mandir yadi vastusammat ho to usam ne sakshat brahm ke darshan ka saubhagya mil jata hai. mandiron ke sandarbh men kuch mahatvapurn vastu niyam is prakar hain.
bhumi: mandir hamesha ek aise pavitra sthan par banana chahie jahan nadi, talab, samudri kinara, jhil, pahari choti, ghati ya sundar udyan ho aur as pas ka vatavaran shuddh, pavitra v dharmik ho. kisi tirth sthan par mandir banana sarvatha upyukt rahta hai. mandir ke lie chaynit bhumi vargakar ya aytakar honi chahie tatha uttar -dakshin ke chunbkiya dhruv bhumi ki lanbai ke samanantar hone chahie aise mandir men svarg sa anand ata hai.
disha: mandir nirman men disha ka gyan ati avashyak hai. pura mandir purvabhimukh hona chahie arthat mandir ka munh purva disha ki or hona chahie kyonki purva disha se hi surya niklta hai jo andhkar v agyanta ka shatru hai aur jivndayak hai. mukhya imarat yadi puri bhumi ko 64 vargon (8 guna 8) men banta jae to pratyek disha ke 8 varg bante hain jinmen se bich ke 2 varg mukhya dvar ke lie hote hain. mandir ki charon taraf ki divaron ke madhya char dvar hone chahie. puri bhumi ke madhya bhag ke 4 vargon ko garbh grih ke lie chorna chahie jahan pramukh devta sthapit kie jate hain. garbh grih ke charon or ke 12 vargon ka sthan parikrama ke lie rakhna chahie. mandir ki mukhya imarat bhumi ke rnaitya kon ki or banni chahie. godam v dukanen vayavya kon ki or hon, bhumigat jal bhandaran ya kuen ishan kon ki or tatha rasoi v vishram sthal agnikon ki or hone chahie. favvare v kamal ke talab bhi mandir ke ishan kon ki or hone chahie. snanaghar purva disha tatha shauchalay mandir ki bhumi se bahar rnai tya kon ki or hona chahie. dipastanbh, agnikund v homkund bhumi ke agnikon ki or hona chahie. mandir ke charon taraf sarak ho.
tulsi ke paudhe purva ki or aur chameli v chanpa ke vayavyakon ki or hone chahie. mukhya puja sthal mukhya bhavan ke ishan kon ki taraf hona chahie. sanpurn mandir ki dhalan purva v uttar disha ki or honi chahie. mandir ke pujari ko mandir ke andar bane kamron men nahin rahna chahie. sabha sthal ki unchai mukhya mandir ki unchai se kam honi chahie. sabha sthal ke pashchim men manch hona chahie. vahan rakhne ki vyavastha mandir ke purva ya uttar disha men bahar ki or ho.
