apne ghar ko banaen vastusammat ranju narang paryavaran men anek prakar ki shaktiyan karyarat rahti hain. dhan ayan evan rin ayan donon ka bal saman hai. shvasan kriya ki ek nishchit gati hoti hai.
vastu dosh yukt sthan men pravesh karne se iski gati men parivartan anubhav kiya ja sakta hai. yadi ghar purnataya vastusammat n ho aur usmen tor-for karna bhi sanbhav n ho to antrik sajja men kuch parivartan karke bhi ap svayan apne ghar ko vastusammat bana sakte hain aur sukhad parinam prapt kar sakte hain.
antrik sajja ek rachnatmak kala hai jismen rangon ka uchit sanyojan, divaron par lagane vali pentings, farnichar, parde, kalin, dariyan, sajavti paudhe evan vibhinn prakar ki kalatmak vastuon ka prayog kiya jata hai.
parantu vastusammat antrik sajja vah hai jismen purva nirdharit uddeshya ke anusar rangon v dhatuon ka sanyojan karke, manglik vastuon, chihnon evan chitron ka prayog karke, sakaratmak urja ka pravah karne vale per paudhe lagakar, samriddhi evan vaibhav lane vali dhvaniyon ka prayog karke prakriti ke panchatatvon agni, jal, vayu, prithvi, akash ko santulit kiya jata hai aur apni unnati ka marg prashast kiya jata hai.
mukhya dvar mukhya dvar avrodh rahit hona chahie arthat uske samne koi khanbha, per ya kona n ho. parantu yadi aisa koi avrodh ho jise hataya n ja sake to mukhya dvar par bahar ki taraf ashtakoniya darpan laga den.
isse ghar men pravesh karne vali nakaratmak urja paravartit hokar laut jaegi. iske atirikt svastik ., muslim sanpraday ka 786 ya isai sanpraday ka kras ($) ka chihn yadi mukhya dvar par ankit kar diya jae to vahan kisi bhi tarah ka vastudosh nahin rahta hai. mukhya dvar ke andar ki taraf ho to ek tulsi ka paudha bahut hi kalyankari hota hai.
draeing rum (baithk) rangon ke sanyojan ki drishti se baithak men halka gulabi, asmani ya halka hara rang uttam hota hai. baithak men dakshin ki divar par yadi lal rang ke chitra athva pentings hon to sangathak hote hain. yuddh evan hinsa vale chitra baithak men ya ghar men kahin bhi n lagaen. jis chitra men shrikrishn arjun ko gita ka updesh dete hon, vah shubh nahin hota hai.
sneh, vatsalya, prem adi bhavnaon ko prakat karne vale chitra lagae ja sakte hain. bansuri bajate krishn aur radha ka chitra jismen piche mor bhi dikhai dete hon, atyant shubh hota hai. iske atirikt yashoda krishn ka chitra bhi sakaratmak urja ko pravahit karta hai. uttar ki divar ki taraf jal se sanbandhit chitra jaise jharna, nadi adi ho sakte hain. kuch sajavti paudhe bhi baithak men rakhe jate hanai.
yadi paryapt sthan ho to pile falon vala narangi ka paudha bhi gamle men lagaya ja sakta hai. yah paudha saubhagya aur sanpannata ka pratik hai. ise dakshin purva disha men lagaya jata hai. is disha men narangi ka kritrim paudha bhi shubh faldayi hota hai. iske atirikt hari pattiyon vale kalatmak paudhe bhi lagae ja sakte hain. ye sakaratmak urja ka pravah karte hain.
baithak men ek kristal bael lagana shubh hota hai. is bael ko shakti ka punj mana gaya hai. kristal prakash ki kirnon ko paravartit kar ghar men shubh kirnon ka prabhav utpann karta hai. puja ghar puja ghar purva disha, ishan kon athva uttar disha men hona uttam hota hai. puja ghar men devi devtaon ki tasviren lagani chahie, murtiyan nahin. yadi murti lagana chahte hain to vah nau inch se choti ho kyonki isse bari murtiyan lagane ke vishesh niyam hote hain jinhen har vyakti pura nahin kar sakta. samy-samay par puja ghar ki safai avashyak hai.
