2ji spektram ghotale men fanse purva sanchar mantri (maujuda kapra mantri) dayanidhi maran ko bhi istifa dena par gaya kyonki mamle ki janch kar rahi si.bi.ai ki stetas riport ke bad sarkar ke samne koi vikalp bacha hi nahin tha.
kunbh konam men vrishchik lagn men janme dayanidhi maran tamilnadu ke di. em.ke.ke neta tatha purva mukhymantri ke bete hain. chennai ke loyola kalej se snatak dayanidhi 2004 men kendra men san.pra.g.-1 sarkar men sanchar aur suchna praudyogiki mantri banaye gaye. san.pra.g.-2 men bhi di.em. ke kote se unhen kapra mantri banaya gaya halanki banna chahte the ve fir se sanchar mantri hi.
unki patrika men lagnesh mangal, bhagyesh chandrama ke sath labh men yogkarak hai. is yog ke karan hi inhen bachapan men kisi bhi vastu ki kami mahsus nahin hui. inke pita di. em. ke. ke ek kaddavar neta aur tamilnadu ke diggaj netaon men se ek the atah inhen nam v samman unki vajah se milta raha. dhanesh, kutunbesh aur panchmesh brihaspati bhagya sthan men apni uchch rashi men sthit hai.
faltah shiksha ke kshetra men unhonne bi.e. tak shiksha prapt ki. parakramesh sukhesh shani apni svagrahi mul trikon rashi kunbh men sthit hokar, dasham tatha lagn ko dekh raha hai, jisse unhonne satta ke mad men kai anaitik, asanvaidhanik karya kiye jiski unhen saja avashya milegi. unhonne logon ko apne mantri hone ka ehsas karaya.
panchmesh uchch ke brihaspati, bhagyesh chandrama v lagnesh mangal ke karan matra 37-38 varsh ki hi umra men ve yu.pi.e-1 tatha 2 men mantri banae gaye, lekin shani ke karan donon hi samay men ve apna karyakal purn nahin kar pae. yupie-1 ke samay unhonne apne pad ka durupyog kiya tatha kuch logon ko anaitik dhang se labh bhi pahunchaya.
sarkari tantra ko niji hit ke lie prayog kar kendriya sarkar ko hani pahunchai. chathe ghar ka rahu tatha vyay sthan ka budh aur ketu bandhan yog bana rahe hain. arthat unhen jel jana par sakta hai. kundli men karavas yog bhi ban gaya hai. saptamesh evan vyayesh shukra lagn men dashmesh surya ke sath achcha bura donon tarah ka prabhav sath lie hue hai.
ashtamesh v labhesh budh vyay men achcha yogkarak hai. dhanesh v panchmesh brihaspati aur bhagyesh chandrama bahut achcha hai. bhagya sthan ka brihaspati apni uchch rashi men bhagya men bahut achcha hai jiske karan ve matra 37 varsh men kendriya sarkar men mantri bane.
lekin shani ki drishti ke karan ve do karyakalon men mantri banae gaye, lekin koi bhi karyakal pura nahin kar sake. labh sthan men lagnesh v shashthesh ke sath bhagyesh chandrama bhi sthiti ke karan ek achcha yog ban gaya hai jo sabhi bhautik sukhon ko dene vala hai. lekin labhesh vyay men achcha nahin hai jisse ye kabhi asman aur kabhi jamin par rahenge.
vartaman men vinshottari dasha kram men brihaspati ki dasha men budh ka antar hai jo ek bahut hi kharab yog bana raha hai. jo sab prakar se kharab hai ismen 47 varsh 06 mah 21 din tak kisi bhi prakar se achcha nahin hai. bandhan yog bhi hai. har prakar se savdhan rahen.
jivan men jarurat hai jyotishiya margadarshan ki? abhi bat karen fyuchar point jyotishiyon se!