mandir men dakshin dvar ki or se pravesh karne se pahle jute rakhne ka intjam hona chahie. purva disha ke dvar ki or pine ke pani ya hath pair dhone ka intjam hona chahie. mandir men nariyal torne ka sthan mandir ke bahar purva ya uttar disha men ho to achcha rahta hai. khanbhon v farsh ka rang safed, pila ya halka sunhra ho to shubh rahta hai. mandir ki chaya dusre bhavnon par nahin parni chahie. mandir ke samne kisi tarah ki anya koi imarat nahin honi chahie. vivah samaroh mandir ke andar nahin, mandir ke pashchim ya dakshin disha ki or hone chahie. sangit ki vyavastha vayavya kon ki or ki ja sakti hai. dan patra purva ya uttar disha ki or rakha ja sakta hai. mukhya dvar purva disha ka dvar sarvadhik shubh, uttar disha ka madhyam aur dakshin disha ka ashubh hota hai. mukhya dva ar hamesha jagmgata rahna chahie. mukhya dvar ki unchai uski chairai se doguni honi chahie. mukhya dev pratima yadi purva disha ke mukhya dvar ke 9 bhag kie jaen to mukhya dev pratima ki drishti satven bhag par honi chahie. isi gannanusar dev pratima ki unchai rakhni chahie. is drishti ke samne imarat, khanbha, per adi nahin ane chahie. samne keval mukhya dvar ya sarak honi chahie. pratima ka adhar sthal farsh se uncha hona chahie. bhaktagan ko dev pratima ko sidhe nahin chuna chahie, koi pratik chihn bhakton ke samip banana chahie. kave l pujari ka e hi mukhya dave pratima ke karib jana chahie. yadi mandir men dusre devtaon ke bhi chote mandir hon to keval bhagvan hanuman v devi kali ka mukh dakshin disha ki or hona chahie. bhagvan shiv ka mukh pashchim v bhagvan vishn au ka hamesha purva disha ki or ho. suryoday se 3 ghante tak surya ki kirnen sidhe mukhya dev pratima par purva disha ki khirki ya dvar se parni chahie. devta ke piche ki or koi kamra nahin banana chahie. nariyal ke pani ka chirkav devta par nahin karna chahie. mukhya ghanti, dhvani upakaran adi mukhya devta ke puja sthal ke andar n ho. mukhya devta ke charon or vargakar, aytakar, ashtakoniya ya golakar khanbhe hone chahie n ki shatkoniya.
rang: mandir ki divaron ka rang kala nahin hona chahie. chunki mandir ki sabse upyukt disha purva-uttar hai v is disha ke rang halka nila, safed aur halka hara hain, islie yahi rang mandir men prayukt hone chahie. kuch prasiddh udaharan bharat men aise bahut se prachin mandir hain jinka nirman vastu ke niyamon ke anusar hua hai. vastu siddhanton ka in mandiron men puri tarah se palan kiya gaya hai. isi karan ve aj tak vidyaman v prasiddh hain. in mandiron ke prati logon ki agadh shraddha v vishvas hai.
inmen kuch pramukh hain- amritasar ka svarn mandir, tirupti ka bala ji mandir, madurai ka minakshi mandir, rameshvaram mandir, kanyakumari men vivekanand smarak sthal, puri men jagannath mandir, asam men kamakhya devi mandir, banaras ka vishvanath mandir v agre ka tajamahal.
amritasar ka svarn mandir: iske charon taraf sarovar ati shubh hai. vargakar bhumi par mandir ka nirman kiya gaya hai. uttar disha ka dvar vastu ka anurup hai.
nasik ka trayanbkeshvar mandir: uttara-dakshin ki lanbai purva-pashchim ki lanbai se adhik hai islie yahan asthavan bhakton ka bhid lagi rahti hai. pashchim v rnaitya dishaen pahariyon se ghiri hain tatha ishan kon men talab hai jo ati shubh hai.
banaras ka kashi vishvanath mandir: yah pavitra nadi ganga ke kinare sthit hai. ganga nadi ka bahav purva ki or hai jo ati shubh hota hai. bhagvan vishveshvar purvabhimukh hain v mukhya dvar purva ki or hai.
tirupti ka balaji mandir ah dakshin v rnaitya men paharon ki shanrikhla hai. dhalan purva v uttar ki or hai. uttar disha men dvar v ishan kon men talab hai. in sabke falasvarup mandir atyant samriddh hai.
ghar men mandir is sandarbh men vastu ke niyam is prakar hain: puja ghar hamesha ghar ke ishan kon men hona chahie. puja karte samay pujari ka chehra purva disha ki or hona chahie. kisi bhi murti ka akar 6 inch se bara nahin hona chahie. foto bari ho sakti hai.
ganesh ji ki murti purva disha ki divar par lagani chahie. shayan kaksh men mandir nahin hona chahie. mandir ke sath shauchalay ya rasoighar nahin hona chahie. mandir men keval bachche hi so sakte hain.
janm kundli ke vishleshan ke lie bat karen desh ke prasiddh jyotishiyon se keval fyuchar point par