pitri dosh ki shanti ke vidhi-vidhan hamare shastron men diye gaye hain. pitri dosh ki shanti kis tarah se karni chahie tatha kundli men kaun si grah sthiti pitri dosh paida karti hai, janie is lekh se.
shastron men anek lokon ka varnan milta hai, jais- brahmalok, suryalok, chandralok, pitrilok, mrityulok, patallok adi. suryalok aur chandralok ke bich svargalok ki sthiti hai aur chandralok se niche pitrilok hai. bahut se vidvan chandralok ko hi pitrilok mante hain.
yah avashyak nahin hai ki sabhi mritak jiv pitrilok gaman kar jaen. shubh karmon vale satoguni jiv hi pitrlok vasi hote hain. pitar bhi devtulya hote hain. islie unhen pitridev kahte hain. bhagvan shrikrishn ke anusar pitron ko pujne vala vyakti pitron ko prapt hota hai arthat pitrilok ko jata hai.
surya chah mahine bhumadhya rekha se uttar ki or tatha chah mahine dakshin ki or dikhai deta hai. dakshinayan kal men pitrilok prakashit rahta hai. hamari prithvi surya ka bhraman karti hui jab is sthiti men pahunchti hai ki jahan se surya kanya rashi men dikhai deta hai, us samay (ashvin krishn paksh men) pitrilok prithvi ke aur adhik najdik a jata hai.
aisi manyata hai ki ashvin krishn paksh men chandralok par pitron ka adhipatya rahta hai. is samay prithvi ka marg prashast to rahta hi hai. sath hi pitrigan prithvi par jane ke lie chandrama se shakti prapt kar lete hain. matsya puran ke anusar ashvin mah men jab surya kanya rashi men rahta hai, tab yamraj pitron ko apne vanshjon se milne ki chut dete hain. pitar apne vanshjon ke dvar akar khir adikavya (naivedya) ki asha karte hain.
pitron se vyakti ka sanbandh : pitar ya pitri shabd pita ka samanarthi hai. sthul rup se prapitamah, pita ya pita tulya apne purvajon ko pitar kahte hain. vastutah hamare vansh/ khandan ke sabhi mrit stri-purush pitron ki shreni men ate hain.
hamare parivar/kutunb ke sabhi mritak (hamse ayu men chote mritak bhi) pitrilokvasi hone ke karan pitar kahlate hain. vyakti ke sage dada, pardada, pradhan ya mukhay pitar mane jate hain. vasu, rudra aur aditya pitrilok ke mukhay devta hain. bhishm pitamah ko bhi pitrilok men shreshth sthan prapt hai.
pitridosh aur uski grah sthitiyan : purva janm men pita ke anadar ke karan pitrishrap se vartaman janm men vyakti ko pitridosh lag jata hai. santanhinta, santan-sukh men badha a rahi hai to samajh lena chahie ki pitridosh ka hi parinam hai. brihad parashar horashastra men pitridosh/ pitrishrap ki grah sthitiyan nimn prakar batai gai hain.
pancham sthan men surya apni nich rashi tatha shani ke ansh men ho aur uske age piche grah hon. panchmesh surya pancham ya navam bhav men pap grah se sanyukt hon ya trikon sthan pap grahon se akrant ya drisht ho. sinh rashi men guru ho aur panchmesh surya se yut ho tatha pancham aur lagn men pap grah hon. lagnesh durbal hokar pancham bhav men ho tatha panchmesh surya se yut ho tatha pancham aur lagn men pap grah hon.
lagn aur pancham sthan men surya, mangal ya shani, athven, barhven bhav men rahu tatha guru hon tatha lagn men papagrah hon. lagn se athven bhav men surya ho, panchve bhav men shani tatha panchmesh rahu se yut ho aur lagn men papagrah ho to pita ke shap/ pitridosh ke karan santan hani hoti hai. pitrishrap se mukti ke lie apne pitron ka pinddan, tarpan aur shraddh karna chahie.
shraddh kya hai? pitron ki santushti ke uddeshya se shraddhapurvak kie jane vale pujan, tarpan, pindadan evan brahman bhojan adi karmon ko shraddh kahte hain. pitron ki prasannata ke lie shraddhayukt jo karm kiye jate hain, ve sab shraddh ki shreni men ate hain. atah shraddh pitron ke prati hamare shraddhabhav ki abhivyakti hai. shraddh ek vaidik karm hai. ise purn shraddha evan bhakti ke sath kiya jana chahie.
mahalay shraddh bhadrashukla purnima se ashvin krishn amavasya tak manaya jata hai. yah 16 din shokakul hone ke karan inhen karve dinon ki sangya di jati hai. is avdhi men koi navin evan manglik karya nahin kiye jate hain. jis tithi ko purvaj ki mrityu hui ho, shraddhapaksh men usi tithi ko us pitar ka shraddh karna chahie. mrityu tithi ke nirdharan men suryodykalin tithi grahya nahin hai.
pitrin se mukti ka parva : jo vyakti apne pitron ka shraddh nahin karte ve pitrin se mukt nahin ho pate hain, faltah agle janm men unhen pitri-dosh lag jata hai. atah ham sabhi ko apni-apni samarthyanusar shraddh karna chahie. pure 16 shraddh kisi karan se karna sanbhav n ho to kanyagat surya men dashmi se amavasya tak shraddh avashya karna chahie kyonki surya kanyagat hone par pitar pakvajj aur mishthajj ki kamna karte hain.
shraddh n karne par vrishchik sankranti ke bad pitar shap (shrap) dekar niahshvas chorte hue chale jate hain. panch mahayagyaon men sammilit pitriyagya ka ayojan karna pratyek grihasth ka param kartavya hai. shraddh bhi pitriyagya hai. shraddh karta ko ashirvad dete hain, falasvarup vah pitrin se urin ho jata hai.