ismen kapur ka dipak avashya jalaen. dakshinavarti shankh, shri yantra adi ko puja ghar men sthan den. smaran rahe ki ghar men puja ek hi sthan par ho. puja ghar ka pent sunhra athva halka pila ho sakta hai. rasoi ghar vastu ke anukul rasoi ghar men paka bhojan svasthyavaddhar k evan prasannatadayak hota hai. grihin ai ka adhikansh samay rasoi ghar men vyatit hota hai islie rasoi men svachch vayu ka avagaman avashyak hai. agney kon rasoi ghar ke lie vastusammat mana gaya hai.
rasoi ghar men egjaest fain lagaya jana avashyak hai. gais ka chulha aur pani ka sink sath-sath ya ekadam amne samne nahin hona chahie kyonki agni aur jal paraspar virodhi tatva hain. ag tatha pani ko dur rakhne ka prayas karna chahie- n to ye donon ekadam samne hon n hi ek sath. aisi sthiti men bich men koi avrodh laga dena chahie. bhojan pakate samay grihini ka munh purva ki taraf hona chahie.
yadi naukar khana pakae to uska munh uttar ki taraf ho. haet plet, ovan, miksi adi upakaran aon ko rasoighar ke agney kshetra men rakhna chahie. rasoi ghar ka pent safed athva halka gulabi ya pila hona chahie. rasoi men yadi vastu dosh ho to kanch ke katore men fitkri rakhen tatha darvaje par choti si panch charon vali pavan ghanti (vind chaim) lagaen. rasoi ghar men puja sthal kadapi n banaen.
sirhiyan sirhiyan pashchim disha ya rnaitya kon men honi chahie. ye dakshinavarti honi chahie aur inki sankhya visham honi chahie. inke niche tatha upar donon taraf darvaja banaen. inke tutne par turant marammat karaen. is sthan par jute chappal, balti adi nahin rakhne chahie. ghar ki bagiya ghar ki uttar disha men choti bagiya atyant shubh hoti hai.
ninbu, narangi, ashok, jamun, nim ke vriksh sampannata vardhak mane gae hain. ashok vriksh ko ghar ke samip lagane se anya ashubh vrikshon ke dosh bhi samapt ho jate hain. falon se lade ninbu v narangi ke vriksh sanpannata ke dyotak hain. jamun ka vriksh dakshin disha men vishesh shubh hota hai. yah mansik tanav ko dur karta hai. vrikshon men bans ka paudha bhi lanbi ayu ka pratik hai. shayan kaksh grihasvami ka shayanakaksh dakshin pashchim (rnaitya) men hona chahie. yah kaksh aisa ho jahan chiriyon ke chahchhane ki avaj sunai de. shayanakaksh men devi devtaon ke chitra nahin lagane chahie.
ismen palang ke samne darpan bhi nahin hona chahie. sirhana dakshin disha ki or rakhna chahie. darvaje ke ekadam samne nahin sona chahie. divaron ka rang shvet, hara, gulabi rakha ja sakta hai. dakshin purva disha men ‘kabutar ka jora’ (khilauna) arogya deta hai. lav bards bhi rakhe ja sakte hain. shayan kaksh men tanbe ke patra men jal rakhen rat ko vidyut upkrnon ke karan kuch tarangen banti hain jinhen yah avshoshit karta hai. inka manav sharir par kuprabhav kam ho jata hai.
shayanakaksh men bim ke niche nahin sona chahie. parantu yadi shayanakaksh ya ghar men kahin bhi bim ho to uske kuprabhav ko kam karne ke lie uske upar 450 digri kon par bans ki bani bansuri lagani chahie. avivahit kanyaon ka shayanakaksh vayavya kon (uttar pashchim) men uttam hota hai. is kone men mehmanon ka shayan kaksh bhi banaya ja sakta hai. adhyayan kaksh adhyayan kaksh shant ho to manohari vatavaran aur ekagrata pradan karta hai.
yah kaksh purva, ishan athva uttar disha men achcha hota hai. agar aisa n ho to bhi parhte samay munh purva athva uttar disha ki or hi hona chahie. pashchim ki thos divar ki or pith karke baithna chahie. adhyayan kaksh men taje ful sajane chahie. kanpyutar agney kon men rakhna chahie. pustakon ki almari rnaitya kon men rakhen. rnaitya kon men sada bhari vastuen rakhi jati hanai. almariyan kabhi khuli hui nahin honi chahie. darvaja n ho to parda avashya lagaen.
