yah sarvavidit hai ki shri krishn ka janm bhadra krishn ashtami ko mathura men hua. jaisa granthon men vidit hai, vikramaditya sanvat 2061men shri krishn ke janm se 5230 varsh bit chuke hain. jyotish kanpyutar program liyo gold evan pam kanpyutar program liyo pam dvara ganit karne par shri krishn ka janm kal 21 julai 3228 isa purva prapt hota hai. unki janmakundli, navansh kundli evan grah spasht nimn ate hain. janm ke samay aynansh -480 17’59’’ ata hai evan dasha ka bhogya kal chandrama 3 varsh 9 mah 28 din ata hai.
banglur ke jyotirvid shri bi.vi raman ne apni pustak 300 important combinations (300 pramukh yog) men bhi shri krishn ka janmang diya hai. unke anusar shri krishn ka janm 3228 i.pu. men vrish lagn men hua evan chandra ki bhogya dasha 4 sal 2 mah 21 din thi. unke dvara diya gaya janmang kanpyutar dvara banaye gaye janmang se purnatah milta hai. navansh kundli bhi adhikanshtah milti hai, lekin, shri raman ke anusar, navansh lagn mithun ata hai, jabki kanpyutar dvara kark navansh ata hai. navansh men shukra evan shani men bhi thora sa antar ata hai.
yah antar ganna ke matbhed ke karan ho sakta hai, lekin janm tithi men bhed ke karan kadapi nahin. jyotish ratnakar pustak men bhi shri krishn ka janmang diya hua hai. lekin yah kanpyutar dvara nirmit janmang se kafi bhinn hai. is janmang men mangal saptam men evan shani dasham sthan men darshaye gaye hain. sath hi guru pancham men budh ke sath evan rahu shashth sthan men dikhaye gaye hain. kuch anya granthon ke anusar shri krishn ke janmang men guru uchch ka kark men evan shani uchch ka shashth men dikha kar, budh aur chandra sahit, 4 grah uchch ke darshaye gaye hain. yah sab grah sthitiyan shayad kisi ganit par adharit n ho kar kavyanusar patri ko balvan banane ke lie di gayi hanai. atah unki satyata par bharosa nahin kiya ja sakta.
shri krishn ne janm ke pashchat lagabhag 125 varsh 7 mah prithvi par rajya kiya evan chaitra shukla pratipda shukravar ko 3102 i.pu. men apna sharir tyaga. usi din, dvapar yug samapt ho kar, kali yug ka praranbh hua aur aj kali yug ke 5105 varsh purn ho kar 5106 van varsh chal raha hai. jyotish ratnakar pustak ke anusar chaitra pratipda shukravar, tadnusar 18 farvri 3102 i.pu. ko kali yug ka praranbh hua.
grah spashta
| lagna |
vrish |
20: 03: 59 |
guru |
sinh |
28: 12: 32 |
| surya |
sinh |
18: 08: 53 |
shukra |
karka |
15: 06: 31 |
| chandra |
vrish |
18: 13: 49 |
shani |
vrishchik |
23: 37: 37 |
| mangl |
karka |
02: 52: 00 |
rahu |
karka |
15: 04: 20 |
| budh |
kanya |
01: 52: 38 |
ketu |
makr |
15: 04: 20 |
kanpyutar dvara kali yug ke praranbh hone ki ganna karne par yah gyat hota hai ki iska praranbh 18 farvri 3102 i.pu. shukravar ko hi hua. anya pustakon men bhi kali yug ka praranbh isi din diya gaya hai. atah kali yug ke praranbh hone ki ganna men koi matbhed nahin hai. yadi krishn ki ayu ko kaliyug ke praranbh kal se ghata kar janm tarikh nikali jae, to usse bhi janm varsh 3228 i.pu. hi ata hai. atah shri krishn ke janm kal men koi matbhed ki gunjaish nahin hai aur unki janm tithi avashya hi 21 julai 3228 i. pu. hai.
kuch panchangon men shri krishn ka janm kali yug se 135 varsh purva darshit kiya gaya hai, arthat aj se 5240 bitte dikhaye gaye hain. yah ek bhul pratit hoti hai, kyonki is ganna par banayi gayi patri shri krishn ki di gayi patriyon se kuch bhi mel nahin khati hai. shri krishn ka janm aj se 5230 varsh purva hi hua evan san 2004 ki janmashtami ke din 5231 varsh purn ho kar 5232van varsh aranbh hoga. shri krishn ki patri ka vivechan karen, to lagn ka chandra unko akarshan pradan karta hai. guru aur budh ki pancham men yuti evan budh ka uchch hona unko vak chaturya evan bauddhik vilakshanata pradan karta hai. shani saptam men bahubharya yog deta hai. tisre bhav men rahu, mangal aur shukra ka yog jivan ko sangharshamay evan yuddh men lipt rakhta hai. navam bhav men makar ka ketu tejasvi, prasiddh evan janm sthan se dur rahne vala banata hai. janmang ke fal shri krishn ke janmafal se purnataya milte najar ate hain. atah niahsandeh kanpyutar dvara di gai kundli hi shri krishn ki janm kundli hai.