shri krishn ke janm evan mokshakal ki ganna  

shri krishn janmashtami ke pavan parva par gujrat ke prabhas patan kshetra men sthit somnath mandir men tridivsiya karyakram hua. ismen krishn evan mahabharat ko, keval kalpanik katha n batate hue, itihas ka ek sachcha prishth sabit kiya gaya. itihas evan jyotish ka sahara lete hue krishn ke janm evan moksh kal ki udghoshan aa ki gayi. yah udghoshna parivrajak shri gyananand sarasvati ji dvara, somnath jyotirling ke samip, hiranya nadi ke tat par, shri krishn ke moksh sthal par ki gayi. is kal ki ganna men fyuchar paeint dvara viksit jyotishiya program liyo gold evan liyo pam ki mukhya bhumika rahi.

yah to sarvavidit hai ki shri krishn ka janm bhadra krishn ashtami ko rohini nakshatra men, madhya ratri ko, vrish lagn evan vrish rashi men, mathura ke karavas men hua. isi ke upalakshya men prativarsh janmashtami samaroh manaya jata hai. lekin kitne varsh purva unka janm hua, iski ganna ke lie pahle unki moksh tithi gyat ki gayi, kyonki moksh ki charcha anek granthon men prapt hoti hai. moksh tithi men se ayu ghata kar janm varsh gyat kiya gaya evan janm varsh gyat hone par, bhadra krishn ashtami ki ganna kar, janm divas gyat kiya gaya. kaha jata hai ki shri krishn ke dehotsarg se kuch hi din pahle unki basayi hui sone ki dvarika samudra men lay ho gayi. shri krishn ko pahle hi gyat ho gaya tha ki dvarika dubne vali hai. atah use pahle hi khali kar diya.

sabhi sanbandhiyon ko le kar vah indraprasth ki or nikal pare. lekin raste men, rishi ke shrap ke karan, sabhi yaduvanshi apas men lar pare evan muslon se ek dusre ko mar dala. tatpashchat vah khinn man se age barhe aur thak kar ek vriksh ke niche, pair ke upar pair rakh kar, aram karne lage. tabhi ek vyadhra ne, hiran ka shikar karte hue, bhalka tirth sthan par jahrila van mara, jo shri krishn ke pair ke talve men ja laga. yahi tir unke moksh gaman ka karan bana. tir lagne ke pashchat vah, 2-3 ki.mi. ki duri tay kar, hiranya nadi ke tat par pahunche, jahan unhone bare bhai balram ji ko nag ke rup men samudra men samate hue dekha. tatpashchat usi sthal par unhonne svayan moksh prapt kiya. kahte hain jis kshan unheanne yah sharir tyaga, usi kshan dvapar yug samapt hua aur kali yug ka praranbh hua.

yasmindine hariryato divan santyajya medinim. tasminnevavtirno'yan kalkayo bali kaliah..

(shrivishnupuran, adhyay-38, shlok-8)

jis din bhagvan prithvi ko chor kar svarg sidhare the, usi din se vah malin deh mahabli kali yug prithvi par a gaya.

yada mukundo bhagvaniman mahin jahau svatanva shravniyasatkathah.
tadahrevapratibuddhachetsamadharmahetuah kaliranvavartat..

(shrimadbhagavat, adhyay-15, skandh-1, shlok-36)

jiski madhur lilaen shravan karne yogya hain, us bhagvan shri krishn ne jab apne manav sharir se prithvi ka parityag kar diya, usi din vicharhin logon ko adharm men fansane vala kali yug a dhamka.

kanpyutar ganna ke anusar chaitra pratipda shukravar, tadnusar 18 farvri 3102 i.pu., ko kali yug ka praranbh hua. kali yug 3102i.pu. men hi praranbh hua, iski pushti nimn prakar se hoti hai .

