gat 3 disanbar 2006 ko kanpur men bahu sanbandh evan bahu vivah par ek divsiya jyotishiya sammelan sanpann hua. jyotish men bahu sanbandh ke lie shukra ko karan mana gaya hai. jab bhi shukra krur ya ashubh grahon se sanbandhit hota hai to bahu sanbandh yog bante hain. isi prakar saptam bhav vivah ka bhav hai aur jab bhi saptam bhav ka sanbandh ashubh ya krur grahon se arthat mangal ya surya se hota hai to bahu vivah yog banta hai.
kuch mukhya vivah yog is prakar hain -
- shani ki saptam bhav men sthiti.
- mangal ki saptam bhav men sthiti v shani ki us par drishti.
- saptam bhav men shani v chandra ki sthiti.
- lagn, dvitiya ya saptam bhav men papi grah ho tatha saptamesh nirbal ho.
- balvan shukra ki saptam men sthiti.
- akela ashtamesh lagn ya saptam men sthit ho.
- mangal lagn men tatha saptamesh asht men v ashtamesh dvadash men ho
- saptamesh nich shubh grahon ke sath ho.
- saptam bhav men adhik grah hon aur un par saptamesh ki drishti n ho.
- saptam men mangal, shukra ya shani ho tatha lagnesh ashtam bhav men ho.
apni kundli men sabhi dosh ki jankari paen kampalit dosh riport men
is prakar anek yog bahu vivah ke suchak hain. lekin ye yog purn rup se khare nahin utrte. anek kundliyon men aise yog hote hue bhi bahu vivah nahin hota hai. satik vishleshan ke bina bahu vivah ka fal kathan jyotish ke prati logon ke vishvas ko kshin karta hai. keval ek, do ya tin yogon ke adhar par fal kathan kar dene se bhul hone ki sanbhavnaen bahut adhik rahti hain. pashchimi deshon men bahu sanbandh to shayad shat pratishat hote hi hain, lekin bahu vivah bhi 25 pratishat se adhik hote hain. bharat men bhi bahu sanbandhon ka pratishat adhik hai, lekin bahu vivah abhi bhi 5 pratishat se adhik nahin hote. yadi melapak par purnataya dhyan rakha jae aur yah navin shodhon ke anusar kiya jae to shayad vivah sanbandhon ke vichched par ankush lagaya ja sakta hai aur parivar ko tutne se bachaya ja sakta hai.
bahu vivah par shodh karne ke lie 275 jatkon ka janm vivaran ekatra kiya gaya. inmen 100 jatkon ki keval ek shadi hui thi aur ve kam se kam 40 varsh ke the. 100 jatkon ke punarvivah ho chuke the aur 75 jatkon ka ek bar bhi vivah nahin hua tha. sabhi ka vivaran ekatra karke grahon ki sthiti men samanta nikali gai aur nimn fal dekhe gae.
- sabse adhik mesh lagn ke jatak vivah nahin karte hain. sinh lagn ke log adhikanshtah ek vivah men vishvas karte hain aur vrishchik v mithun ke lagn logon men bahu vivah adhikatam hote hain.
- surya, budh v guru kanya men, chandra tula men, mangal sinh v tula men, shukra min men, shani mesh v min men v rahu kunbh, min, mesh v vrish men brahmachari yog ka srijan karte hain.
- guru, shani v rahu ka brahmachari yog men sabse adhik yogdan hota hai. keval in tin grahon se lagabhag 80 pratishat tak is yog ki satik ganna ho sakti hai.
- surya kanya men, rahu v chandra mesh men, mangal, budh v shukra tula men, guru kark men aur shani min men bahu vivah ke yog ko prabal karte hain.
- chandra saptam men, budh v shukra lagn men, rahu chathe v barhven bhavon men brahmachari yog ko prabal karte hain.
- surya dasham men, chandra v shukra dvadash men, mangal dvitiya men, budh v guru ekadash men, shani saptam men v rahu chaithe bhav men bahu vivah ko prabal karte hain.
- uparyukt gannaon se pata chalta hai ki mangal, guru, shukra ya rahu saptam bhav men bahu vivah ke prerak nahin hai.
- lagn men koi bhi grah nesht nahin hai v dvitiya bhav men mangal ko chorakar anya koi bhi grah nesht nahin hai.
- ashtam bhav men surya ke atirikt koi grah bahu vivah yog ko prabal nahin karta.
- dvadash bhav men chandra v shukra ke atirikt koi grah nesht nahin hai.
uparyukt shodh ke parinam ko dekhte hue nishkarsh niklta hai ki is vishay par aur shodh ki avashyakta hai v gyat niyam bahu vivah par fal kathan ke lie kafi nahin hain.
janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.