atm tatva ki shashvatta aur nirantrta hi punarjanm aur purva janm ke mulbhut karan hain. is tathya ko sansar ke sabhi prachin dharm granthon men svikar kiya gaya hai. gita in granthon men sarva pramukh hai. brihadparashar hora shastra ki sanpurn vyakhyaen bhi isi avdharna par adharit hain.
hora shastra 8 prakar ke shrapon ko vibhinn prakar ki badhaon ka karan manta hai. lal kitab bhi is satya ki pushti karti hai. yug- yugantron se srishti ka kram jari hai. hamari srishti jab se hai tab se punarjanm ki avdharna ka itihas hai. bhartiya sanskriti ke sandarbh men to aisa kaha hi ja sakta hai.
hindu sanskriti aur sabhyata se jivant samajik parivesh men ''punarjanma'' anek kavyon aur lok gathaon men varnit hai. hindu dharm se bhinn kuchek dharmik granth 'kuran' adi men punarjanm evan atma ki amrta ko nahin svikara gaya hai. parantu in dharm granthon ka itihas hi naya hai. hindu dharm ya usse milte-julte anya dharmon-sikh, bauddh adi men punarjanm ki avdharna ko thos samarthan prapt hai.
''ved'' duniya ke sabse purane granth hain. inmen bhi atma ki amrta aur punarjanm ki charcha ki gai hai. ''gita'' punarjanm ki vyakhya ko sudrirh karne vala advitiya granth hai. desh men anek aisi ghatnaen ghatti rahti hain jo hamare punarjanm ki avdharna ko satya siddh karti hai. amuk bachcha/bachchi alpayu men hi apne ko purvajanm men amuk nam ka vyakti, amuk ganv ka rahne vala apne ko batata hai.
vah purvajanm ke apne mata-pita evan kuchek sanbandhiyon ka nam bhi batata hai. vah purvajanm men apni mrityu ke karan ko bhi batata hai. batae gae ganv men le jane par vah purvajanm ke apne ghar, mata-pita adi ko bhi pahchan leta hai. ye sab ghatnaen yah siddh karne ko kafi hai ki vyakti ka punarjanm hota hai aur atma amar hai.
hamari sanskriti men aisi manyata hai ki jis vyakti ko marnoprant moksh ki prapti nahin hoti hai, vah do prakar ki yoniyon men jata hai. pratham vah ya to punah janm leta hai ya adham yoni bhut-pretadi yoni men jata hai.
atma ki amrta- vaigyanik kasauti par khara tathya : kuch varsh purva hi ameriki bhautikvidon ne antriksh aur kal (samy) ki ganna kar sat samanantar brahmand hone ka dava kiya hai. lekin ye sat samanantar brahmand kahan hain, iske sanbandh men koi jankari unhen abhi nahin hai. unhonne kaha hai ki mrityu ke karib pahuncha vyakti iska anubhav karta hai.
tathapi unka dava hai ki vyakti ki mrityu ke bad sharir se nikli atma kisi ''dusri duniya'' men pahunch jati hai arthat atma ka vinash nahin hota hai. hamare samaj men bhi kaha jata hai ki mrityu ke pashchat atma ka janm is lok ke alava anya lok lokantaron men hota hai aur mrityu ke samay vyakti ko ''ril'' ki tarah sab kuch dikhta hai.
punarjanm ke bare men jyotishiya tathya brihajjatak nairyanikadhyay ke anusar : surya aur chandrama men jo bali ho vah bali grah jis dreshkan men ho us dreshkan ka svami guru ho to jatak devlok se ata hai.
yadi chandrama ya shukra dreshkanpti ho to pitrilok se; yadi surya ya mangal dreshkanpti ho to niryaga(martya) lok se tatha yadi shani ya budh dreshkanpti ho to narak se jatak aya hua hai aisa samjhna chahie. isi adhyay men marnoprant jiv ki sthiti bhi batayi gai hai. janm lagn se 6/7/8 sthan men sthit grahon men jo grah bali ho us grah ke lok (uprokt vivaran ke anusar) men jatak jata hai.
yadi 6/7/8 sthan men koi grah nahin ho to shashth bhavagat dreshkan ke svamiyon men jo grah bali ho us grah ke lok men jatak marnoprant jata hai. yadi guru kark ka hokar lagn se 1/4/6/10/6/8 bhavon men se kisi bhav men ho athva min lagn men shubh grah ka navansh ho aur in donon yogon men anya sab grah nirbal hon to jatak moksh prapt karta hai.
vrihtaparashar hora shastra ke anusar : purva janm ke shapon ke karan vartaman janm men jatak ke santanhin hone ki bat kahi gai hai. yah bhi purva janm ki avdharna ko sahi pramani at karta hai. in shapon ki sankhya 8 batai gai hai. jaise-pitrishap, matri shap, bhatrishap, matul (mama) ka shap, brahmashap, patnishap, pretshap, sarpashap.
pretshap ke sanbandh men vrihat parashar hora shastra kahta hai ki agar shraddhadhikari apne mritpitron ka shraddh nahin karta hai to vah mrit manushya pret hokar shap deta hai ki vah shraddhadhikari vyakti bhi agle janm men putrahin ho jay. shapon ke sanbandh men vibhinn grahon ki kundli men bhavagat yogon ki charcha ki gai hai.
lal kitab ke anusar : lal kitab men bhi purva janm ke doshon ke karan vartaman janm men paitrik rinon ki charcha ki gai hai. jatak ki kundli se grah yogon ke adhar par in rinon ki pahchan ki ja sakti hai. paitrik rin kai prakar ke batlae gaye hain jo is prakar hain- svarin, matrin, pitrin, sanbandhi rin, bahan ya putri-rin, stri-rin, nirdayi rin, ajanme ka rin evan ishvariya rin.
is prakar ''punarjanm '' ki avdharna ka satya dharmashastra, bhartiya sanskriti men vidyaman lokdharna, kavya lekh, jyotishiya tathya, samaj men janme bachchon ke dvara purvajanmon ki pushti evan vaigyanik khojon ke adhar par pusht, sanbandhit aur drirh hota hai.
''punarjanm '' ki avdharna ka satya dharmashastra, bhartiya sanskriti men vidyaman lokdharna, kavya lekh, jyotishiya tathya, samaj men janme bachchon ke dvara purvajanmon ki pushti evan vaigyanik khojon ke adhar par pusht, sanbandhit aur drirh hota hai.
if you are facing any type of problems in your life you can consult with astrologer in delhi