1- jis purush ki kundli men shukra khana nan. 6 men ho uske sasural valon ko chahie ki sone ka klip apni ladki ko den.
2- yadi shukra khana nan. 4 men ho ya surya, rahu, chandra khana nan. 2 men ya fir rahu khana nan. 1,5 ya 7 men ho (purush ke teve men) to aise men jatak ko chandi ka chaikor tukda sasural valon se lekar hamesha apne pas rakhna chahie.
3- yadi teve men ketu khana nan. 8 men ho to shadi ke turant bad vyakti ko kala safed kanbal dharm sthan men rakhna chahie.
4- yadi chandrama khana nan. 6 men ho to kundli men pitridosh banta hai, aise men vyakti ko din ke samay 100 kutton ko mithi roti, shadi ke turant bad dalni chahie.
5- yadi budh teve ke khana nan. 12 men ho to stenles stil ke bina jod ke do challe banvane chahie, jinmen se ek shadi ke samay dharan karna chahie aur dusra pani men bahana chahie.
6- khana nan. 6 v khana nan. 10 ke kuprabhav ko bachane ke lie teve ka khana nan. 5 dekhen, vahan baithe grah ke shatru grah ki chijen jamin ke niche dabaen.
7- brihaspati khana nan. 10 men, shukra khana nan. 11 men, ketu khana nan. 8 men aur shani khana nan. 5 men ho to bete ke vajan ke barabar ate ki rotiyan 25 se 48 din tak kutton ko khilaen.
8- khana nan. 2 aur khana nan. 12 men labhdayak grah hon to shashthasth grah ko jagaen. iske lie apne mama ya apni betiyon ki sahayta aur seva karen.
9- varshafal men jo grah shashth men ae vah jatak ke svasthya ko hani pahunchata hai. us grah se sanbandhit vastuen dan men deni chahie.
10- janm kundli ke khana nan. 11 men jo grah ho aur varshafal men khana nan. 11 ya 8 men ae to us grah ki karak vastuen mat khariden.
11- yadi khana nan. 3 aur 5 khali hon to khana nan. 2 ke madhyam se khana nan. 9 ko jagana chahie.
12- yadi khana nan. 10 khali ho to khana nan. 4 ke grah chahe achche bhi jo fal nahin dete, iske lie 10 andhon ko bhojan khilaen par bhojan ke lie paise n den.
13- khana nan. 11 men sthit surya tab tak shubh fal deta hai jab tak vyakti shakahari rahe. yadi mans, madira ka sevan kare to santan ke lie ashubh.
14- yadi teve men brihaspati aur ketu shubh ho to khana nan. 11 ka chandrama ati shubh fal deta hai, kam se kam us umra tak jab tak vyakti ki mata jivit hain.
15- yadi teve men brihaspati ashubh fal de raha ho to beti ki shadi ke samay sone ke 2 tukde barabar vajan ke banva kar ek pani men baha den, aur ek dulhan ko den. dulhan use beche nahin, sada ke lie apne pas rakhe.
16- yadi surya ashubh fal de to tanbe ke tukdon ka uprokt dhang se istemal karen.
17- yadi chandrama ashubh fal de to moti uprokt dhang se istemal karen.