vastu shastra ke anusar grihasvami a a ai r grihasvamini ko dakshin disha men shayan karna chahie. grih svami, grih svamini ya koi anya stri yadi dakshin disha men shayan v nivas karti hai to vah prabhavshali ho jati hai. atah parivar ki mukhiya stri ko dakshin disha men shayan karna chahie.
kanishth striyane, devrani adi ko is disha men shayan nahin karna chahie. jo striyan agni kon men shayan v nivas karti hain unka dakshin disha men shayan karne vali striyon se matbhed rahta hai. agni kon men yuvak v yuvti alp samay ke lie shayan kar sakte hain. agni kon adhyayan v shodh ke lie shubh hai. bhavan ke vayavya kon men jo striyan shayan v nivas karti hain unke man men uchchatan ka bhav ane lagta hai aur ve apne alag se ghar basane ke sapne dekhne lagti hain.
atah bhavan ke is bhag men kanyaon ko shayan karana shubh hota hai kyonki unhen sasural ka ghar sanvarna hota hai. nai dulhan ya bahu ko yah sthan shayan hetu kadapi upyog men nahin lana chahie. yadi koi purush vayavya kon men adhik samay shayan karta hai to uska man parivar se uchat jata hai aur vah alag hone ki sochta hai.
yadi parivar men do ya do se adhik bahuen hon to vastu shastra ke niyamon ke anusar shayan v nivas ke sthan ka chayan kar sneh, prem v talmel banae rakha ja sakta hai. bhavan ka sabse shaktishali bhag dakshin disha hoti hai, atah is bhag men sas ko sona chahie. agar sas nahin ho to parivar ki bari bahu ko sona chahie. usse choti ko pashchim disha men, usse choti ko purva disha men aur usse choti bahu ko ishan kon men shayan karna chahie.
dakshin men shayan karne vali stri ko pati ke bayin or agnikon men shayan karne vali stri ko dayin or shayan karna chahie. grihasth patni ko pati ki bayin or sona chahie. parivar ki mukhiya sas ya bari bahu ko purva ya ishan kon men shayan nahin karna chahie. vriddhavastha men ya ashakt ho jane ki sthiti men ishan kon men shayan kiya jata sakta hai kintu agnikon men shayan nahin karna chahie.
agnikon men agni karya se striyon ki urja ka sahi paripak ho jata hai. shayan kaksh ka bistar agar dabal bed ho aur usmen gadde alg-alag hon tatha pati-patni alg-alag gadde par sote hon to unke bich tanav ki sthiti paida ho sakti hai aur age chalakar alag ho sakte hain.
janm kundli ke vishleshan ke lie bat karen desh ke prasiddh jyotishiyon se keval fyuchar point par