ved ki avichchit paranpraon ke sanrakshak evan acharyatva karta bhagvan adya shankracharya bhagatpad ka avirbhav aj se 2512 varsh purva, yudhishthir sanvat 2631 kali sanvat 2593 isa purva 510 men, keral prant ke kalri gram punya sthali men nandan nam sanvatsar punarvasu nakshatra ravivar madhyahn ko mata aryanba tatha pita shiv guru ke sukrityanchal men hua.
bharat rashtra ki mulbhut ekta ko vyavharik svarup dene vale adi shankar hi hue. bharat ke charon konon men badrinath, jagannath, rameshvaram tatha dvarika charon dham evan upasna pith kanchi kamkoti pith ki sthapna ki. ”ekmevadvitiyam“ ke amritatva ekatmakata ki udghoshna se manvta ki divya chetna ko jagrat kiya. prachin shankar vijay, kanchi dvarka, dvarkapuri mathon dvara svikrit tithi patra ke anusar:
tishye pratyatyanlshevdhi bannetre. ye nandane dinmnavudagadhvabhaji. radhe'dite rudu vinirargatamasalagne. 'tyahutvan shivguruah s ch shankreti..
anal 3, shevdhi 9, ban 5, netra 2 = 3952 (anknan vamto) ise ulta kijie 2593 kali sanvat. is prakar adi shankar ka janm kali sanvat 2593 arthat gat kali 2593 men hua.
i. pu. men juliyan kailendar kali sanvat kis prakar se chalte hain, yah samjhte hain:
- 1 janvri san 1 se purva yah kailendar prachlit nahin tha.
- 1 janvri san 1 se juliyan kailendar rom ke juliyas sizar ne jari kiya. ismen har 4 varsh ke bad lip varsh tha. is prakar 1 varsh ka man 365.25 din liya gaya, jabki prithvi surya ka chakkar pura karne men 365.2422 din hi lagati hai. is prakar prithvi evan kailendar varsh men 11 minat 4 sekaned ka antar prativarsh ata gaya, jo san 1582 tak lagabhag 11 din ho gaya.
- pop gregori ne kailendar ko sahi karne ke lie san 1582 men kailendar 10 din age khiska diya. 4 aktubar 1582 ke bad 15 aktubar 1582 ki tarikh rakh di gayi evan har shatabdi ke lip varsh se hata diya, jab tak ki vah 400 se bhajit n ho. is prakar se aj ka yah kailendar prachlit hua.
- 2000 varsh purva keval chand ko dekh kar mah, ya tithi ka akalan kiya jata tha. atah isa purva men juliyan kailendar ko piche chala kar tarikh nikali jati hai. 1 janvri san 1 se pahla din 31 disanbar 1 i. pu. hai. juliyan kailendar men 1 i. pu., 5 i. pu.., 9 i. pu.. adi ko lip varsh liya jata hai evan 101 i. pu., 201 i. pu0. 301 i. pu.. evan 401 i. pu.. ko bhi lip varsh hi liya jata hai.
- kali yug 3102 i. pu. chaitra shukla pratipda, arthat 18 farvri 3102 i. pu. shukravar ko shuru hua. 2003-2004 men kali varsh 5105 chal raha hai.
kali sanvat 3102 i. purva se praranbh hone ke karan 3102 se 2592 nikalne par 510 i. purva hi bachta hai. 510 i. purva aur vartaman 2003 i. san ka yog karne par evan ek ghatane par 2512 varsh shankar kal ata hai. ek islie ghataya hai, kyonki ek i. pu. ke bad san 1 ata hai evan 0 varsh koi nahin hota hai. vartaman kali 5105 se adi shankracharya ka janm kal kali 2593 varsh ghatane par 5105-2593=2512 varsh hi shesh ata hai. ataev bhagavatpujyapad adya jagtguru shankracharya ka avirbhav 2512 varsh pahle hua.
kanchi kamkoti pith ke surakshit lekhon men adi shankracharya ka pradurbhav kal 2593 kali varsh vaishakh shukla panchmi varnit hai evan sharda pith (dvarka) ke anusar adi shankracharya ka pradurbhav 2631 yudhishthir sanvat vaishakh shukla panchmi hai. kyonki kali varsh evan yudhishthir sanvat men 38 varsh ka antar hai, atah sabhi maton ke anusar adi shankar ka janm 510 i0 pu. men hi hua.
| lagna |
karka |
25°21' |
| surya |
mesh |
29°51' |
| chandra |
mithun |
29°33' |
| mangl |
vrish |
14°02' |
| budh(v) |
mesh |
29°20' |
| brih0 (va) |
tula |
07°24' |
| shukra (va) |
mesh |
15°07' |
| shani |
kunbh |
26°09' |
| rahu |
vrish |
27°18' |
| ketu |
vrishchik |
27°18' |
| aynansh |
- |
-10°59'25" |
16 aprail 510 i. pu.,
dopahar 12:00, kalri, kerl
ab yadi 510 i0pu0 men vaishakh shukla panchmi dekhte hain, to juliyan kailendar ke anusar tarikh 16 aprail 510 i0pu0 ati hai evan var shukravar ata hai. jaisa gyat hai ki adi shankar ka pradurbhav madhyahn men hua aur us samay ke grah spasht karen, to chandrama punarvasu nakshatra ke tritiya charan men ata hai, aisa hi prachin sutron se prapt hota hai. is prakar adya shankracharya ji ka avirbhav 16 aprail 510 i. pu. madhyahn, kalri men hua, jis samay ki janmapatri nimn hai:
is ganna men keval ek antar ata hai aur vah hai var. prapt patron ke anusar janm var ravivar hai, jabki ganna men shukravar ata hai. yah antar keval ek karan se ho sakta hai ki prachin kal men kabhi var ki ganna men parivartan kiya gaya ho, jo itihas men varnit nahin hai. varsh, mah, tithi evan nakshatra ke purn rup se mil jane se yah purn rup se mana ja sakta hai ki janmapatri satik hai.