dehavsan ke bad antim kriyaon ke vidhi-vidhan men bahri taur par chahe kitna bhi antar dikhai de lekin jivan ke antim palon men pahunchi hui jivatma ke anubhav samanya rup se lagabhag ek jaise hote hain is sthiti ko vibhinn vastavik drishtanton se sanpusht kiya gaya hai is lekh men.
manushya antim kshan men kya dekhta hai? kya in sab baton ko sunakar bhi ham mrityu ko jivan ka ant man sakte hain. is vishay men jo sarvekshan aur anusandhan kiye gaye hain unse siddh hota hai ki koi aisi alaukik shakti avashya hai jo mrityu ki bela men vyakti ke lie tana-bana bunti hain jisse uski prakriya hi badal jati hai.
jis mrityu se vah kabhi bhay khata tha, uska alingan karne ke lie prasannatapurvak taiyar ho jata hai. pahle ham mrityukalin vishisht anubhvon aur uske parinam ko len. koi vriddh vyakti kahta hai ki kai varsh pahle mari hui uski patni usse milne ayi thi. vah boli, ab mere sath chalo, mera akele man nahin lagta aur uske thori der bad uska dehant ho jata hai.
kisi stri ne apne divangat pati ko dekha aur vah uske sath jane ko taiyar ho gai. aur thori der bad uski mrityu ho gai. mrityu ke samay ke anubhav ka sabse mahatvapurn bhag hai ek alaukik tivra prakash ka dikhai dena.
praranbh men yah prakash dhundhla hota hai, fir shighra usmen ek alaukik shaktishali tej a jata hai. bhuktabhogi kahte hain ki uska rang atyant dhaval ya sfatik ke saman paradarshak hota hain. yah prakash atyant tivra hota hai fir bhi ismen netron ke samne chakachaundh nahin hoti, unhen kisi prakar ka kasht nahin hota.
darshakon ki manyata hai ki yah prakash vastav men prakashamay jiv hota hai. koi ise devdut batata hai. isai ise isamsih batate hain. prakash-jiv se bhent ho jane ke pashchat divangat apne sharir men lautna nahin chahta. vahan use atyant sukh aur shanti milti hai. ek ghatna ke anusar ek rogi ke pet ki shalya chikitsa ki ja rahi thi.
tabhi uski mrityu ho gai. aur vah bis minat tak isi sthiti men raha. iske bad usmen fir se jivan laut aya. punjirvit hone ke bad usne bataya ki jab uski mrityu hui to use laga jaise uske sir se bhinbhinane ki tej avaj nikal rahi hai.
ek stri ne bhi mrityu ke samay isi prakar ki dhvani ka ullekh kiya hai. ek aur vyakti ne jise mrityu ka anubhav ho chuka tha, bataya ki use laga ki jaise vah achanak hi kisi gahri andheri khai men chala gaya hai jismen ek marg hai aur vah us par teji se chala ja raha hai. isi prakar ek stri ne bataya ki kuch varsh purva jab main hriday rog se pirit hokar aspatal men dakhil hui thi to mere hriday men ashniya pira ho rahi thi. tabhi mujhe laga jaise meri sans ruk gai hai, aur hriday ne dharkna band kar diya hai.
mainne anubhav kiya ki main sharir se nikalakar palang ki pati par a gai hun. iske bad farsh par chali gai hun. fir dhire-dhire uthna shuru hua. main kagaj ke tukre ki tarah urakar upar uth rahi thi, aur chat ki taraf ja rahi thi. vahan pahunch kar main kafi samay tak daktaron ko karya karte dekhti rahi. mera sharir bistar par sidha para tha aur doktar uske charon or khare use jivit karne ka prayas kar rahe the.
tabhi unhonne ek mashin se meri chati par jhatke dene shuru kiye. un jhatkon se mera sharir uchal raha tha aur main apni hadidyon ki chatakh saf sun rahi thi. iske bad mainne apne sharir men kaise pravesh kiya, iska gyan mujhe nahin hai. aisi bahut si ghatnayen dekhi gai hain jab marne valon ko marne se pahle hi ajib se anubhav hone lagte hain.
kaha jata hai ki marne vale ko pahle hi mrityu ka abhas ho jata hai. ek ghatnanusar ek vyakti ko marne se ek do din pahle hi apni svargiya man aur bap dikhne lage the, jo bar-bar uske kamre ke darvaje par akar khare ho jate aur use bulate.
