nirantar age barhne ki prabal ichcha ko lekar monika bedi aise logon ke sanpark men ai ki mahatvakanksha purti ke lie vah har uchit anuchit sirhi ka prayog karne lagi. aeksaford vishvavidyalay jaise uchch shiksha sansthan men adhyayanarat monika ki grah dashaon men aisa kya tha ki vah abu salem se jurakar apne kairiyar ko rasatal par le ai... pichle varsh monika bedi ka nam kafi charchit raha. filmon ke atirikt andaravalrd se jure uske tallukat ki khabren samachar patron aur anya samachar madhyamon men surkhiyon men rahin. usne vah kuch kiya jiski kalpana bhi samaj aur uske parijan nahin kar sakte the. yahan prastut hai uske jivan aur jivan men ghati vibhinn ghatnaon ka ek vistrit aur jyotishiya vishleshan. monika ka janm hoshiyarpur ke najdik ek ganv men hua, par uske janm ke das mah pashchat hi uske pita naerve men jakar bas gae. uska laln-palan naerve ki sanskriti men hua.
san 1992 men vah inglaind ke aeksaford vishvavidyalay men angreji sahitya ki shiksha grahan kar rahi thi, jab uski mulakat manoj kumar ke putra kunal se hui aur samjha jata hai ki manoj kumar ne kunal ke sath uski pahli film sain ki. baelivud men kadam rakhne ke pashchat monika ne kai filmon men kam kiya, jinmen tirchi topi vale, jori nan. 1, janam samjha karo, kala samrajya, pyar ishk aur mohabbat pramukh thin. iske atirikt monika ne telugu filmon men bhi kam kiya aur telugu filmen use adhik ras ain kyonki monika apne prodyusar ko hamesha khush rakhti thi aur paise ke lie kisi bhi tarah ki bhumika karne se parhej nahin karti thi. vahin uski mulakat mukesh duggal se hui jo use dubai men stej sho karane ke lie le gae aur vahan vah abu salem se mili. abu salem monika se kafi prabhavit hua aur usse hindi filmon men kam dilane ka pakka vayda kiya.
salem ne apne vayde ko pura karte hue use kai hindi filmon men kam dilaya lekin vah khud ko abu salem ke jal se n bacha saki aur dhire-dhire andaravalrd ki gatividhiyon men khud bhi shamil ho gai. monika ko 2002 men lisban men abu salem ke sath giraftar kiya gaya. abu salem ka nam san 1993 men hue munbai bam kand se jura tha jismen karib 250 vyakti mare gae the. andaravalrd se jure hone ke karan monika par bhi mamla darj hai. vah abu salem ki patni ki tarah uske sath rah rahi thi, halanki usne uske sath vivah se inkar kiya hai aur apne lie adalat se nyay ke lie guhar lagai hai. aie dekhen ki uski kundli kya kahti hai. monika bedi ka janm 18 janvri 1975 ko hoshiyarpur men ratri 23 bajakar 10 minat par shani ki mahadsha ke antargat hua tha.
vartaman men (3/11/2003 se 3/11/2007) shukra ki mahadsha men shukra ki antardasha chal rahi hai jo 3 navanbar 2007 chalegi. kisi bhi kundli men prakritik papi grah mangal, shani, rahu ya ketu yadi sukh bhav men ho, chaturthesh sukhesh chathe, athven ya 12ven bhav men ho, sukh karak grah shukra kamjor ho aur in grahon par pap drishti ho aur ve shadbal evan navansh men bhi kamjor hanen, to jatak ko sukh nahin milta. parantu in sab ke bavjud yadi rajyog hota hai to sukh avashya milta hai. monika bedi ki kundli men panchmesh v dashmesh shani aur dashmesh budh ka rashi parivartan yog hai aur kendra v trikon ka sanbandh bhi hai kintu shani kanya lagn ke lie shashthesh hokar akarak bhi hai. budh evan shukra rajyog sthapit karte hue pancham trikon men surya ke sath sthit hain. inka dvadshesh surya ke sath baithne ke karan rajyog bhang hua hai. vartaman samay men shukra ki mahadsha ke antargat shukra ki antardasha chal rahi hai. shukra kanya lagn ke lie karak grah hai kintu koi bhi grah apni dasha ya antardasha men vishesh fal dene men saksham nahin hota. sukhesh guru lagn se chathe bhav men prakritik papi grah surya evan kshin chandra ke madhya pap kartari yog men pirit hai.