parde v divaron ka rang sunhra, halka hara athva halka pila rakhen. ekagrata barhane ke lie shriyantra athva kristal bael ka prayog kiya ja sakta hai. is kaksh ke uttar pashchim disha men glob rakhen aur din men tin bar use avashya ghumaen. brahmasthan bhavan ke madhya bhag (angn) ko brahmasthan kaha jata hai. yah thora uncha aur khula hona chahie. ismen bhari saman nahin rakhna chahie.
yah vastu purush ka nabhi sthal hota hai. is par vajan rakhne se ghar ke sadasyon ko pet ki bimari ho sakti hai. is sthan ko rangoli se sajana chahie. yadi yahan thora khula akash bhi dikhe to bhavishya sanvar jata hai. brahmasthan ki safai par bhi vishesh dhyan dena chahie. tijori ya dhan rakhne ka sthan uttar disha ke svami devta koshadhyaksh kuber hain atah dhan tatha tijori rakhne ki sarvottam disha uttar hai. iske atirikt ishan kon men bhi tijori rakh sakte hain, parantu dakshin, vayavya rnaitya ya agney kon men tijori n rakhen.
yah bhi dhyan rakhen ki tijori is prakar rakhi jae ki uska munh sadaiv purva ya uttar disha men khule. snanaghar snanaghar agneykon ke baju men arthat kuch purva disha ki or hona chahie. snan ke bad purva ki taraf se surya kirnon ka sharir par ana achcha hota hai. snanaghar v shauchalay alag hona uchit hai. parantu yadi shauchalay bhi sath men ho to snan ghar men sada ek kanch ka katora sabut namak bharakar rakhen. ek saptah bad namak badal den. namak nakaratmak urja ko sokh leta hai.
gijar, svich bord adi agney kon men hone chahie tatha vaesh besin purva ki taraf hona chahie. snanaghar ke pas rasoighar ke piche bartan v kapre dhone ka ek sthan hona chahie. shauchalay yah pashchim ya uttar pashchim disha men hona chahie. ishan, agney, rnaitya men shauchalay varjit hai. finail adi se saf safai avashyak hai. prayog ke bad nal band rakhne chahie. iski divaron ka rang safed hona chahie.
vahan, gadi rakhne ka sthan ghar ka dakshin pashchim ki taraf ka hi ek bhag vahan adi bhari saman rakhne ke lie upyukt hota hai. is sthan par vayu ka avagaman sugam hona chahie. grih antrik sajja se sanbandhit samanya vastu niyam ghar ka rang rogan purana n hone den, samy-samay par pent karate rahen. ghar ka koi bhi nal tapkna nahin chahie, isse dhan ka apavyay hota hai.
ghar men navaratnon ka per lagane se sakaratmak urja ka pravah barhta hai. kantedar per jaise - babul aur khair, kaiktas adi ghar men n lagaen. bonsai paudhe bhi nahin lagane chahie kyonki sundar hone par bhi ye pragti men badhak hote hain. ghar men uttar disha men dhatu ka bana kachua rakhna chahie. yah lanbi ayu ka pratik hai. ghar men pratah kal v godhuli vela men shubhmantron ki dhvani sunai de to sakaratmak urja ka sanchar hota hai. atah gayatri mantra tatha anya pavitra mantron ka kaiset laga sakte hain.
tute fute bartanon ka prayog bilkul nahin karna chahie tatha tuti khat aur fati chadar par kabhi nahin sona chahie. isse ghar men daridrata ka vas hota hai. ghar ke uttar pashchim men dhatu ke sikkon se bhara kanch ka katora rakhen. isse sanpannata ati hai. telifon, faiks mashin adi uttar pashchim men rakhne chahie kyonki yah kshetra sahayak vyaktiyon ka kshetra hai. in dishaon men telifon, faiks adi ka sanbandh hone se inse hone vala sanpark sadaiv sahayak hoga.
mahilaon ko pratah jaldi uthakar men get ke bahar safai ka karya karna chahie. ghar ke farsh par namak mile pani ka poncha lagana chahie. isse ashubh urja bahar nikal jati hain. ghar ho athva karyalay kamkaji vyakti ko darvaje ki or pith karke nahin baithna chahie.
is tarah baithne par koi apke sath vishvasghat kar sakta hai. kamkaji vyakti ko apni pith ke piche parvat ka chitra lagana chahie taki kam men ekagrata ae. sukhe ful ghar men nahin rakhne chahie.
janm kundli ke vishleshan ke lie bat karen desh ke prasiddh jyotishiyon se keval fyuchar point par