kabhi use do safed ghore dikhai dete jo use le jane ke liye asman se urte hue a rahe the. aisi anekanek ghatnayen dekhne men ayi hain jab marne valon ko ajib anubhav hote hain. bahut se vyaktiyon ko marte samay tarh-tarah ki avajen sunai deti hain. kai bar yah dhvani asahya ho jati hai. logon ne is dhvani ki tulna sagar ke garjan, hathaure se thok-pit ki avaj, ari se lakri katte samay hone vali avaj, tufan ki avaj adi se ki hai.
dhvani sunte samay bahut se vyaktiyon ko aisa pratit hota hai mano unhen andhkarpurn antriksh men le jaya ja raha hai. is andhkaramay sthan ke liye unhonne antriksh, surang, gufa, kuan, khai adi shabdon ka prayog kiya hai isi prakar ki antim yatra karne vale ek vyakti ka anubhav is prakar hai.
is ghatna ke samay main nau varsh ka tha, par sattais sal bad aj bhi mujhe vah ghatna puri tarah se yad hai. us samay main ganbhirrup se bimar tha isliye mujhe dopahar ko aspatal le jaya gaya. vahan daktaron ne mujhe behosh karne ka nirnay liya. is kam ke liye us samay ithar ka prayog kiya jata tha. mujhe bad men pata chala ki ithar ka prayog karte hi mere hriday ki gati ruk gai arthat us samay mujhe iska gyan nahien tha.
parantu us samay main ek asadharan anubhav se gujra. mujhe 'vriddg' 'vriddg' is prakar ka layabaddh nad sunai diya aur sath hi main ek andhere antriksh men khinchne laga. jab vyakti apne antim samay men hota hai, to ek kshan aisa ata hai jab vah tandra men chala jata hai aur chitragupt ke dvara uske jivan ka sara lekha-jokha uski ankhon ke samne chalchitra ki bhanti tair jata hai.
chitragupt yani ve gopniya ghatnayen bhi, jo uske siva kisi aur ko nahin pata hoti hai, us chitra men spasht ho jati hai. aur in vibhinn karmon men se vah agle jivan ke liye karm chayan karta hai. vyakti adhikatar chal, jhuth, kapat, kam, bhay, irshya adi se prabhavit hota hua hi deh tyagta hai, use sva-chintan, bhagvt-chintan ka dhyan nahin rahta. kaha gaya hai ki 'ant matiah sa gatiah' ant samay men jaise vichar evan chintan hote hain, usi hisab se vyakti ka punarjanm hota hai.
jab vyakti vibhinn ichchaon ke sath marta hai to kuch der to use vishvas hi nahin hota ki vah mar gaya, uski deh uske samaksh hoti hai aur vah achanbhit-sa dekhta rahta hai, kyonki uski kai ichchayen apurn hoti hain jinki purti ke liye use bhautik sharir ki avashyakta hoti hai, isliye vah apni deh ke aspas hi mandrata rahta hai aur jab deh jala di jati hai, to hatash ho jata hai aur ichchaon ki purti hetu bhatkta rahta hai.
ab ya to aise samay men koi sashakt magadarshak hona chahie jo us atma ka margadarshan kar use age ki or barhaye ya fir ap use priya hone ke nate apne atmiya ke liye kuch aisa karen ki uska sahi margadarshan ho sake aur vah age ke karm kshetron men pravesh kar sake. mrityu ke samay ke anubhav ka sabse mahatvapurn bhag hai ek alaukik tivra prakash ka dikhai dena.
praranbh men yah prakash dhundhla hota hai, fir shighra usmen ek alaukik shaktishali tej a jata hai. kaha gaya hai ki 'ant matiah sa gatiah' ant samay men jaise vichar evan chintan hote hain, usi hisab se vyakti ka punarjanm hota hai.
jab vyakti vibhinn ichchaon ke sath marta hai to kuch der to use vishvas hi nahin hota ki vah mar gaya, uski deh uske samaksh hoti hai aur vah achanbhit-sa dekhta rahta hai, kyonki uski kai ichchayen apurn hoti hain jinki purti ke liye use bhautik sharir ki avashyakta hoti hai.
if you are facing any type of problems in your life you can consult with astrologer in delhi