apni kundli men sabhi dosh ki jankari paen kampalit dosh riport men

shri krishn janmang 21 julai 3228 i.pu. 12:00, mathura

yah bhi padhen: jindgi ko jahar bana deta hai vish yog! janie, kundli ke 12 bhavon men iska prabhav v upay

• pratyek raja ke varsha-mah-din ka vistrit varnan upalabdh hai. yudhishthir se vikramaditya tak ke char rajvanshon ke varshon ki sankhya ko jorne par yog 3,178 varsh hota hai, jo kali yug ka 3141van, athva isvi san ka 39 van varsh hai. yah us tithi ka dyotak hai, jab vikramaditya ne sansar ka tyag kiya tha.
• kashi vishvavidyalay se prakashit ‘vishva panchang’, solan ke ‘vishva vijay panchangm’ evan anek anya panchangon ke anusar vikram sanvat 2061 ke purva, arthat san 2004 i. tak kali yug ke 5,105 varsh bit chuke hain. iska arth yah hua ki kaliyug san 2004 i. men apne 5,105 varsh pure kar chuka hai.
• mahanatam khagolvid tatha ganitagya aryabhatt ka janm san 476 i. men hua tha. khagol shastra ko unki den vidvanon ka sanbal hai. unhonne chapatra3.1416 ka shuddh ankra upalabdh karaya. unki prasiddh kriti ‘aryabhattiya’ san 499 i. men puri hui, jismen unhonne kali yug ke aranbh ke sahi varsh ka ullekh kiya hai:

shashtayabdanan shashtiryada vyatitastrayashch yugpadaah.
nnyadhika vinshtirabdastadeh mam janmano'titaah..

‘jab tin yug (sat yug, treta yug aur dvapar yug) bit chuke hain, kali yug 60×60 (3,600) varsh par kar chuka hai, meri ayu 23 varsh ki ho chuki hai. tatparya yah ki kali yug ke 3,601 varsh pure hone ke samay vah 23 varsh ke the. aryabhatt ka janm san 476 i. men hua tha. is prakar, kali yug ka aranbh 3601-(476$23)=3102 i. pu. hua. shri krishn ne 125 varsh 7 mah tak is prithvi par rajya kiya. is bat ke thos praman nimn shlokon men milte hanai.

tadtitan jagannath varshanamdhikan shatam.
idanin gamyatan svargo bhavna yadi rochte..

(shri vishnupuran, adhyay-37, shlok -20)

he jagannath ! apko bhumandal men padhare hue sau varsh se adhik ho gaye. ab, yadi apko pasand ave to, svarg lok padhariye..

yaduvanshe'vtirnasya bhavtah purushottam. sharachchatan vyatitay panchvinshadhikan prabho..

(shrimad bhagavat, a.6, sk.11, shlo.25)

purushottam sarvashaktiman prabho ! apko yaduvansh men avtar grahan kiye ek sau pachchis varsh bit gaye hain.

shri krishn dehavsan 18 farvri 3102 i.pu. 14ah27ah30, somnath

3102 i. pu. men se 125 varsh ghataen, to 3227 i. pu. ata hai evan uske purva bhadra krishn ashtami ki ganna karne par 21.7.3228 i. pu. ata hai, jo shri krishn ki janm tithi hai. shri krishn ka janm aj se 5230 varsh purva hi hua evan san 2004 ki janmashtami ke din, 5231

varsh purn hokar, 5232van varsh aranbh hua hai. is tathya ki pushti ki shri krishn ke janm ko 5231 varsh bit chuke hain, dvarika ke itihas se bhi hoti hai. atah ismen koi sandeh nahin hai ki shri krishn ka janm bhadra krishn ashtami ko, 18 julai 3228 i.pu. ko evan 125 varsh 7 mah pashchat chaitra shukla pratipda, shukravar,18 farvri 3102 i. pu. ko vah brahmasvarup vishnu bhagvan men lin ho gaye.

to get your personalized solutions, talk to an astrologer now!