lekhan kala men pravin hone ke lie achchi ekagrata, tivra smaran shakti, atulniya pratibha evan utkrisht medha-shakti ka hona ati avashyak hai. lekhan evan kavya ke kshetra men dakshata prapt karne hetu sarvapratham parmavashyak tatva hai- man sarasvati ki aradhna evan unka ashirvad prapt karna. tab kahin jakar lekhn-karya karne ki prerna evan usmen saflta prapt hoti hai.
ek safal evan pratishthit lekhak ya kavi banne ke lie janm patrika men nimnankit kuch grah-yogon ka hona ati avashyak hai- jyotish men mukhytah budh grah tatha tritiya bhav ko lekhan, patrakarita, pustak sanpadan ityadi ka karak mana gaya hai.
iske atirikt pancham bhav (utkrisht gyan, saflta evan vidya bhav) ka sanbandh bhi lekhan karya se hota hai. budh grah yadi shubh hokar 1, 3, 4, 5, 7, 8, 9 bhavon men sthit ho, to jatak safal lekhak athva kavi ban sakta hai kyonki ye sabhi bhav kisi n kisi rup se shiksha, buddhi, gyan, saflta, vyavsay evan bhagya se sanbandhit hain.
iske atirikt yadi budh ka sanbandh labh bhav se sthapit ho jay to jatak lekhak banakar arthik labh bhi prapt karta hai. lekhan kala se sanbandhit anya grah- chandra, guru, shukra tatha shani hain. shubh chandrama jatak ko antahpragya tatha kalpana shakti pradan karta hai.
guru uchchastariya gyan, lekhan kaushal, mansik kshamata evan svasth medha shakti ka karak grah hai. shukra lekhan - kala men utkrisht shaili, rachnatmakata evan saumyata ka samavesh karta hai tatha shani sochne ki shakti evan use karyarup men parinat karne ki shakti dekar vyakti ko svatantra chintan evan vicharak banakar anttah use vilakshan evan adbhut lekhn-pratibha ka dhani banata hai.
yadi janm patrika men in grahon ka sanbandh budh grah ya lekhan se sanbandhit bhavon se sthapit ho jay to jatak men apni soch, kalpana shakti evan vicharon ko lekhan ke madhyam se samaj tak pahunchane ki adbhut kshamata svatah hi viksit ho jati hai kyonki budh grah svayan hi utkrisht bauddhik kshamata, tark shakti evan lekhan kala ka pratinidhi grah hai.
jab lagnesh, tritiyesh ya tritiya bhav ki yuti ya drishti sanbandh budh, guru, chandra ya dasham bhav se bane to jatak lekhn-karya ko vyavsay ke rup men apnata hai. 'horashastra' ke anusar panchmesh yadi navam bhav men ho to ek safal lekhak banne ke lie yah ek uttam grahyog hai. janmakundli men yadi sarasvati yog ka nirman bhi ho raha ho to jatak lekhan ke kshetra men gagnchumbi unchaiyon ko chuta hai.
prastut kundli antarrashtriya khayati prapt lekhika, kavyitri evan panjabi upanyaskar amrita pritam ki hai. kundli men lagnesh navam bhav men budh ke sath sthit hai. trikon (navam bhav) men budh evan guru ki yuti se sarasvati kripa dilane vala 'sarasvati yog' bhi purnatah parilakshit ho raha hai. panchmesh guru navam bhav men uchchasth hokar lekhan evan buddhi ke karak budh ke sath sthit hai.
tritiya (lekhan bhav) par guru, budh evan mangal ki saptam drishti bhi hai. in sab grahyogon ke falasvarup hi amrita-pritam ko lekhan ke kshetra men advitiya saflta mili. yadi dvitiya, chaturth, pancham ya dasham bhav men surya-budh (budhaditya yog), budh-shukra athva guru-budh ki yuti ho to jatak safal lekhak ban sakta hai.
jab surya-shukra ka yog dvitiya bhav men tatha chandra, guru ki rashi men kendrasth ho athva chandra-guru ki yuti (gajkesri yog) pancham ya dashm-bhav men ho to aise grahyog jatak ko lekhak banane ke sath-sath ek achcha kavi bhi banate hain. yah kundli suprasiddh kavi evan upanyaskar 'ravindranath taigor' ki hai, jinke kavya sangrah 'gitanjli' ko 1913 men antarrashtriya 'nobel' puruskar se sammanit kiya gaya.
kundli men alagnesh guru uchchasth hokar pancham bhav men sthit hai. lagnesh guru ka uchchasth hokar vidya, buddhi evan saflta ke bhav men sthit hona lekhan karya evan uchchastariya gyan ke lie ati uttam yog hai. lagn bhav men chandra, guru ki rashi men sthit hai. dvitiya bhav men lekhan ke karak grah budh, tritiyesh shukra tatha uchcharashigat surya ki yuti ne unki lekhan shaili men oj, kalatmakata tatha kalpanashakti ko murtarup dene ki kala viksit ki.
falasvarup unhen kavi, lekhak env upanyaskar ke rup men antarrashtriya khayati prapt hui. yah kundli suprasiddh kavi evan lekhak harivansh ray bachchan ji ki hai jinki 'madhushala' namak kavya kriti ne sahitya jagat men unhen pratishtha dilai. kundli men navmesh budh lagnasth hai tatha dvitiya bhav men shukra, surya ki yuti hai. dasham bhav men uchch guru ki sthiti 'hans yog' ka nirman kar rahi hai.
ashtam men uchcharashi men sthit chandrama is yog ko aur bhi prabal bana raha hai. in grahyogon ke karan hi bachchan ji atyant khayati prapt evan labdh pratishth kavi v lekhak ban sake. jab janmakundli men tritiyesh, pancham bhavasth ho ya lagnesh tatha panchmesh ka yuti ya drishti sanbandh ho athva dashmesh grah budh ke navansh (mithun ya kanya) rashigat ho, to jatak sahitya ke kshetra ki or agrasar hokar ek safal lekhak banta hai.
kundli-4 vrishchik lagn ki hai. vrishchik lagn vale jatak jaliya tatva hone ke karan utkrisht bauddhik kshamata evan prabal, komal bhavnaon se ot-prot hote hain aur ye gun hi inhen lekhan evan kavita ki or akrisht karte hain. lagn kundli men lagnesh mangal labh bhav men budh ki rashi men ketu ke sath yuti bana raha hai. dvitiya bhav men shukra-chandra ke sath yuti karke jatak ko lokapriya kavi bana raha hai.
tritiyesh shani pancham bhav men guru ki rashi men sthit hai navansh kundli men bhi shukra-chandra ki yuti dvitiya bhav men hai tatha dashmesh surya bhi budh ke navansh (kanya) rashi men tritiya bhav men sthit hai. navansh kundli men budh ka dvadash bhav men svarashigat hona tatha guru ka navam bhav men svarashigat hokar tritiya bhav par drishti dalna bhi lekhan kala men safal hone ke lie atyant shubh yog hai. jatak ek safal kavi evan sashakt kahani lekhak hai.
uprokt sabhi kundliyon ki gahan evan sukshm vivechna karne ke uprant ek tathya jo atyant pramanik rup se samne ata hai vah hai sahitya ke kisi bhi kshetra men safal hone ke lie budh evan guru grah ka svochch, svarashi ya apni mul-trikon rashi men sthit hona, kendra ya trikon bhav men hona, tritiyesh ya tritiya bhav ka balvan hona tatha kundli men 'sarasvati yog' 'gajkesri yog' athva budhaditya yog adi ka hona.
if you are facing any type of problems in your life you can consult with astrologer in delhi