jab var ya kanya ki kundli men mangal lagn, chaturth, saptam, ashtam ya dvadash bhav men ho, to mangal dosh hota hai. mangal dosh lagn se adhik prabal mana jata hai, lekin chandrama se iska dosh lagn ki apeksha kam hota hai. yadi shastranusar var evan kanya ka mangal dosh bhang ho jata hai to unka dampatya jivan prasannatapurvak vyatit hota hai.
iske viprit bina dosh bhang hue mangli dampatiyon ko jivan men kai prakar ki anavashyak samasyaon tatha vyavdhanon ka samna karna parta hai. mangal dosh parihar ke anek sutra batae gae hain. jaise:
aje lagne vyaye chape patale vrishchike sthite. vrishe jaye ghate randhre bhaum dosho n vidyate..
lagn men mesh dvadash men dhanu, chaturth men vrishchik, saptam men vrish tatha ashtam men kunbh rashi men mangal sthit ho, to mangal dosh nahin hota hai. bhaumeah vakrini nichgrihe va'rkasthe va n kujdoshah.
yadi mangal vakri, nich ya ast ka ho to mangal dosh nahin hota. saptamo yada bhaumah gurunan ch nirikshata. tadastu sarvasaukhyan v mangli doshnashkrit..
saptamasth mangal par yadi guru ki drishti ho to mangal dosh samapt ho jata hai.
uprokt sutra hajaron varsh purva jyotish shastra men likhe gae the. aj bhi ham usi prakar se unka prayog karte hain. lekin kya ye sutra purn rupen satya hain? vyavhar men aisa dekhne men nahin ata. jis melapak men koi dosh nahin hota uska bhi dampatya jivan vifal paya jata hai aur iske viprit melapak doshyukt hone par bhi dampatya jivan sukhamay dekha ja sakta hai. melapak evan mangli milan ko kasauti par utarne ke lie akhil bhartiya jyotish sanstha sangh ki ek chatra aparna sharma ne lagabhag 200 dampatiyon ki kundliyan ekatra kin jinmen lagabhag ek tihai ka danpatya jivan sukhamay hai, ek tihai ka takravpurn evan ek tihai ka sanbandh vichched ho gaya hai ya hone vala hai. is adhyayan se jo tathya samne ae ve prachlit sutron se bahut hi bhinn hain. udahrnarth kuch yog jo hamen prapt hue ve is prakar hain.
- purushon men mangal pratham v ashtam bhavon men nesht hai evan tritiya bhav men shubh hai jabki striyon men yah pratham evan tritiya bhavon men nesht v navam evan ekadash men shubh hai aur 4,7,12 men lagabhag sam hai.
- purushon men nich, uchch v svagrihi mangal nesht fal deta hai v shukra evan budh ke ghar men fal sabse shubh rahte hanai. guru ke ghar men bhi fal nesht hi hain. striyon men mangal surya evan chandra ke ghar men uttam faldayak hai. lekin uchch, svagrihi v guru ke ghar men mangal nesht faldayi hi hai.
vistrit fal nimn graf dvara dekhe ja sakte hain -
- mangal, shani v ketu 11ven bhav men shubh faldayak hain, lekin rahu isi bhav men ashubh faldayak hai.
- sabhi grah kahin shubh faldayak hain aur kahin nesht. keval mangal hi ashubh faldayak nahin hota. udahrnarth surya tisre bhav men, chandra 1 aur 12 men, mangal mukhyatah pratham men, budh dusre bhav men, guru chathe men, rahu 11ven men evan ketu 5ven men sabse nesht pae gae hain.
- isi prakar surya 8ven aur 12ven bhavon men, chandra 10ven men, mangal 9ven aur 11ven men, budh 8ven aur 12ven men, guru 8ven men, shukra 1,7,11ven men, shani 11ven men, rahu 6 aur 7 men evan ketu lagn aur 12ven men sabhi dampatya jivan ke doshon ka shaman karte hue pae gae hanai.
- mangal dosh ke atirikt gun dosh melapak men bhi tinon varrgon men melapak ke ausat ankon men kuch antar nahin paya gaya. isse spasht hai ki gun melapak, jo dekhne men ati vaigyanik aur gannatmak pratit hota hai, vastav men purn rupen navinikaran chahta hai.
is prakar ke shodh jyotish ko shighra hi nae ayam-pradan karenge. punah jyotish ki pramanikta aur vishvasniyata sudrirh karenge aur ise vahi rup dene men samarth honge jaisa ki yah hajaron varsh purva tha.