un dyauah shantirantariksh n shantiah prithivi shantirapah shantiroshdhyah shantiah. vanaspatayah shantirvishve devaah shantibrrahm shantiah sarvan shantiah shantirev shantiah sa ma shantiredhi..
hamare lie dyulok, antriksh, prithvi, jal, aushdhiyan, vanaspatiyan, vishva dev, parabrahm sab shantiprad hon. charane or shanti ho, shanti ho. is prakar ki shanti hamari or sada barhti rahe.
vaidik jyotish men grahan ko sarvada anishtakari hi mana gaya hai jabki vaigyanik isko keval grahon ki chal ka ek hissa mante hain. unke anusar prithvi aur chandrama sarvada ghumte rahte hain aur is karan jab bhi chandrama surya aur prithvi ke madhya ata hai to surya grahan aur prithvi chandra tatha surya ke madhya ati hai to chandra grahn hota hai.
khagolvigyan ke anusar grahan ke kuch niyam hain
- ek varsh men adhikatam 7 grahan ho sakte hain-3 surya aur 4 chandra ya 2 surya aur 5 chandra.
- ek varsh men kam se kam do surya grahan hote hain.
- 18 varsh 11 din bad grahnon ke kram ki punravritti hoti hai. ise saros chakra kahte hain.
- 19 varsh pashchat tarikh aur tithi ki punravritti hoti hai.
- surya grahan se adhik chandra grahan hote hain.
- surya grahan se pahle ya bad men chandra grahan avashya hota hai.
- surya jab rahu ya ketu ko 9 dinon men chu lene vala ho tabhi chandra grahan lag sakta hai.
- surya grahan ke lie surya ki rahu/ketu se adhikatam duri 18.50 ho sakti hai.
- surya se rahu ya ketu ki duri 12.10 se kam hone par hi chandra grahan ho sakta hai. purn chandra grahan ke lie yah duri 50 se kam honi avashyak hai.
- chandra grahan ki adhikatam avdhi paune do ghante hoti hai.
- purn surya grahan adhik se adhik 7 minat 30 sekand hi rah sakta hai.
grahan jaisi grah sthiti to pratyek amavasya ya purnima ko bhi utpann hoti hai, antar keval itna hi hai ki surya, chandra aur prithvi ek dhuri men hote hain to grahan hota hai evan chandrama yadi surya aur prithvi ki rekha se upar ya niche rah jata hai to grahan nahin hota. is prakar vichar karne se to grahan men aur purnima v amavasya men koi adhik antar nahin dikhta, fir kyon vaidik jyotish men isko itna mahatva diya gaya hai? grahan aur bhukanp ka kya sanbandh hai? 200 se adhik bhukanpon ke adhyayan se malum chalta hai ki bare vinashkari bhukanp adhikatar grahnon ke pas ardharatri ko ya subah ate hain. grahan ka bhukanp se sanbandh kyon hai? iska mukhya karan hai gurutvakarshan shakti. hamen malum hai ki bhukanp prithvi ki pleton men halachal ke karan ate hain. vigyan ke siddhant ke anusar koi bhi vastu tab tak nahin hilti hai jab tak us par koi bal n lagaya jae.
prithvi ki pleton ko hilane ke lie bahut adhik bal ki avashyakta hoti hai joki prakriti men grahon ke gurutvakarshan se hi milna sanbhav hai. surya, chandra aur prithvi ke ek hi dhuri men a jane se yah gurutvakarshan khinchav bahut adhik ho jata hai evan chandrama ki tivra gati ke karan is bal ki disha men badlav ata rahta hai jiske falasvarup pleton men halachal machti hai aur bhukanp ki sthiti banti hai. jyotish men isse bhi adhik sukshmata se rishi muniyon ne grahnon ke prabhav ka adhyayan bhukanp hi nahin balki manushya ke upar bhi kiya hai jaise:
- agni rashi men grahan raja ke lie anishtakar evan yuddh v agjni ka karak hota hai. prithvi rashi men krishi ke kshetra men apda evan bhukanp deta hai. vayu rashi men andhi v tufan aur jal rashi men barh evan pani se kasht tatha bhari sankhya men narsanhar darshata hai.
- jis ansh par grahan lagta hai yadi usi ansh ke as pas janmang men koi grah ho to us par grahan ka bura asar parta hai. yah grah jis bhav ka karak hoga uska fal prabhavit hoga.
- yadi bhav ke ansh par grahan lagta hai to bhi us bhav ke fal prabhavit hote hain.
grahan ka asar kai guna adhik ho jata hai jab anya grah sabhi rashiyon men bante n hokar aspas ki rashiyon men hi sthit rahte hain. 3 aktubar 2005 ko surya grahan ke din mangal ko chor shesh grah kark 150 se vrishchik 10 ke madhya arthat 1050 ke madhya hi the. aisi sthiti men chandrama jab bhi bahar niklta hai, gurutvakarshan ekadam kam ho jata hai evan pleten khisak jati hanai jisse bhukanp ki sthiti paida ho jati hai.
3 aktubar ko grahan prithvi rashi men hone ke karan bhukanp ka karak bana. grahan kyonki dakshin eshiya men dekha gaya tha is karan yah kshetra bhukanp ke lie aur bhi adhik sanvednshil ho gaya. is din surya kanya rashi arthat prithvi rashi men tha joki bhukanp karak hai. is prakar 9 aktubar, 2005 ko pakistan v bharat men 7.4 tivrata ka bhukanp aya joki 40,000 se adhik logon ki mrityu ka karan bana.
ek bat avashya hai ki grahan evan grahon ki sthiti se bhukanp ka sanbandh to avashya hai, lekin bhukanp aega ya nahin iske lie prithvi ke andar bhi jhankne ki avashyakta hai. keval jyotish dvara bhukanp ka purnataya purvanuman lagana kathin hai kyonki yadi pleton ke bich men antar pahle se adhik ho to gurutvakarshan men thora sa parivartan bhi bhukanp paida kar deta hai anyatha gurutvakarshan men aya bhari parivartan bhi bhukanp paida nahin kar pata. atah jyotish se ham bhukanp ka purvanuman to laga sakte hain lekin kahan par, kis samay, kis kshamata ka bhukanp aega iski nishchit bhavishyavani karna kathin hai.