bhi pukhraj ke sath khan se niklta hai. dhunaila: dhumaratn, dhram sfatik iske nam hai. yah dhune jaisa, halki pili abha vala, saleti tatha bhura hota hai. pile rang ke dhunaila ko ”skaetlaind ka pukhraj“ kaha jata hai.
tatri pukhraj: komal, vaman men bhari, ati chamak vala, safed rangat vala hai. rang se aur kanti se pukhraj ke saman hone se yah pukhraj ka uparatn hai.
leman topaj: yah naram hota hai. kintu iska rang ninbu ke rang ka kuch halka pile-hare rang ka hota hai.
pili dhari vala sulemani hakik: pili dhari vala sulemani hakik pukhraj jaisa hi karya karta hai. yah alp moti patthar tatha muslim sanpraday ka pavitra patthar hai.
pukhraj dharan karne ki vidhi:
- pukhraj hamesha sava 5 ratti, sava 9 ratti, sava 12 ratti ki matra men dharan karen.
- pukhraj visham sankhya men dharan karna shubh hota hai.
- pukhraj hamesha shukravar ko khariden tatha, pile reshmi vastra men lapet kar, dayin bhuja men bantane. guruvar se guruvar tak, ratn apne pas rakh kar, pariksha kar len. ratn anukul hone par hi dharan karen.
- pukhraj ki pran pratishtha ke lie guru pushya, ravi pushya sarvashreshth yog hai. iske alava sarvarth siddhi yog tatha ravi yog, jo guruvar ko ho, uttam rahta hai.
- ratn ke abhav men kele ki jar, pile kapre men bandh kar abhimantrit kar ke, pahnne se ratn, jaisa hi prabhav hota hai.
- pukhraj hamesha sone men, tarjani ungli men hi, dharan karen.
- dharan karne se ek din purva pukhraj ko rat men gay ke dudh men dal kar rakhen, dusre din pratah use, ganga jal se dho kar, naivedya-pushp le kar pushp archana kar ke, apne isht devta ka dhyan kar ke dharan karen. dharan karte samay nimn mantra ka uchcharan karen: budhyayasyasmanesti devtanan ch purohitah. trata ch sarvadevanan gurumadhyabhyaham..