gita, vigyan aur paramnovigyan ke lie punarjanm ki avdharna ek sangam sthal hai kyonki gita atma ko amar manti hai jo har janm ke sath naya sharir dharan karti hai tathapi pichle sanskaron ko lekar ke chalti hai. vartaman ke paramnovaigyanikon ne bhi shodh dvara is tathya ko siddh kiya hai. chikitsa vigyan bhi kain adton aur pareshaniyon ko pichle janmon aur avchetan man ki yatra se jorakar dekhta hai. purn vistar ke lie parhie lekh...
hindi giton men aksar suna jata hai - ''sau bar janm lengen...'' ya ''janm janm ka sath hai.. .''. kya ye sanbhav hai ? kya bar bar janm milta hai ? kisi bhi prani ki mrityu ke pashchat bhi kya kuch aisa hai jo shesh rah jata hai ? kya nashvar sharir men bhi koi rahta hai jo nashvar nahin hai ? inhin sahaj jigyasaon se juda hua hai - punarjanm ka rahasya.
prachin kal se hi hamare granthon men punarjanm ke sutra milte hain. 'nyay darshana' men kaha gaya hai ki janm, jivan aur maran jivatma ki avasthayen hain. pichle karmon ke anusar vah use bhogti hai aur navin karm ke parinam ko bhogne ke liye vah fir janm leti hai. 'upnishdkal' men punarjanm ki ghatna ka vyapak ullekh milta hai.
'yogadarshana' men bhi karmon ke parinam, janm, jivan aur bhog ke bare men kaha gaya hai. 'sankhay darshana' ke anusar - ''ath trividh dukhatyant nivritti khayant purusharthah'' punarjanm ke karan hi atma ke sharir, indriyon v vishyon se sanbandh jude rahte hain. vedon men punarjanm ko manyata di gai hai. vishva ke sabhi dharmo, vargon, jatiyon v samajon men punarjanm ko kisi n kisi rup men manyata prapt hai.
pashchatya darshanik sukrat, pleto v paithagoras bhi punarjanm par vishvas karte the. adhyatmik kanun -shri 'madbhagavat gita' men kaha gaya hai ki adhyatmik kanun ke adhar par punarjanm ka tatparya hai - atmaon ki purnasthapna. pichle janmon ke ashubh karm manav ko apne naye janm men bhogne padte hain. karm aur punarjanm ek dusre se jude huye hain.
karmon ke fal ke bhog ke liye hi punarjanm hota hai tatha punarjanm ke karan fir naye karm sangrahit hote hain. gita men age kaha gaya hai ki jis tarah se ek manushya puratan vastra utar kar naye vastra dharan karta hai thik usi prakar hamari atma bhi purane sharir ko chod kar naya sharir dharan karti hai arthat punarjanm leti hai.
gita men atma ke nashvar ya amar hone par adhik jor dala gaya hai. isse prashn uthta hai ki yadi atma nashvar hai to kya yah fir se naye naye rupon men janm leti hai ? han - yahi to punarjanm hai. satyug treta men, treta dvapryug men badal gaya, ram ne krishn ke rup men punarjanm liya. kaushalya ne yashoda, kaikeyi ne devki, sita ne radha ke rup men punarjanm liya to fir avishvas kyon ?
jivit avastha men manushya apne sanskaron, vicharon, bhavon v karmon dvara sukshm shakti arjit karta hain. mrityu ke pashchat yah shakti hi mritak ke sukshm sanskaron, bhavon, vicharon aur karmon ki shakti se yukt hokar apne anukul vatavaran men kisi garbh men punahjanm leti hai.
atah punarjanm atma ka nahin, balki is shakti ka hota hai, vahi naya sharir dharan karti hai. ved ke jankar vidvanon ka manna hai ki punarjanm ki pahli sidhi hi karm hai. vaidik drishti ke anusar mrityu ke pashchat bhi n marne vala sukshm sharir panch gyanendriyon, panch karmendriyon, panch pran, ek man v ek buddhi ke yog se bana hai.
yahi vah sukshm sharir hai jo prarabdh aur sanchit karmon ke karan mrityu pashchat bar bar janm leta hai. aisa nahin ki sukshm sharir ki ye avdharnayen keval bhartiya hain balki ''ijipshiyan buk auf daid'' men bhi sukshm sharir aur uske dusre sharir ko dharan karne ke bare men vichar prakat kiye gaye hain.
vigyan ki drishti se -bhartiya darshanikon ko to punarjanm svikar karne men hichak nahin hui parantu vigyan jagat ka svikar karna hi bhartiya darshan ki vijay hogi. punarjanm aj ek dharmik siddhant matra nahin hai balki is par vishva ke anek vishvavidyalyon evan paramnovaigyanik shodh sansthanon men thos karya hua hai. vartaman men yah andhvishvas nahin balki ek vaigyanik tathya ke rup men svikara ja chuka hai.
