bhagavat puran men ullrekh hai ki mahabharat se pahle 13 din ke andar chandragrahan aur suryagrahan pare the, aur fir itna jan sanhar hua ki keval ginti ke log hi bache. is varsh bhi aktubar mah men do grahan pare aur ab kartik mah ka shukla paksh keval 13 din ka hai - 3 navanbar se 15 navanbar tak. is paksh men pratipda v purnima donon ka kshay ho raha hai. avashya hi kuch sanhar hone ki ashanka hai. jyotish men mana gaya hai ki terah din ka paksh sanharak hota hai. yah raja evan praja donon ke lie hi kashtadayak hota hai.
khagol shastra ke anusar aisa kab, kyon aur kaise hota hai, aie dekhen:
pratyek amavasya ke bich ausat man 29 din 14 ghante 44 minat 3 sekand hota hai jo ki 6 ghante kam ya adhik tak ho sakta hai. is prakar ausatan ek paksh 14 din 21 ghante 22 minat ka hota hai lekin iski avdhi men ek din tak ka antar a jata hai. arthat ek paksh kam se kam 13 din 23 ghante se lekar adhik se adhik 15 din 22 ghante tak ka hota hai. atah jab bhi paksh 14 din se kam ka hota hai to suryoday kalin tithi ki ganna ke karan paksh ke 13 din ke hone ki sanbhavna ban jati hai. yadi amavasya suryoday ke kuch minton bad samapt ho rahi ho to vah paksh 13 din ka ho jata hai.
udahrnarth kartik shukla paksh men dilli men amavasya 2 navanbar, 2005 ko pratah 6ah56 par samapt hui jabki suryoday 6ah35 par ho chuka tha. atah 2 navanbar ko amavasya hi mani gayi. pratipda 3 navanbar ko 6ah26 par samapt hokar kshay ho gai, is prakar 3 navanbar ko dvitiya se paksh praranbh hua. paksh ki samapti ke din 15 navanbar ko chaturdashi pratah 7ah28 par samapt hui aur purnima bhi 16 navanbar ko suryoday se pahle 6ah29 par samapt ho gai. is prakar punria ma ka bhi kshay hua. yadi kartik purnima ke samapti kal se kartik shukla pratipda ka praranbh kal ghataen arthat 16 navanbar 6ah29 ghante se 2 navanbar 6ah56 ghante ghataen to paksh ki avdhi 13 din 23 ghante 33 minat ati hai jo 14 din se keval 27 minat hi kam hai; lekin kyonki suryoday ke turant bad hi amavasya samapt hui, islie paksh keval 13 din ka rah gaya.
ek bat dhyan dene ki hai ki paksh ki avdhi 14 din se keval 27 minat hi kam hai jabki bharat ka rekhansh purva se pashchim tak lagabhag 980 pu. se 680 pu. tak faila hua hai arthat suryoday men 2 ghante tak ka antar a jata hai. atah 13 din ka paksh pure bharat men nahin faila hua hai. yah keval 800 pu. se lekar 700 pu. tak ke rekhanshon ke madhya hi hai. yadi ham kolkata ki or jate hain to suryoday pahle ho jata hai.
purnima ka kshay nahin hota hai arthat paksh 3 navanbar se 16 navanbar tak 14 din ka ho jata hai. isi prakar pashchim men dvarika ki or jane se suryoday der se hota hai. is karan amavasya suryoday se pahle hi samapt ho jati hai aur 2 navanbar ko hi paksh ka praranbh manen to yah 15 navanbar tak 14 din ka ho jata hai.
is prakar terah din ka paksh hona pure bhumandal ke lie satya nahin hai apitu ek kshetra vishesh ke lie hi aisa hota hai. bharat men yah kshetra dilli v munbai ko madhya men rakhte hue lagabhag adhe bharat ko achchadit karta hai. sath hi paksh ki avdhi kam se kam 13 din 23 ghante ki hoti hai isilie yah kshetra bhi prithvi ke 1/24 bhag se adhik nahin hota. ek aur tathya yah hai ki paksh ka man 14 din se kam ho, aisa varsh men 3-4 bar amtaur par ho jata hai. varsh 2005 men dekhane to yah sthiti 3 bar ai. march men 25 tarikh se 26ah28 se lekar aprail 8 ko 26ah02 tak chaitra krishn paksh 13 din 23 ghante 34 minat ka paksh raha. punah 24 aprail 15ah36 se 8 mai 14ah15 tak 13 din 22 ghante 39 minat ka vaishakh krishn paksh aur ant men navanbar men kartik shukla paksh 13 din 23 ghante 33 minat ka raha.
paksh jab bhi 14 din se kam ka hota hai to vishva men kahin n kahin 13 din ka ho jata hai- keval amavasya ya punria ma suryoday ke samay samapt honi chahie. yadi amavasya /purnima samapti kal bharat men suryoday ke bad hota hai to bharat se pashchim men 13 din ka paksh hota hai. yadi yah suryoday ke purva ho to bharat se purva men 13 din ka paksh dekha ja sakta hai. iska karan yah hai ki pashchim men suryoday bad men hota hai. uparyukt ganna men bhi aisa hi dekhne ko milta hai. march men japan men, aprail men nyu yark men evan navanbar men bharat men yah sthiti dekhne ko milti hai. pahle do avasar samachar men nahin ae, kyonki ye sthitiyan bharat men nahin ghatin evan anya deshon men tithi adi ki pratha nahin hai.
atah kaha ja sakta hai ki 13 din ka paksh vishva men kahin n kahin prati varsh hota hai. ausatan 20-30 varsh bad yah sthiti dobara ati hai aur jis kshetra men paksh 13 din ka hota hai us kshetra men us paksh men ya nikat bhavishya men ulkapat ho sakta hai. atah bharat ke lie 13 din ka paksh koi achchi suchna lekar nahin aya hai. dilli men bharat sarkar ke lie yah samay ek chunauti ka samay ho sakta hai.