''ayuah prajaah dhanan vidya svargan mokshan sukhani ch.
prayachchanti tatha rajyan pitrah shraddhatarpitaah॥''
markandey puran ke anusar- shraddh karne se santusht pitar shraddh karta ko dirghayu, santti, dhan, vidya, sabhi prakar ka sukh, marnoprant svarg evan moksh ka marg prashast karte hain.
shraddh n karne se hani : apne vanshjon dvara shraddh n karne par pitrigan asantusht v duahkhi hokar, shraddh n karne vale vyakti ko shrap dete hain aur uska rakt chuste hain. pitrishrap ke karan vah vanshhin ho jata hai.uska jivan kashtamay ho jata hai, use sharirik v mansik vyadhiyan ghere rahti hain. jaisa ki maharshi parashar ne kaha hai, 'pitrishapatsutakshayah' pitrishrap ke karan santan kshay hota hai. atah pratyek vyakti ko pitrin se mukti ke lie shraddh avashya karna chahie. vaise bhi grihasthon ke 'pitrign' surya ke saman pujya dev hain.
garibi men aise karen shraddh : maharshi dayanand sarasvati ne mritak ke shraddh men brahman bhojan ko garib janta ke upar anavashyak bojh bataya tha. kintu garib se garib vyakti bhi pitron ko pani to de sakta hai. pitri keval shraddha bhav ke bhukhe hote hain. yadi kisi vyakti ke pas shraddh karm karne ki samarthya n ho to keval shak (sabji) se shraddh karen. yadi shak bhi n ho to ghas katakar gay ko khila dene se shraddh sanpann ho jata hai kyonki pashu yoni men gaye hue pitar chare ke rup men bhojan grahan kar lete hain.
nirdhanata ki sthiti men kisi ekant khule sthan men jakar shraddha evan bhakti purvak apne donon hathon ko upar uthate hue apne pitron se nimn prarthana karen- 'he! mere pitrigan, mere pas shraddh ke upyukt n to dhan hai, n dhanya adi. han, mere pas apke lie shraddha aur bhakti hai, main inhin ke dvara apko tript karna chahta hun, ap tript ho jaen.''
shraddha-vidhi : snan adi se nivrit hokar, sarvapratham hath men tin kushankur, kale til au jal lekar dakshin ki or mukh karke sankalp mantra ka uchcharan karen. sankalp mantra bolne ke bad hath men liya hua jal adi bhumi par chor de.
sankalp ke pashchat tanbe, pital ya chandi ki thali men pani, dudh aur kale til dalen, darbh (kusha) ko is prakar pakren ki hathon ki anjli ban jae dabh (kush) ko pani men dubokar sabse pahle pitron ke adhishthata dev-vasu, rudra aur aditya ko jal ki ahutiyan den. iske bad apne pitron ke nam lekar unko jal arpit karen. (kam se kam sat ahutiyan den).
pitron ke lie bhojan lagane se purva panchbli nikalen. pujan ke pashchat panchbli ki ek ek pattala-gay, kutta, kaua, atithi dev aur chintiyon ko khilaen. iske bad hi brahman ko shraddhapurvak bhojan karayen aur tilak karke dan aur dakshina den. pitron se sanbandhit sabhi karya dakshin ki or mukh karke karna chahie. puja men pushp, gandh, jal, dhup adi vamavart (entiklokvaij) kram se diye jate hain.
narayn-nagbli aur tripindi shraddh : pitridosh ke karan santan hinta v santan-kasht hota hai. iske alava parivar men arthik unnati nahin hoti. vyakti hamesha pareshaniyon men uljha rahta hai. purvakrit pap ke karan prarabdhajanya rogon ka pradurbhav hota hai.
yogaratnakar ke anusar- jab kisi rog ka nidan shastriya chikitsa se nahin ho pae, to aise asadhya rogon ko karmaj rog samjhna chahie. purva janm ke papon ka prayashchit rup dan-punya hi karmaj rogon ki aushdhi hai. dharmanushthan karne se karmaj rog dur hote hain.
maharshi parashar kahte hain ki pita ke apman ke karan pitrishrap lagta hai. jab pitron ke shraddhakarm ka lop hota hai, to ve pretyoni men chale jate hain. ve apne vanshjon se rusht hokar vansh vriddhi rokte hain. pitrishap ke karan purushon men napunskta evan striyon men bandhya rog utpann hote hain.
pitridosh ki shanti hetu naraynbli- nagbli shraddh kiya jata hai. pitrishap, pretshap aur sarpashrap adi ke karan utpann karmaj rogon ki shanti hetu, pira dene vali jivatma ki mukti ke lie narayn-nagbli shraddh kiya jata hai. is shraddh vidhi men brahma, vishnu, shiv, yam aur pret in panch devtaon ka pujan aur pinddan kiya jata hai.
iski vidhi sushrut sanhita, dharmasindhu adi granthon men di hui hai. narayn-nagbli ki bhanti tripinri bhi kamya shraddh hai. pretyoni ki pishach-pira se mukti ke lie yah shraddh kiya jata hai. jau, til aur chaval ke ate men shakkar evan ghi dalakar tin pind banae jate hain.
jau ka pind satvik pretatma ko diya jata hai. chaval ke ate se bana pind rajoguni pretatma ko diya jata hai. til ka pind tamoguni pretatma ko pradan kiya jata hai. is shraddh pretyoni ko prapt jivatma ki tripti aur mukti ho jati hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!