dampatya jivan ki gari pati-patni rupi do pahiyon par chalti hai. donon men se ek bhi yadi udasin ho to dampatya sukh men kami ane lagti hai. matra daihik akarshan hi rishton ko banae rakhne ke lie kafi nahin hai donon ke bich apsi lagav evan vishvas hi safal dampatya jivan ki nishani hai. prastut hai isi kashamakash ko pesh karti ek aur katha... jyotish shastra men shani apurnata, hinta abhav adi ka dyotak hai.
shani ek prithktavadi grah bhi hai aur apni dasha athva antardasha evan sarhesati men akarak hokar vyakti ko prabhavit kshetron se prithak karta hai aur ek algav ki sthiti bana deta hai. parantu shukra apni sundrta ke lie jana jata hai. kundli men shukra ki uttam sthiti n keval vyakti ke sharirik saundarya aur uttam sanskriti men vriddhi karti hai balki dusron ko apni or akrisht karne ki kshamata bhi pradan karti hai.
kuch aisa hi hua vaishali aur utsav ke sath. vaishali ek bahurashtriya kanpni men ek achche pad par karya karti thi jahan uski mulakat utsav se hui. utsav atyant karyakushal sahyogshil svabhav ka larka tha. donon ki dosti dhire-dhire kab apsi prem men badal gai, pata hi nahin chala. fir apne-apne parivar ki rajamandi se donon vivah ke pavitra bandhan men bandh gae. vivah ke pashchat utsav ne ek kael sentar men rat ki naukri pakar li kyonki usmen use adhik vetan mil raha tha.
jahan vivah ke pashchat unhen samip hona chahie tha aur pranay bandhan men drirhta ani chahie thi, vahin vaishali ke jivan men shani ne apni dastak de di aur vivah ke turant bad hi usne dave panv navvivahit jore ke ghar men kadam rakh die. vaishali subah jakar sham ko lautti aur tabhi utsav ka apne karyalay jane ka samay ho jata. us vakt jab parinay sutron ko apsi prem, vishvas aur samarpan ki jarurat thi, ve alg-alag apne kamon men vyast the.
fir shuru hui apurnata, hinta aur arthik abhav ki kahani- ek dusre par mithyaropan, avishvas ki drishti, bekar ki daur dhup ki shikayat vaishali ko, jisne kabhi utsav ko sanpurn purush man kar prem kiya tha, ab utsav men hajar khamiyan najar ane lagin aur utsav ko vaishali men. donon men bat-bat men tu tu main main hone lagi aur fir shani ne apna vichchedatmak prabhav dala aur vaishali utsav ka ghar chor kar apne ghar a gai. apne ghar akar bhi use chain nahin tha.
atyant mansik tanav men uska samay bitne laga. parivar valon ki taraf se jor parne laga ki ya to utsav ke sath rahe ya talak le le. par vaishali chah kar bhi utsav se talak n le saki. udhar utsav bhi uske bina mano adhura sa ho gaya tha. usne puri tarah se apne apko kam men jhonk diya aur videsh se mile avasar ko svikar kar videsh chala gaya.
uski arthik sthiti men apratyashit badlav aya, par usne samay samay par vaishali se bat karna nahin chora. uska fon mano vaishali ke vyathit man par prem ki fuhar lekar ata aur vah sarabor ho jati. isi tarah lagabhag dhai varsh bit gae aur vaishali ko lag raha tha jaise uska banvas bhi khatm ho raha hai.
utsav videsh se laut aya tha aur vah fir se vaishali ke sath apna jivan shuru karna chahta tha. vaishali ke ghar se dhai varsh se dera dale shani maharaj ke rukhasat hone ka samay a gaya tha. uske sare astra shastra dhile par chuke the. kamdev ka prabhav shuru ho raha tha aur vaishali dhire-dhire unki madhoshi men khoti ja rahi thi.
aie, dekhen vaishali aur utsav ki kundliyon men prakashhin shani evan saundaryayukt shukra ka prabhav. vaishali ki kundli men pati karak guru lagnesh hokar saptam men sthit hai. shani ki saptamesh budh par purn drishti hai. chandra bhi saptam bhav ko prabhavit kar raha hai. shukra gyarhven bhav ka svami hokar saptam bhav men sthit hai jiske karan uska vivah apne parichit dost se hua arthat shukra bhi ichchanusar vivah karne ka karak bana.
vaishali aur utsav ke algav ke samay utsav ki shukra ki mahadsha men budh ki antardasha tatha shani ki pratyantar dasha chal rahi thi. iske atirikt shani ki sarhesati bhi chal rahi thi. shani vaishali ke lagn ke lie panchmesh tatha shashthesh hokar barhven bhav men apne shatru surya ki rashi men sthit hai. shashthesh hone se shani purnakarak grah nahin hai tatha barhven bhav men shatru ki rashi men iski sthiti hai. uski yah sthiti use ashubh hone ke sath-sath adhik krur bhi bana rahi hai.
jahan ek or shukra ki mahadsha dampatya sukh pradan kar rahi thi vahin shani grah ke ashubh gochar ke prabhavavash tatha shani ki hi pratyantar dasha ke dauran utsav ke jivan se vaishali alag ho gai. jis samay vaishali utsav se alag hui, us samay vaishali ki mahadsha men budh ki antardasha, shukra ki pratyantrdsha evan shani ki sarhesati chal rahi thi. budh saptamesh hai aur chathe bhav men ast hokar sthit hai tatha shani ki us par purn drishti par rahi hai.
gochriya prabhav se bhi shani saptam bhav ko prabhavit kar raha tha jiske falasvarup vaishali ko grihasth jivan ke sukh se vanchit hona para. jis samay inka algav hua, us samay donon ki sarhesati chal rahi thi tatha shani unke vaivahik jivan par apna ashubh gochriya prabhav dal raha tha. dusri or utvasav ki kundli men saptamesh guru uchch ka hokar labh bhav se saptam bhav ko purn drishti se dekh raha hai
jiske falasvarup uska vaishali ke prati jhukav barabar bana raha aur vah rishte ko dobara jorne ke prati nirantar prayatnashil raha aur chunki ab vaishali ki bhi shukra ki antardasha shuru ho chuki hai, vah bhi ab utsav ki or fir se akarshit ho rahi hai. uske man men fir se utsav ke rang men rangne ki ichcha jagrat ho uthi hai.
if you are facing any type of problems in your life you can consult with astrologer in delhi