nabalig grahon vali kundli : lal-kitab paddhati ke anusar agar kundlie men kendrasthan yani bhav nan0 1-7, 4-10 rikt hon ya in bhavon men sirf papi (shani, rahu ya ketu ke sath ho ya drishti dvara mil raha ho) hon, ya
1. shukra ke sath brihaspati ya surya ya chandra ya rahu ho,
2. shani ke sath surya ya chandra ya mangal ho,
3. rahu ke sath surya ya chandra ya mangal ya brihaspati ho,
4. ketu ke sath surya ya chandra ya mangal ho,
ya
1-7-4-10 bhavon men akela budh ho. to aisi kundali ko nabalig kundali mana jata hai. iske sath sath jatak ki 12 varsh ki umra tak ki kundalie ko bhi nabalig mana jata hai. aisi sthiti men ek se barah varsh ki ayu tak falit dekhne ka ek alag niyam hai jo nimn prakar se hai :-
- pratham varsh ke lie saptam bhav aur usmen sthit grahon ka prabhav hoga.
- dusre varsh men chaturth bhav aur usmen sthit grahon ka prabhav hoga.
- tisre varsh men navam bhav aur usmen sthit grahon ka prabhav hoga.
- chaturth varsh men dasham bhav aur usmen sthit grahon ka prabhav hoga.
- pancham varsh men ekadash bhav aur usmen sthit grahon ka prabhav hoga.
- chathe varsh men tisre bhav aur usmen sthit grahon ka prabhav hoga.
- saptam varsh men dvitiya bhav aur usmen sthit grahon ka prabhav hoga.
- ashtam varsh men pancham bhav aur usmen sthit grahon ka prabhav hoga.
- navam varsh men chathe bhav aur usmen sthit grahon ka prabhav hoga.
- dasham varsh men dvadash bhav aur usmen sthit grahon ka prabhav hoga.
- ekadash varsh men pratham bhav aur usmen sthit grahon ka prabhav hoga.
- dvadash varsh men ashtam bhav aur usmen sthit grahon ka prabhav hoga. agar vicharniya bhav men koi grah n ho to us bhav men sthit rashi ka svami jahan par sthit ho vahan se vichar karegen. lekin
1. surya agar bhav nan. 1-5 ya 11 men ya budh bhav nan0 6 men ho to kundli balig hogi.
2. varshafal men surya ke lagn men ane se pahle jo jo grah varshafal men lagn men ayenge vah grah balig mane jayegen.
3. varshafal ke anusar surya ke lagn men ane ke bad sare grah yani ki kundli balig mani jayegi. jisaprakar nabalig kundli par vichar karne ka ek alag niyam hai usi prakar us kundli men dhokha dene vale grahon ko bhi dekhne ka alag niyam hai. kaunsa grah kaun se varsh men dhokhe ka grah hoga yah talika dvara jana ja sakta hai.
notah- maut, pitri aur janmarashi ke khanon men koi grah n hone par rashi ka malik jis bhav men sthit ho us bhav ke rashi ke malik grah ko legen.
vyakhyaah-nabalig halat men 12 sala dhokhe ke chakkar ka avashya dhyan rakhen kyokin dhokhe ka grah achanak apna fal pradarshit karta hai chahe vah achcha ho ya bura. uprokt talika ke anusar jo grah sal nan. ke hisab se dhokhe ka hoga usko lagn men sthit evan grahafal ka manen tatha kundli men jis bhav men baitha ho us bhav ke svami ko rashifal ka manen jiska upay ho sakta hai. niche diye gaye udaharan men kundli nan. 2 men, pratham varsh par vichar karne par dhokhe ka grah surya hoga jo ki sutra ke anusar grahafal ka hoga aur janmakundli men chaturth bhav men kanya rashi men sthit hone se chaturth bhav ka svami chandra rashifal ka hoga arthat iski sahayta se us varsh ke ashubh falon ke (jo ki agar dhokhe ke grah dvara diye ja rahen hai) prabhav ko kam kiya ja sake.
yadi ek hi grah grahafal evan rashifal donon ka hi fal de raha hai to us kundli vale ka bura nahin karega. mana ki dhokhe ka grah surya hai aur vah pancham bhav men sthit hai to aisa grah kundli vale par bura asar na dega. agar dh aokha hua bhi to shubh arthon men hoga arthat achcha fal hi dega.
udaharan : nabalig grahon vali kundli
kundli nan0 1 men kendra men sirf shani, rahu aur ketu ke hone se yah kundli nabalig grahon vali mani jayegi. kundli nan0 2 men jatak ki ayu 12 varsh se choti hai atah is kundli par 12 varsh tak nabalig kundli ke niyam lagu rahegen. dekhen nan. 2 ke jatak ka janm 15 aktubar 1998 ko hua. pratham varsh ke falit ko dekhne ke lie hamne sutra ke anusar satven bhav ko dekha. usmen koi grah nahie hone se shukra (lal kitab paddhati ke anusar kundli ke saptam bhav men tula rashi hoti hai) par vichar kiya jo ki janmakundli men chaturth bhav men surya ke sath sthit hai, sath hi dhokhe ka grah dekhne par pratham varsh men dhokhe ka grah surya hai jo ki chaturth bhav men sthit hai. chaturth bhav ka svami chandra hai tritiya bhav men mangal evan rahu ke sath sthit hai parinam svarup jatak janm ke tisre divas se achanak asvasth hua aur varshaparyant asvasth raha.
notah agar jatak ki kundli men nabalig grahon ka prabhav hai jis prakar kundli nan0 1 men hai, to us jatak ko hamesha kisi se salah lekar kam karna chahie. chahe kundli ke grah balig hi kyon n ho jayen ya jatak svayan 21 varsh ka kyon n ho jaye. yah salah vah apne ghar ki divar se bhi kar sakta hain. -kramshah agle ank me