punarjanm ko pramanit karne vale anek praman v udaharan aj vidyaman hain. ismen se sabse bada praman urja sanrakshan ka siddhant hai - jis prakar urja ka kisi bhi avastha men vinash nahin ho sakta, usi prakar se atma jo nashvar sharir men vidyaman hai, ka nash nahin ho sakta. atma ka ek sharir se nikal kar dusre sharir men pravesh sanbhav hai.
punarjanm ko pramanit karne ke liye anekon udaharan hain jinmen manav dusre janm men paida hone ke pashchat purvajanm ki ghatnaon ko kai prakar se satyapit karta hai jaise daihik chinhon ke dvara, purva ke sanskar, smriti, adton, gunon ya avgunon adi ke dvara .
chikitsa vigyan bhi is bat ko svikar karta hai ki hamari kai adten aur pareshaniyan pichle janmon se judi hoti hain. kai bar hamare samne aisi ghatnayen pahli bar ghatti hui mahsus hoti hain parantu hamen lagta hai ki is tarah ki paristhiti se ham pahle bhi gujar chuke hain. chikitsa vigyan men ise avchetan man ki yatra mana jata hai. jyotish ki drishti se -hindu manyataon ke anusar punarjanm hota hai .
mrityu ke pashchat atma vayumandal men chalayman rahti hai, svarga-nark jaise sthanon par ghumti hai, lekin use ek n ek din suil sharir lena hi padta hai. jyotish shastra men prarabdh yani purva janmon ke fal ki vyakhya ki gai hai. jyotish ki sari vidhayen punarjanm ko svikar karti hain. is vidya ka manna hai ki manav apne jivan men jo bhi karm karte hain usmen kuch ka fal to jivan ke dauran hi mil jata hai aur kuch prarabdh se jud jata hai.
inhin karmon ke fal ke anusar hi punarjanm lene par jatak ki kundli men grah dashayen v yog bante hain. punarjanm se sanbandhit kuch yogon ke adhar par kaha ja sakta hai ki yadi jatak ki janm kundli men lagn ka sanbandh uchch ya svarashi ke budh ya chandrama se ho to vah jatak purvajanm men vyapari raha ho sakta hai.
yadi lagn ka sanbandh uchch ya svarashi ke surya ya mangal se ho to punarjanm lene se pahle vah kshatriya yoddha raha ho sakta hai. yadi lagn men uchch ya svarashi ka guru ho to vah brahaman tha aur yadi shani, rahu ya ketu se lagn ka sanbandh bane to vah purvajanm men shudra raha ho sakta hai. punarjanm ke vipaksh men -jis tarah punarjanm ki avdharna ko svikar karne vale log hain, usi tarah aise anek log bhi hai jo punarjanm ki avdharna ko nahin mante.
iske lie unke pas bhi apne kai tark v praman hain jo punarjanm ki avdharna ko satyapit nahin karte. aj is vishay par charcha karne vala andhvishvasi ya kabhi kabhi to pagal tak karar de diya jata hai. unka kahna hai ki vishva ki keval 10 pratishat abadi hi is par vishvas karti hai.
kuch ka kahna hai ki punarjanm ki sabhi baten lekhkon ki soch par adharit matra kitabi hoti hain. nishkarsh -punarjanm ka rahasya ek aisi paheli hai jo shabdon dvara nahin suljhai ja sakti. koi dil se kahta hai to koi dimag se. koi sakaratmak soch rakhta hai to koi nakaratmak. koi ise andhvishvas kahta hai to koi vaigyanik.
punarjanm ek abujh paheli hai jo yah mushkil paida karti hai ki koi vyakti marne ke bad fir se janm le sakta hai ya nahin ? jivan ke prati samagra sajgta v avdhan hi iska uttar de sakte hain. yah prakriti ki ab tak n nahin samjhi gai karyanidhi ka hissa hai.
isliye aj ke vaigyanikon ke liye ye ek paheli bani hui hai ki akhir dobara se janm lene ka rahasya kya hai ? yah ek aisa prashn hai jisse milte julte kai prashn hamare prachin granthon men bhi ullekhit hain jaise ki - vrihdaranyak upnishad men pucha gaya hai ki jiv jab nindravastha men hota hai to buddhi kahan chali jati hai ? kenopnishad men varnit hai ki manushya kiski ichcha se bolta hai ? in prashnon ka bhi punarjanm ke siddhant ki tarah se tarkik utar nahin diya gaya hai.
lekin agar vedadi granthon ka ashray liya jaye to shayad is paheli ko sahi rup men asani se suljhaya ja sakta hai. punarjanm ek abujh paheli hai jo yah mushkil paida karti hai ki koi vyakti marne ke bad fir se janm le sakta hai ya nahin ? jivan ke prati samagra sajgta v avdhan hi iska uttar de sakte hain.
jyotish vidya ka manna hai ki manav apne jivan men jo bhi karm karte hain usmen kuch ka fal to jivan ke dauran hi mil jata hai aur kuch prarabdh se jud jata hai. inhin karmon ke fal ke anusar hi punarjanm lene par jatak ki kundli men grah dashayen v yog bante hain.
if you are facing any type of problems in your life you can consult with astrologer in delhi