kshin chandra shani, mangal v rahu ke pap prabhav men hai, jo chandra ko aur adhik kharab kar rahe hain. chandra akarak tatha ekadshesh hote hue apne shatru v shashthesh shani ke nakshatra uttarabhadra men sthit hai. tritiyesh v ashtamesh akarak papi grah mangal chaturth sukh sthan men svayan prakritik papi grah surya evan rahu ke madhya pap kartari yog se pirit aur shani se drisht bhi hai. mangal ketu ke nakshatra mula men sthit hai aur ketu nichasth hokar navansh men vargottam hai. mangal navansh men balvan hai. kul milakar mangal par kisi bhi shubh grah ki drishti nahin hai. sukh karak shukra mitra rashi men trikon bhav men karak hokar vidya, buddhi, antajrnyan adi ki vriddhi kar raha hai. shukra evan budh ast nahin hain. shukra evan guru ki sthiti bhi behatar hai. atah shukra ki mahadsha men sukh avashya milega. jatak ko sukh tabhi milta hai, jab dasha, antardasha v gochar tinon sahi chal rahe hon. monika ka janm shani ki mahadsha ke antargat hua tha. 3/11/1999 tak shani ki mahadsha men nishchit rup se kathinaiyan ai hongi. iske pahle 1979 se 1996 tak budh ki mahadsha achchi biti hogi. parantu budh men panchmesh v shashthesh shani ki antardasha v sarhe sati ke karan parhai men rukavat ai hogi. kanya lagn ke lie lagnesh v dashmesh budh tatha trikonesh shukra shubh evan yogkarak grah hain. budh jatak ko hasya kalakar, banata hai, use chir yauvan pradan karta hai, to shukra sundar, shaukin aur kalapremi banata hai.
in donon ke apsi sanbandh evan lagnesh sahit inke balvan hone se monika ko filmi duniya men ek kalakar ke rup men prasiddhi mili. dvadshesh surya pancham bhav men budh evan shukra dvara nirmit rajyog ko bhang karte hue pancham bhav men prem se sanbandhit bhavnaon ko prabal kar raha hai. yahi karan hai ki uska charitra kharab hua. lagn, chandra, lagnesh v chandra lagn ke svami aur 1996 se 2003 tak chali ketu ki mahadsha adi sab ne milakar uske charitra ke kharab hone men mahatvapurn bhumika nibhai. lagnesh budh papakrant chandra ke nakshatra par hai, atah man ka vichlit hona svabhavik tha. yahi nahin lagn ko papi chandra, ketu ki dririshti ketu ki mahadsha men, ketu bhi chandra ke nakshatra par rahakar, chandra grast hokar, shani ke nakshatra uttarabhadrapad par tatha chandra nakshatra svami shani par mangal ki drishti ke karan man ka karak chandra aur lagnesh budh pirit hain.
islie man vichlit hua. ketu ki mahadsha men 25/11/1996 se 25/11/2003 tak uske jivan men utar charhav aya aur uski pratishtha evan man samman ko thes pahunchi. vartaman samay men shukra ki mahadsha men shukra ki antardasha vishesh shubh faldayi nahin siddh hogi. bhavishya men 27/3/2007 se 25/3/2008 tak shukra men surya ki antardasha chalegi. surya dvadshesh v akarak hai atah vah koi shubh fal nahin dega, tab tak jatka ko kasht bhogna hi hai. fir shukra ki mahadsha men chandra ki antardasha men 26/3/2008 se 24/11/2009 ke madhya use shubh fal milega. is lagn ke lie chandra min rashi men lagn se saptam bhav men tatha apne ghar se bhagya sthan men hai aur shukra ki dasha chal rahi hai aur shukra lagn se saptamesh chandra tritiya bhav men hai. jab shukra men chandra ki antardasha chalegi aur gochar men shukra v chandra ke sath guru ka prabhav bhi jab gochar men shubh hoga, tab usee shubh fal ki prapti hogi. 25 disanbar 2008 se march 2009 tak gochar men grah shubh fal dene ki sthiti men honge kyonki lagn se pancham bhav men guru, rahu aur anya grah samy-samay par shukra ka sath denge. monika ko sukh to janm se hi milta aya hai. parantu budh ki mahadsha men guru ki antardasha ne anek utar charhav dikhae hain. kanya lagn ke lie kendradhipti dosh se guru dushit hai kintu chathe bhav men guru ki sthiti ne dampatya sukh nahin diya fir bhi jivan sathi ke rup men anya purush ke sath rahi.
bhavishya men uska vivah hone ki sanbhavna hai kyonki lagn se saptam men chandra evan pancham men shukra balvan hai. aur donon ke bich brihaspati chandra se dvadash bhav men sthit hai. lekin kyonki saptamesh guru shashth bhav men hai. islie vivahoprant bhi use sukh milne ki sanbhavna kam hai. guru kendradhipti dosh se grast hai aur pati ka karak bhi hai. yahi nahin, navansh men guru nichasth shani ke sath hai. navansh kundli men hi saptam men rahu nich ka hai parantu shukra aur guru ast nahin hain. in sare yogon ke falasvarup uske vivah ki sanbhavna hai. chandra lagn se saptam ka svami budh shukra ke sath hai aur chandra lagn se ekadash sthan men bhi hai. ho sakta hai ki surya ki mahadsha men vah vivahit sukh se vanchit rah jae. vahin yah bhi sanbhav hai ki chandra ki mahadsha men vaivahik sukh mile, parantu mangal ki dasha men fir se uske chin jane ke sanket hain. tatparya yah hai ki iska vaivahik jivan santulit nahin rahega. chandra lagn se dasham men mangal aur ekadash men surya, budh aur shukra sthit hain. bhagyesh mangal ki dasham men aur bhagya sthan men rahu aur dvadash men guru ki sthiti unhen bhagya ka labh adhikatar videsh se dilvaegi.
if you are facing any type of problems in your life you can consult with astrologer in delhi