kya ap sochne matra se dhanvan ban sakte hain ya paisa akarshit kar sakte hain. jyadatar log kahenge nahin. par paisa sochne se hi ata hai. jyadatar log law of attraction ke bare men nahin jante.
sab jante hain ki low of gravitation hota hai arthat gurutvakarshan. hamari prithvi sab kuch apni taraf khinchti hai. agar ap chat se kudoge to niche pakka chot lagegi hi. isi prakar astitva men jivan ke niyam hain. jise ap law of life kah sakte hain.
in niyamon ka palan karne se jivan urja apko vo deti hai jo ap chahte hain. is pal ap dhan, paise ko lekar kya sochte hain, kya chahte hain vahi hota hai. davadamal dandjtan arthat paisa prapti ke spiritual laws-spiritual laws of making money, having money, enjoying money.
pahla siddhant
jis vyakti ki dhan se purnatah mitrata, alignment yani ki synchronization hoti hai, dhan uske pas svatah khinchta chala ata hai.
kya dhan prapti ke lie kismat chahie? koi skill chahie? koi jadu chahie? koi totka? dhanvan pita ya pati ya patni? javab hai nahin. to kya? dhanvan hone ke lie yah samjhna jaruri hai ki ek siddhant hai akarshan ka.
dhan, svasthya ya sanbandh, kuch bhi ho hamare jivan men siddhant ke vajah se hai. ap kisi vastu, vyakti, ghatna athva sthan ke bare men sochte hain vah upasthit ho jata hai.
apne kalpavriksh ke bare men suna hoga. apka jivan ek kalpavriksh hai ap jo mangoge mil jaega. parmatma, astitva, brahmand kuch bhi kaho, vah apke ishare par chalta hai.
ek kahani hai kalpavriksh ki jo osho ne sunai hai. ek vyakti ek jangal se ja raha hota hai. bahut chalta hai, chalte-chalte thak jata hai. sochta hai vishram kar lun. susta lun kisi per ke niche.
ek vriksh dikhta hai, vahan vah let jata hai. lette hi ankh lag jati hai. ek adha ghante ke bad uthta hai bhukh lagti hai.
vah man men sochta hai kash pakvan mil jata khane ko. tabhi nana prakar ke vyanjan a jate hain uske samne. vah bhukhon ki tarah tut parta hai un par, khub khata hai. bhojan ke bad fir nind ati hai- sochta hai kash gadde mil jate. vah so jata hai- din bhar ka thaka hua. rat bhar barhiya nind ka anand leta hua. subah bhor hoti hai, vah uthta hai anandit aur mast. angrai leta hai aur as-pas paristhiti ka avlokan karta hai. sochta hai purva ratri ke bare men. sochta hai mere sath kya hua.
khana manga khana a gaya, gadda manga gadda a gaya. kya chamatkar hai? kahin bhut pret to nahin is per ke niche? kalpavriksh ke niche baitha vyakti-kahta hai-bhut pret to nahin is vriksh ke niche. socho kya hua tab?
bhut preton ne us vyakti ko gher liya aur lage nachne. bechara dar gaya. sochne laga- ab yah bhut pret mujhe kha jaenge. to kya hua? bhut use kha gae.
kahani apko samajh a gayi hogi. apka jivan akarshan ke siddhant par kam kar raha hai. jo ap sochte hain vah purn ho jata hai. kalpavriksh apka jivan hai. yah vyakti ap hain jo kalpavriksh ke niche baithe sochte rahte hain - ki ‘‘parosi ke pas jyada paisa hai’’.
ap parmatma ki sarvochch shakti arthat tarang se jur jate hain. anandit vyakti jo bhi parmatma se mangta hai- vah jaldi purn hota hai. bachche purn rup se anandit rahte hain. islie ham unhen bhagvan ka rup kahte hain. paisa aega tab ap khush honge aisa nahin hai. ap khush rahenge to paisa svatah aega.
dusra siddhant
jis par ap thvabne karte hain vahan urja jati hai. arthat urja chahe vah dhan rupi urja hi kyon n ho jis soch par ap apna dhyan kendrit karte hain vah apke jivan men prayatn rup se hone lagti hai. angreji men energy follows thought'.
apke man men jo bhi chalta rahta hai vahi charitarth hota hai. jo log din-rat yah sochte hain ki paisa kamana mushkil hai, yah bahut mehanat se ata hai to baba bhole bhandari kahte hain tathastu. arthat jo tu chahta hai vo mile.
agar tu chahta hai jivan mushkil hai paisa mushkil hai kamana to bhaiya aisa hi to ap apne parosi ko urja de rahe hain ki vah jyada kamaen. kabhi ap sochte hain ki mahangai bahut barh rahi hai main to kuch afford nahin kar pa raha hun. yah soch har pal apko apni garibi ke ahsas men jivan vyatit kara deta hai.
jab bijli ka bil ata hai to kahie shan se main ek rais vyakti hun. main bijli ka bil de sakta hun. mujhe parmatma ne rais banaya hai. bijli afford vahi kar sakta hai jiske pas paise hon.
dhan ko akarshit karne ke kuch mul siddhanton ka palan karna ati avashyak hai.
ye siddhant hain-
1. har pal svayan ko anandit rakhna.
2. jo vyakti svayan ko anandit rakhta hai vah parmatma ke karib hota hai. parmatma arthat vaibhav, sukh, samriddhi.
sachchidanand - satya hi anand hai.
jab ap khush hote hain to parmatma khush hota hai.